Скопје
Герасимовски: Основното училиште „Свети Кирил и Методиј“ ја почнува учебната година со нови паметни табли и клима-уреди

Во текот на летниот период, Општина Центар спроведе бројни реконструкции, реновирања и набавка на дигитална опрема во сите осум општински основни училишта. ООУ „Свети Кирил и Методиј“ исто така доби нова опрема – седум смарт табли и десет клима уреди.
Со оваа инвестиција, речиси сите училници сега се опремени со клима уреди и со смарт табли. Градоначалникот на Општина Центар Горан Герасимовски истакна дека за време на посетата на училиштето лично се уверил во придобивките од смарт уредите во наставниот процес.
„Дигитализацијата ја прави наставата поефикасна и поедноставна, а учењето поинтересно и позабавно. Особено сум горд што училиштето ООУ ,, Свети Кирил и Методиј”, со традиција стара 188 години, го применува ваквиот современ пристап во образованието и гради генерации со помош на модерни и дигитални технологии“, изјави Герасимовски.
Од седумте нови смарт табли, четири се обезбедени преку проект поддржан од Центарот за развој на Скопски плански регион, две се донација од општествено одговорна компанија, а една е финансирана од буџетот на Општина Центар. Клима уредите се набавени со средства обезбедени од самото училиште.
Покрај ова, со донација од компанијата Рамстор, завршено е доопремувањето на сензорната соба во училиштето, наменета за најранливата категорија деца со попреченост, со цел да им се олеснат потешкотиите и полесно да се вклучат во процесот на учење.
Општина Центар ќе продолжи со модернизација и унапредување на образовниот процес во интерес на учениците и наставниот кадар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Шалтерите за наплата во „Водовод и канализација“ – Скопје утре ќе работат од 7.30 до 15.30 часот

ЈП Водовод и канализација – Скопје, ги известува корисниците дека утре, четврток, по повод верскиот празник Успение на Пресвета Богородица, шалтерите за наплата, шалтерите за рекламација и операторите во Дирекцијата на претпријатието ќе работат од 07:30 до 15:30 часот.
В петок, 29.08.2025 година, се продолжува со редовно работно време.
Македонија
(Фото) Нови и зајакнати услови за идните ИТ-таленти од училиштето „Ѓорѓија Пулевски“ во Аеродром

ООУ „Ѓорѓија Пулевски“ во општина Аеродром доби нов, целосно опремен кабинет по информатика со поддршка од Државниот завод за статистика.
„Ова училиште беше избрано за ваква поддршка поради континуираните успеси на учениците, кои во изминатите години имаат освоено бројни државни и светски награди по информатика и математика“, велат од Општината.
На свеченото примопредавање на кабинетот присуствуваа в. д. градоначалникот на општина Аеродром, Дејан Митески и директорот на Државниот завод за статистика, Дејан Станков.
„Општина Аеродром и училиштето упатуваат голема благодарност до Државниот завод за статистика за препознавањето и поддршката, кои претставуваат значаен поттик за учениците и наставниците во нивната посветеност кон знаењето, иновациите и новите технологии“, се додава во соопштението на Општината.
Македонија
Инвестиции во централното ООУ „Гоце Делчев“ во општина Илинден

Градоначалникот на општина Илинден, Александар Георгиевски денеска го посети централното основно училиште „Гоце Делчев“ во Илинден, каде во изминатиот период направени се повеќе инвестиции се со цел подобрување на условите.
Градоначалникот Александар Георгиевски истакна дека училиштето е подготвено за новата учебна година при што во изминатиот период направени се доста инвестиции, со цел да се подобрат условите за учениците и спроведување на квалитетен воспитно образовен процес.
За таа цел, за подобрување на квалитетот на часовите и подобрување на образовниот процес, набавени се шест интерактивни (електрични) панели, извршена е целосна санација на подовите на горниот кат, извршена е целосна реконструкција на тоалетите. Исто така извршена е обнова и санација на училишната просторија така наречена медијатека, која се користи како просторија за медиумски клуб. Во надворешниот дел од училиштето извршено е хортикултурно уредување на просторот, известува Општината.
Градоначалникот Георгиевски додаде дека Општина Илинден и во наредниот период ќе продолжи со инвестирање во опрема на сите училишта на нејзина територија, затоа што образованието е една од најважните алки во општеството.