Градоначалникот на Општина Центар, Горан Герасимовски го оствари предизборното ветување кое им го даде на членовите од Националниот сојуз на глуви и наглуви за време на кампањата во предизборниот процес. Станува збор за користење на бесплатно паркирање на лицата со оштетен слух на сите паркинзи на ПОЦ, на целата територија на општината.

На денешната средба иницирана од градоначалникот Герасимовски, беше потпишан Меморандум за соработка меѓу Васко Кичевски, директорот на ЈП “Паркинзи на Општина Центар“ и Томица Стојановски, претседателот на Националниот сојуз на глуви и наглуви, со кој по одлуката на Советот на Општина Центар ќе почне и неговата примена.

„Со овој Меморандум за користење на бесплатно паркирање на паркинзите под надлежност на општината конечно го исполнуваме неколку годишното барање на лицата со оштетен слух. Оваа услуга, која веќе ја користат лицата со оштетен вид и телесен инвалидитет, досега не беше овозможена за лицата со оштетен слух. Токму затоа беше и нашата средба пред месец и половина која се заложив дека ќе им излезам во пресрет“, изјави Герасимовски на средбата.

Оваа привилегија на сите паркинзи на ПОЦ ќе може да ја користат сите лица со кои поседуваат лекарска потврда за оштетен слух од над 90% и сите членови на Националниот сојуз на глуви и наглуви.

Општина Центар и во иднина ќе работи на овозможување услуги кои ќе им го олеснат животот на лицата со телесен инвалидитет или било каква друга попреченост.

Пендаровски троши народни пари за себепромоција, се вели во соопштението од ВМРО-ДПМНЕ.

Од опозициската партија наведуваат дека Стево Пендаровски нарачувал и плаќал со пари на граѓаните, а со вработените од неговиот кабинет се фалел дека бил човек од народот.

Претседателскиот центар за политичка соработка заедно со граѓанско здружение изработил анкета со која со народни пари, Стево Пендаровски се фали сам себе.

Претседателскиот центар се финансира со буџетски пари на граѓаните и е наменет за работи кои ќе имаат општа полза, а не за кампања за кревање на рејтингот на Стево Пендаровски, се вели во соопштението од ВМРО-ДПМНЕ.

Од партијата додаваат дека граѓаните очекуваат од Пендаровски да даде решенија и правци за излез на државата од кризите, а не да ги троши нивните пари на политички маркетинг.

„Очекуваме Пендаровски да се извини на народот за ова трошење на нивните пари за себепромоција”, се вели во соопштението од ВМРО-ДПМНЕ.

Власта да собере храброст, да го послуша барањето на граѓаните и да излезе на избори, изјави на денешната прес конференција Дафина Стојаноска пратеничка од редовите на опозициската ВМРО-ДПМНЕ.

Како што изјави таа, оваа власт, предводена од СДСМ и ДУИ, може да опстои само во хаос, безредие и беззаконие. Единствено, што најдобро знаат да го прават, е да наоѓаат изговори за својата неспособност и да ја дефокусираат јавноста, создавајќи нови национални проблеми.

Таа додава дека токму заради ова, граѓаните ја пратија својата порака и ги казнија политиките на владата на Заев, декласирајќи ги на последните локални избори.

На тој ден СДСМ и ДУИ го изгубија легитимитетот, а од поодамна и кредибилитетот во владеењето, изјави Стојаноска

Пратеничката од редовите на ВМРО-ДПМНЕ истакна дека на сите им е јасно дека не постои никаква безбедносна криза по прашањето за спорот со Бугарија. Единствената криза постои само во владата на СДСМ и ДУИ, колабирана од неспособност, неодговорност и корупција.

Од пратеничката група на ВМРО-ДПМНЕ обвинуваат дека Груби и владата ја втурнуваат Македонија во вештачка криза, со издигнување на спорот со Бугарија на ниво на безбедносно прашање. Спорот со Бугарија не е безбедносно прашање, ниту пак спор од безбедносен карактер.

Овој обид на Груби и на власта – да градат на оваа теза преговори, е поразителен за државата. Македонија е земја – членка на НАТО и со ова сите наши безбедносни прашања се затворени. Во рамки на границите на Република Македонија има Министерство за внатрешни работи, кое ја чува или треба да ја чува нашата безбедност, изјави Стојаноска.

Пратеничката од ВМРО-ДПМНЕ испрати порака до власта да соберат храброст и овојпат да ја послушаат желбата на граѓаните која јасно била изразена на локалните избори во Октомври. Таа додаде дека решението за излез од кризата е брзо и лесно, а тоа се избори.