Скопје
Герасимовски: Ги повикувам пензионерите да се пријават за проектот „Нега на стари лица во домашни услови“
Градоначалникот на општина Центар, Горан Герасимовски, посети дел од корисниците на проектот „Нега на стари лица во домашни услови“, со цел да чуе дали се задоволни и во која тој треба да се продлабочи и унапреди. Преку проектот пензионерите во Центар користат нега во домашни услови од физиотерапевти, негуватели и социјални работници двапати во неделата по 3 часа.
„Општината преку вакви проекти им помага на највозрасните жители не само за помош во домот или купување продукти, посета на матични лекари и набавување лекови, туку и за социјализација и сè друго што треба за да се помогне. Затоа сакав лично да посетиме некои од корисниците, со нив да поразговараме и слушнеме дали се задоволни и во која насока би требало да го унапредиме и уште повеќе им помогнеме на граѓаните на кои им треба ваква помош“, рече Герасимовски.
Највозрасните сограѓани секојдневно се соочуваат со многубројни предизвици како неможност да ги извршат секојдневните активности во домот поради возраст, неподвижност или болест. Затоа Општина Центар преку овој проект обезбедува асистенција за основните потреби на пензионерите и физиотерапевт за оние што не може да си го дозволат со лични средства.
Општина Центар е единствена општина што обезбедува помош во домовите на своите сограѓани. Проектот „Нега за стари лица во домашни услови“ опфаќа 90 корисници и сите што имаат потреба од проектот може да аплицираат до секој 15 во месецот. Затоа ги повикувам заинтересираните граѓани да аплицираат за проектот и да ги искористат бенефициите. Мерката ги опфаќа лицата со полни 62 години без приходи или со примања до 35.000 денари, се наведува во соопштението на Општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Уште 20 нови дигитални услуги на интернет-страницата на Општина Кисела Вода
Запишување на децата во градинка по електронски пат, пријава за инспекциски служби, поставување директни прашања до градоначалникот или до советниците се едни од 20 нови дигитални услуги што Општината Кисела Вода ги воведе денеска.
Овие услуги се достапни на новата општинска интернет-страница и со ова продолжува дигитализацијата на Општината почната пред речиси две години.
„Дигитализацијата на Општината претставува значаен чекор кон подобрување на транспарентноста, отвореноста и ефикасноста на локалната самоуправа. Воведувањето дигитални услуги овозможува значително олеснување на процедурите за граѓаните и бизнис-заедницата и истовремено го намалува ризикот од коруптивни дејства. Овие промени ја поставуваат основата за една модерна, ефективна и отворена општина, која е насочена кон потребите на своите граѓани“, изјави градоначалникот на Кисела Вода, Орце Ѓорѓиевски.
Со новите услуги ќе биде овозможено следење на системот на јавни набавки, плаќање на такси поврзани со Општината.
„Нема да има повеќе уписи преку врски во градинки. Родителот од дома ќе може да аплицира, да наведе за која градинка е заинтересиран и за неа да аплицира. Со тоа и ние како локална самоуправа точно ќе знаеме во секој момент колкав број деца има за упис, каде има потреба од отворање дополнителни капацитети. Преку апликациите ‘Прашај го градоначалникот’ и ‘Прашај го својот советник’ нашите жители ќе може да комуницираат во прво лице со лицата што ги избрале да ги решаваат нивните проблеми“, додаде Ѓорѓиевски.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Скопје
Без струја делови од општините Илинден и Кисела Вода
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода.
Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја.
Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода.