Македонија
Арсовска: Се чисти дивата депонија во Ново Лисиче каде ќе се реализира мега парк во Скопје

Почна да се чисти дивата депонија кај последната автобуска станица бр. 5 во Ново Лисиче. Градоначалничката на Град Скопје, Данела Арсовска, на прес-конференција со градоначалникот на општина Аеродром, Тимчо Муцунски, денеска од Аеродром најавија реализација на еден од петте мега паркови кои се предвидени во програмата на Град Скопје.
„Уште од првиот ден почнавме не само со дополнително мапирање на дивите депонии на територијата на градот Скопје, меѓутоа и во соработка со општините под Град Скопје започнавме со чистење на дивите депонии низ градот, како едно од ветувањата коишто ги имавме за првите 82 дена од мандатот. Отпочнуваме и со еден од проектите коишто беа во 15+1 проекти за Скопје, а тоа е мега парк којшто беше предвиден за општина Аеродром, во соработка со самата општина“, истакна Арсовска.
Според неа, следните три месеци од нејзиното менаџирање на градот се клучните месеци кога треба да се реализираат сите приоритетни проблеми кои беа посочени од скопјани, а нивниот рок на имплементација е 82 дена.
„Верувам дека во наредните три месеци ќе имаме навистина тешка работа, а тоа е да ги реализираме сите оние проекти кои се предвидени во програмата, а истата е веќе и програма на Град Скопје. Знам дека по првите 82 дена скопјани ќе видат значителни разлики и подобрување во сите процеси на работа на градот“, додаде Арсовска.
Градоначалникот на општина Аеродром, Тимчо Муцунски, рече дека се санкционирани неколку трговски друштва кои на дивата депонија фрлале отпад, а со реализација на мега паркот скопјани ќе го добијат вториот најголем парк на територијата на Град Скопје.
„Уште во кампањата и јас и градоначалничката на Град Скопје, Данела Арсовска, ветивме дека на ова место ќе се гради голем парк од 100 илјади квадратни метри со зелена и рекреативна површина. Со тоа ќе стане третиот најголем парк на територијата на општина Аеродром“, рече Муцунски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Времен прекин на сообраќајот на патниот правец Росоман-Кавадарци

АМСМ информира дека денеска сообраќајот на патниот правец Росоман-Кавадарци ќе биде во прекин во периодот од 10:00 до 14:00 часот.
Македонија
Политика апсолутно не стои зад смената на Јовев, секаде каде што има злоупотреби ќе има санкционирање, уверува Меџити

Смената на директорот на Клиниката за кардиологија Сашко Јовев кој ги предводеше трансплантациите на срце во земјава не е политичка, вели министерот за здравство Фатмир Меџити. Тој денес по посетата на реновирани простории на Клиниката за ендокринологија, не сакаше да зборува за причините поради кои го разреши Јовев и најави дека попладнево на брифинг ќе ги изнесе сите детали.
„Политика апсолутно не стои зад смената на Јовев, секаде каде што ќе има злоупотреби со мене како министер, ќе има и санкционирање“, рече министерот Меџити и нагласи дека заедно со Јовев на успешните трансплантаци работел цел тим.
Мецити вчера го разреши Јовев од функцијата директор, а смената наиде на лавина неодобрување кај јавноста, посебно кај пациентите со трансплантантирано срце и нивните семејства.
Македонија
Вмровски пратеници пред лидерската на Мицкоски: Уставни измени? Ма ни под разно!

Пратениците од ВМРО-ДПМНЕ уште еднаш го потврдија веќе познатиот став околу уставните измени. Во објави на социјалните мрежи, тие реагираат, дека нема да дозволат преку уставните измени да се случи, како што велат, исполнување на поединечни бизнис и политички интереси на елити од власта.
Со статус на социјалните мрежи, пратеникот од ВМРО-ДПМНЕ, Јован Јаулески порачува дека нема наметнување на бугарски диктат и нема предавство на државата.
„Уставни измени??? Ма ни под разно! Нема наметнување на бугарски диктат и нема предавство на Македонија!
Владата и парламентарните групи на власта да престанат со сервилности и погазувањето на државните и националните интереси потсетувајќи дека Собранието во овој состав нема легитимитет за носење таква одлука против која е огромното мнозинство македонски граѓани“, пишува Јаулески.
Додава дека Собранието не треба да се доведе во позиција за исполнување поединечни бизнис и политички интереси на елити од власта, туку да служи на суверенот – граѓаните.
Ние, како што рече пратеникот од ВМРО-ДПМНЕ, нема да го дозволиме тоа.
И неговиот сопартиец, Бојан Стојаноски го повтори вчерашниот став на пратеничката група на ВМРО-ДПМНЕ и коалицијата во пресрет на лидерската средба.
Нема промена на Уставот под бугарски диктат, напиша тој.
Според напишаното, уставните измени кои ги прифаќа македонската влада предводена од СДСМ и ДУИ се производ на диктат и под услови кои не се прифатливи за македонските граѓани.
Апелираат до Владата и парламентарните групи на власта да престанат со сервилности и погазувањето на државните и национални интереси потсетувајќи дека Собранието во овој состав нема легитимитет за носење на таква одлука против која е огромното мнозинство македонски граѓани.
„Собранието не треба да се доведе во позиција за исполнување на поединечни бизнис и политички интереси на елити од власта туку да служи на суверенот – граѓаните“, се додава во ставот на ВМРО-ДПМНЕ.
И Мицкоски вчера на ист став со неговите сопартијци, дека кога ќе отиде на лидерска средба со Ковачевски нема да дозволи уставни измени.