Скопје
Без струја делови од општините Карпош, Кисела Вода и Аеродром

„ЕВН Македонија“ АД известува дека денеска, без електрична енергија, ќе останат делови од општините Карпош, Кисела Вода и Аеродром.
Во периодот од 9 до 11 часот, без струја ќе бидат корисниците од улицата Милан Марковиќ, како и дел од корисниците од улицата Миле Поп Јорданов од општина Карпош.
Без струја во периодот од 9 до 12 часот ќе бидат корисниците од улицата Лондонска бр. 4 – влез 1 – зградата на БИСИ во општина Карпош, а во периодот од 9 до 14 часот корисниците од улицата Јустинијан Први, лоцирани на излезот кон селото Студеничани во општина Кисела Вода.
Како што информира ЕВН, без електрична енергија во периодот од 9 до 15 часот, ќе останат корисниците од улицата Божин Николов-Силни, лоцирани на потегот од основното училиште до каналот во општина Аеродром, а во периодот од 12 до 14 часот, без струја ќе бидат корисниците од улицата Јуриј Гагарин бр. 17 – влез 1, улицата Васил Ѓоргов бр. 26 и бр. 47, како и објектите на Центарот за рехабилитација, дирекцијата „Бетон“ и старата амбуланта во општина Карпош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и „ЕУ за чист воздух“: Се садат чинари во училиштата и градинките во општина Кисела Вода

Градоначалникот на општина Кисела Вода, Орце Ѓорѓиевски, денес присуствуваше на акцијата за садасување на дрвца-чинари во ООУ „Кузман Шапкарев“, како дел од големата еколошка иницијатива што општината ја спроведува во сите училишта и градинки. Оваа акција се реализира со поддршка на Канцеларијата за проектни услуги во рамки на проектот „ЕУ за чист воздух“, финансиран од Европската Унија, која ги донираше садниците.
– Засадувањето на секое дрвце е инвестиција во иднината на нашите деца. Како општина, континуирано работиме на подобрување на квалитетот на воздухот и животната средина. Оваа донација е особено значајна бидејќи се насочува токму кон училиштата и градинките – местата каде нашите деца растат и се образуваат. Покрај бројните акции за пошумување, во сите училишта поставивме прочистувачи на воздух, а во поголемите паркови на отворено – надворешни пречистувачи, достапни за сите граѓани. Нашата заложба за чиста и здрава животна средина нема да запре овде. Продолжуваме со реализација на еколошки проекти кои ќе донесат подобри услови за сите жители на Кисела Вода, изјави градоначалникот Ѓорѓиевски, изразувајќи голема благодарност до Европската Унија и Канцеларијата за проектни услуги за донацијата и поддршката на иницијативата.
– Овој проект е уште еден доказ дека споделуваме исти вредности – грижа за околината и за здравјето на идните генерации. Благодарност до сите што придонесуваат за оваа благородна цел. Заедно создаваме почиста, позелена и поздрава Кисела Вода, додаде Ѓорѓиевски.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Герасимовски: „Комунална хигиена“ и Град Скопје повторно потфрлија, ние ги исчистивме контејнерите во Дебар Маало

„Град Скопје и ЈП Комунална хигиена повторно потфрлија со одржувањето на хигиената на територија на Центар. Утрово, дебармаалци се соочија со идентична глетка како од пред два месеци – преполни контејнери со смет и лоша миризба кои не само што се закана по здравјето на центарци, туку, исто така и го нагрдува изгледот на централното градско подрачје кадешто циркулираат голем број на граѓани“, велат од општина Центар.
„И ова утро, нашите општински служби го подигнаа сметот од подземните контејнери во Дебар маало кадешто надлежност имаат Комунална хигиена и Град Скопје. Одржувањето на хигиената во Центар мора да биде приоритет, затоа што секојдневно се движат голем број граѓани. Како локална самоуправа, веќе неколку пати имаме испратено допис до надлежните институции со барање за поажурно и поефикасно извршување на нивните обврски. Граѓаните заслужуваат чиста и уредна средина, а ние ќе продолжиме да инсистираме на решавање на овој проблем“, изјави Герасимовски.
Општина Центар ги повикува граѓаните да пријават проблеми со јавната чистота на територија на општината со цел брза интервенција на службите. Граѓаните можат да пријават смет и диви депонии на следните телефонски броеви: 076/350-767 и 02/3203-693.