Скопје
Изградени сообраќајни острови долж булеварот Партизански одреди
Сообраќајни острови се изградени по должината на булеварот Партизански одреди, и тоа на вкрстувањето на овој булевар со улицата Аминта Трети, кај Порта Буњаковец и на вкрстувањето на булеварот со улицата Костурски херои, спроти Конгресниот центар Александар Македонски.
При изградбата на сообраќајните острови целосно се реконструирани двете крстосници, поместени се семафорските темели и шахти, извршена е демонтажа на семафорските столбови и репрограмирање на светлосните сигнали. Исто така, обележана е хоризонталната сигнализација – пешачки премини и велосипедски патеки на двете локации и поставени се соодветни сообраќајни знаци.
Претходно, на овие две локации постоеја по два пешачки премина на кратко растојание кои беа искосени, особено на вкрстувањето на булеварот Партизански одреди со улицата Костурски херои. За да се зголеми безбедноста на пешаците, на двете локации сега е формиран по еден поширок пешачки премин.
Дополнително, на пешачкиот премин преку булеварот Партизански одреди на вкрстувањето со улицата Костурски херои е поставена ограда со двојна функција – да ги заштитува и да ги насочува пешаците да преминуваат во права линија на пешачкиот премин, зашто сообраќајните острови од двете страни на булеварот се асиметрични поради природната косина на улиците.
За реализација на овој проект Градот Скопје има согласност и од Министерството за внатрешни работи. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска: Како ќе функционира ЈП „Комунална хигиена“ – Скопје во следните пет дена – прашајте го премиерот Мицкоски
„Како ќе функционира ЈП „Комунална хигиена“ – Скопје во следните пет дена прашајте го премиерот Мицкоски кој лично од својот кабинет го наредува овој хаос кој воедно и го најави како интересна разврска на прес конференција непосредно пред да се случи“, вели актуелната градоначалничка на Град Скопје, Данела Арсовска.

„Го повикуваме премиерот Мицкоски кој има своја претседателка на Управен одбор од ВМРО која воедно е и осуден криминалец за 2 кривични дела во 2006 и 2022 година, да го повика Управниот одбор на Комунална хигиена Скопје согласно член 24а став 2 од Законот за јавни претпријатија во случај да донесе одлука за разрешување на директорот и согласно став 3 од истиот член да именува вршител на должност на претпријатието.
Мицкоски го тероризира градот со своето режимско и диктаторско владеење преку својот Управен одбор, злоупотребувајќи ги институциите и полицијата да сее страв и да врши репресија пред избори.
Го прашуваме директно и базирано врз доказите кои граѓаните секојдневно ги изнесуваат во јавност:
1. Дали е приведен директорот на Јавното комунално претпријатие Тетово за еко хаваријата што ја предизвика со отпадот во Вардар и зошто не?
2. Дали е приведен директорот на Јавното комунално претпријатие Гази Баба за еко хаваријата што ја предизвика во Јурумлери со отпадот кој го фрла сред природа со општински камиони и зошто не?
3. Дали е приведен директорот на JП Чистота и зеленило Куманово за еко хаваријата што ја предизвикува секојдневно со отпадот низ Куманово и зошто не?
Или таму РЕЖИМСКИОТ ДИКТАТОР Мицкоски не дал наредба да се апси?“, прашува Арсовска, преку соопштението објавено и на социјалните мрежи.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.

