Македонија
Сé уште нема кривична одговорност за хеликоптерската несреќа во Струмица

Комисијата за истражување на несреќата на хеликоптерот на Министерството за внатрешни работи во којашто загинаа четворица пилоти вработени во МВР, го доставила завршниот извештај за несреќата до Јавното обвинителство во Струмица и во него се изнесени резултатите од истрагата на несреќата спроведена од страна на Комисијата.
Сепак, од Јавното обвинителство продолжуваат со истрагата за несреќата и напомнуваат дека сé уште не може да се говори за кривична одговорност на физичко или правно лицеКомисијата за испитување на хеликоптерската несреќа ги испитуваше причините за несреќата, без притоа да ја утврдува вината за случениот трагичен настан.„Јавнообвинителската истрага за урнатиот полициски хеликоптер продолжува натаму и интензивно се врши во надлежното обвинителство. Станува збор за обемен материјал и бројни извештаи, наоди, податоци кои треба да се приберат, да се разгледаат и анализираат, и потоа да се дадат на вештачење. Јавното обвинителство потенцира дека во следниот период по целосното прибирање на материјалот побаран со наредба и негова анализа, а по добиениот наод и мислење на вешто стручно лице, ќе се донесе јавнообвинителска одлука за тоа дали постои, каде и кај кого, евентуална лична кривична одговорност за падот на хеликоптерот“, се вели во соопштението на Струмичкото обвинителство.Хеликоптерската несреќа се случи пред точно една година, на 10-ти јули 2014-та, кога хеликоптер од типот „МИ-17“, во сопственост на Министерството за внатрешни работи, се урна во индустриската зона во Струмица при ноќен тренажен лет.Драги Мицев, началник на воздухопловните сили во МВР, пилот со 34 години работен стаж, Маријан Трајковиќ, пилот-капетан со 37 години работен стаж, Тоде Орешков, воздухопловен инспектор за лиценцирање на воздухопловен персонал, пилот со работен стаж од 36 години и Илјо Лопатички, командир-пилот со работен стаж од 36 години се четворицата пилоти кои загинаа во хеликоптерската несреќа кај Струмица./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Привремен режим на сообраќај во Центар поради снимање на филм

Привремен режим на сообраќајот ќе биде воведен вечерва кај Градската болница поради снимање на филмот „Збогум, Копакабано“ на режисерот Милчо Манчевски.
„За потребите на снимањето на филмот ‘Збогум, Копакабано4, во режија на Милчо Манчевски, во продукција на ‘Банана филм’ и во соработка со МВР и ЈП ‘Улици и патишта’, известуваме за шривремен режим на сообраќајот на булеварот 11 Октомври во Скопје, поточно од раскрсницата кај Црвениот крст до раскрсницата кај Градската болница“, велат од ПР-тимот.
Привремениот режим е предвиден за 31.7.2025 (четврток) во времетраење од 22 до 4 часот во раните утрински часови.
Македонија
Активни се три пожари на отворено во Македонија

Утрово се активни три пожари на отворено во Македонија, информира Центарот за управување со кризи.
До 06:30 часот на територијата на Република Северна Македонија имаше вкупно 28 пожари на отворен простор, од кои три се сѐ уште активни, еден пожар е под контрола, а 24 се изгаснати.
АКТИВНИ: 3
1. Општина Василево, Радовиш и Берово
• с. Нивичино, планина Голем Готен и Малешевските Планини
• Нискостеблеста шума, смрека, грмушки и ниска вегетација
2. Општина Прилеп
• с. Бешиште, м.в. Бешишки Рид (под контрола)
• Друг крак кон с. Градешница (опш. Новаци) и трет крак кон граница со Р. Грција
• Не се интервенира поради детонации (мешана шума)
3. Општина Кавадарци
• помеѓу селата Галиште и Ќесендре
• Мешана шума и нискостеблеста вегетација
ПОД КОНТРОЛА: 1
1. Општина Карбинци
• с. Јунузлија (шума)
Македонија
Без струја делови од Сопиште, Аеродром и Студеничани

Без струја денеска ќе останат делови од општините Сопиште, Аеродром и Студеничани.
ЕВН Македонија АД известува дека на ден 31.07.2025 година ( четврток ) без електрична енергија ќе останат:
– во периодот од 07:00 до 16:00 часот, од последна автобуска станица 24ка до маркет„ДАВИДОВ“ . (општина Сопиште)
– во периодот од 08:30 до 15:30 часот, корисниците од ул.Ѓорѓи Капчев. (општина Аеродром)
– во периодот од 09:30 до 12:00 часот, дел од корисниците на селото Морани СЕЛОТО МОРАНИ (општина Студеничани)
– во периодот од 13:00 до 15:00 часот, корисниците од викендици Дражилово, ХПП Патишка Река, Крас Јаболце.(општина Сопиште)