Скопје
Градоначалникот Ѓорѓиевски положи цвеќе пред Споменикот на ослободителите на Скопје

По повод одбележувањето на 13 Ноември – Денот на ослободувањето на Скопје, делегација од Општина Кисела Вода денес положи свежо цвеќе пред Споменикот на ослободителите на Скопје.
Оддавањето почит кон хероите, чие дело го чуваме и славиме, е наша чест, а обврската е да создадеме нов и модерен лик на Скопје, како и поубави денови за нашиот главен град, истакна градоначалникот Ѓорѓиевски.
„Денешниот ден е симбол на една борба, на непокор, на храбриот македонски народ, кој застанал на вистинската страна на историјата. Пред 79 години нашето Скопје беше ослободено од фашистичкиот окупатор и неговите слуги. Им се поклонуваме на најзаслужните, на хероите што го положија својот живот и го славиме и чуваме нивното возвишено дело, а секој наш придонес кон поубав град е благодарност кон оние што ни ја подарија слободата.
Имаме обврска кон предците да ја градиме приказната за Скопје и ќе дадеме сѐ од себе да му дадеме нов, модерен лик и да го направиме град во кој ќе биде гордост да се живее. Скопје го чекаат поубави времиња! Да живее Скопје, да живее Македонија“, изјави градоначалникот Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)
Македонија
Дел од Аеродром денеска без вода

Од ЈП Водовод и Канализација известуваат дека денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
„Водовод“: Поради прекини на струја дојде до два дефекти истовремено на главната водоводна линија

ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај бунарите на Лепенец, предизвикана е варијација на притисокот на пумпниот систем од бунарите кон градскиот цевковод од каде се дополнува водоснабдителниот систем.
Како резултат на прекините на мрежата на електрична енергија, настанати се 2 дефекти истовремено на главната водоводна линија Ф-600, како и дефект во шахта на Ф-400 на еден од бунарите.
„Поради овие дефекти, во неколку населени места од градот дојде до прекин на водоснабдувањето, но по брзата рескција на нашите екипи водоснабдувањето постепено се стабилизира со цел да се избегнат нови појави на дефекти и дополнителни оптоварувања на системот. Екипите на ЈП Водовод и канализација веднаш излегоа на терен и работат интензивно на санација на дефектите, со цел во најкраток можен рок да се обезбеди целосна нормализација на водоснабдувањето“, се наведува во соопштението на ЈП Водовод и канализација – Скопје.