Македонија
Шилегов: Дуќанџиите се жалат на големи казни

Дуќанџиите од Гостивар се жалат на преголемите казни, па затоа со нив во четврток поразговара Петре Шилегов, носител на кандидатската листа во И.Е. 6, и портпарол на СДСМ и им го објасни планот, прво да се достави опомена, аи казните да се намалат на поливина.
„Поразговаравме со дуќанџиите и сите се жалат на една иста работа, драконските големи казни. Ги образложивме нашите ставови околу тие казни, немањето на казна на првата опомена, и преполувањето на казните се ветувања коишто ги прави Социјалдемократскиот сојуз. Со луѓето разговараме за нивните секојдневни маки, тие маки се од таков тип и карактер што нивната концентрација е кон барање на нови работни места и зголемување на постојните плати“, рече Петре Шилегов, носител на кандидатската листа во И.Е. 6, и портпарол на СДСМ.
Тој појасни дека во текот на четири годишниот мандат ќе продуктираат 64 илјади нови работни места и ќе ја зголемат платата.
„Нашата крајна цел е да го направиме животот во Македонија подобар, подостоинствен на начин што луѓето ќе ги почувствуваат благодетите на нашата економска програма на начин што луѓето ќе престанат да се делат по секој основ од економски, политички, па до меѓунационален со крајна цел да ги задржиме младите во Република Македонија“, рече Шилегов.
Тој смета дека бројката од 30.000 ученици кои од 2006 до денеска се намалиле во овој крај, е показател дека тие се отселиле од државата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.