Скопје
Поставена попречна препрека пред Основното училиште „Тихомир Милошевски“ во Ново Село во Ѓорче Петров

Општина Ѓорче Петров постави асфалтирана попречна препрека за успорување на сообраќајот пред ООУ „Тихомир Милошевски“ во Ново Село.
Ова е една од мерките за подобра безбедност на децата кои учат во ова училиште, но генерално и за сите кои минуваат на главната улица пред училиштето.
-Наша обврска е да ги заштитиме нашите најмлади жители, преку ваков вид мерки кои носат успорување на сообраќајот, особено каде што се движат ученици – рече градоначалникот на Општина Ѓорче Петров, Александар Стојкоски.
По долгогодишни барања на родителите, Општина Ѓорче Петров им излезе во пресрет на граѓаните за да се спречат евентуални сообраќајни незгоди кои можат да настанат.
-Општината останува и натаму на страна на жителите на Ѓорче Петров и секогаш во интерес на јавното добро. Апелирам возачите да бидат внимателни и да ја прилагодат брзината, согласно законската регулатива – нагласи Стојкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Дел од Центар денеска без вода

Од ЈП Водовод и Канализација известуваат дека денеска поради изведување на водоводен приклучок Ф 80мм. на Јосиф Јосифовски-Свештарот 34 со прекинато водоснабдување ќе бидат корисниците од улицата Јосиф Јосифовски-Свештарот, дел од населбата Пролет, П.С.Пролет и Амбулантата на МВР.
Водоснабдувањето ќе биде прекинато од 09:00 часот до завршување на работните активности.
Македонија
Без струја денеска делови од Центар, Гази Баба, Бутел и Ѓорче Петров

Од ЕВН Македонија АД известуваат дека денеска без електрична енергија ќе останат:
– во периодот од 08.00 до 13.00 часот, корисниците од ул. Питу Гули од бр. 4 до бр. 20. (општина Центар)
– во периодот од 08.00 до 14.00 часот, корисниците од село Стајковци. (општина Гази Баба)
– во периодот од 09.00 до 11.00 часот, дел од корисниците од ул. Рокомија. (општина Бутел)
– во периодот од 09.00 до 13.00 часот, дел од корисниците од улиците Ибе Паликуќа и Воин Драшковиќ. (општина Ѓорче Петров)