Скопје
Герасимовски: Завршени 70 отсто од изградбата на новата градинка „Пролет“
Градоначалникот на општина Центар, Горан Герасимовски, и претседателот на СДСМ, Димитар Ковачевски, направија увид во градежните работи на градинката „Пролет“. Станува збор за градинка што општината ја гради со сопствени средства и по повеќе од 50 години.
Градоначалникот Герасимовски пред медиумите истакна дека завршена е енергетски ефикасната фасада и другите надворешните работи поради што градежните работи се одвиваат во внатрешноста на објектот.
„70 % од градежните работи се завршени. Завршено е поставувањето на електричната и водоводната инсталација, поставени се сите преградни ѕидови како и противпожарните врати кон подрумските простории, пристигнати се поголемиот дел од елементите во кујната кои се по најсовремен хасап систем. Сакам да напоменам дека децатаа во градинката Пролет секојдневно ќе добиваат свежо приготвена храна само за нив и истата ќе им се доставува преку посебен лифт. Исто така пристигната е опремата за греење и ладење, поставен е и лифтот за децата со инвалидитет и попреченост во движењето како и рампите за влез и излез во подземната гаража. Кровот е исто така целосно завршен. Општина Центар градинката ја гради со сопствени средства и оваа инвестиција значи решавање на еден долгогодишен проблем за сите родители од Пролет и Маџир Маало“, истакна Герасимовски.
Претседателот на СДСМ Димитар Ковачевски пак истакна дека овој начин на работа преку правилно насочување на парите кон граѓаните ja покажува вистинската грижа за сите кои живеат во Центар.
„Ова е вистински пример што значи грижа за луѓето што живеат во Општина Центар, што значи исполнување на потребите на граѓаните. Оваа градинка е прва која се гради во Општина Центар по половина век, на најголема површина од 3.276 метри квадратни, и ќе биде најголемата детска градинка во државата, со капацитет за згрижување на 150 деца од оваа општина. Инвестицијата е во вредност од 2,5 милиони евра, а изградбата е целосно финансирана од општинскиот буџет. Ова е вистинска грижа за децата, за нашите најмлади и најмили и за сите граѓани – вака изгледа тоа на дело. Со ова темпо на работа, верувам дека вратите на оваа градинка ќе бидат отворени во септември“, изјави Ковачевски.
Преку оваа градинка Општина Центар ќе обезбеди и нови вработувања и беспрекорно функционирање во предучилишните установи, без никакви листи на чекање за упис на нови дечиња. Општината продолжува да работи на инклузивноста во образованието и обезбедување најсовремени и најквалитетни услови за престој на децата и идните генерации, се додава во соопштението на Општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Уште 20 нови дигитални услуги на интернет-страницата на Општина Кисела Вода
Запишување на децата во градинка по електронски пат, пријава за инспекциски служби, поставување директни прашања до градоначалникот или до советниците се едни од 20 нови дигитални услуги што Општината Кисела Вода ги воведе денеска.
Овие услуги се достапни на новата општинска интернет-страница и со ова продолжува дигитализацијата на Општината почната пред речиси две години.
„Дигитализацијата на Општината претставува значаен чекор кон подобрување на транспарентноста, отвореноста и ефикасноста на локалната самоуправа. Воведувањето дигитални услуги овозможува значително олеснување на процедурите за граѓаните и бизнис-заедницата и истовремено го намалува ризикот од коруптивни дејства. Овие промени ја поставуваат основата за една модерна, ефективна и отворена општина, која е насочена кон потребите на своите граѓани“, изјави градоначалникот на Кисела Вода, Орце Ѓорѓиевски.
Со новите услуги ќе биде овозможено следење на системот на јавни набавки, плаќање на такси поврзани со Општината.
„Нема да има повеќе уписи преку врски во градинки. Родителот од дома ќе може да аплицира, да наведе за која градинка е заинтересиран и за неа да аплицира. Со тоа и ние како локална самоуправа точно ќе знаеме во секој момент колкав број деца има за упис, каде има потреба од отворање дополнителни капацитети. Преку апликациите ‘Прашај го градоначалникот’ и ‘Прашај го својот советник’ нашите жители ќе може да комуницираат во прво лице со лицата што ги избрале да ги решаваат нивните проблеми“, додаде Ѓорѓиевски.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Скопје
Без струја делови од општините Илинден и Кисела Вода
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода.
Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја.
Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода.