Скопје
Кисела Вода: Во завршна фаза реконструкцијата на грaдинката „Синоличка” која 50 години чекаше реконструкција

Во завршна фаза се реконструктивните зафати кои месецов се одвиваат во градинката „Синоличка” во населбата 11 Октомври Згради. Со градежни активности е опфатен цел крак од објектот кој опфаќа пет занимални и ходници, поставено е ново штедливо лед осветлување, како и нова ограда, извести општина Кисела Вода.
Градоначалникот Орце Ѓорѓиевски денес ја посети оваа градинка каде секојдневно се згрижени 307 деца, а во која немаше посериозна реконструкција преку 50 години.
„Денес на мое големо задоволство имам можност да видам како напредува работата во објектот „Синоличка“ при ЈДГ „Весели Цветови“, кој на реновирање чекаше повеќе од половина век. Еден цел крак во кој има дури пет занимални и ходници, е зафатен со сериозни инфраструктурни зафати. Поставивме и ново лед осветлување, а целата градинка доби нова ограда што значи подобра безбедност и зголемена естетика. Овој проект е уште еден чекор напред во нашата цел, да создадеме услови за оптимален физички, емоционален и когнитивен развој на децата, кои се иднината и основата на секое успешно општество. Оттука, инвестициите во овој сектор ќе продолжат со зголемена динамика во новата година. Покрај реконструкцијата на објектот во кој сме денес, ќе биде завршена и реконструкцијата и проширувањето на градинката „Пеперутка 1“ во Драчево, во дворот на објектот „Кокиче” чиј капацитет го проширивме за уште 90 дечиња, ќе изградиме нов објект „Верверичка“, а сосема нова градинка ќе изградиме и во Расадник.
Новоотворените градинки и проширените капацитети на повеќето објекти, инвестирањето во нивното опремување, кое за овие две години надмина 17 милиони денари, говорат за нашата посветена работа и намерата во целост да го исполниме ветувањето-во Општина Кисела Вода да нема листи за чекање за упис, а децата да имаат модерни и современи услови за престој во сите наши градинки“, истакна градоначалникот Орце Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Средба на градоначалникот Ѓорѓиевски со претседателот на Стопанската комора на Северозападна Македонија, Нухиу Алиу

Градоначалникот на општина Кисела Вода, Орце Ѓорѓиевски, денес оствари конструктивна средба со претседателот на Стопанската комора на Северозападна Македонија, Нухиу Алиу. На средбата се разговараше за можностите за унапредување на бизнис-климата и создавање услови за нови инвестиции.
Двајцата соговорници ја потенцираа важноста на институционалната поддршка за стопанството, како и заедничките заложби за создавање поволна средина за развој на претпријатијата. Беше истакнато дека добрата соработка помеѓу општината и бизнис-заедницата е клучен предуслов за економски раст, отворање нови работни места и задржување на младите во земјата.
„Како локална самоуправа, имаме јасна цел – да обезбедиме стабилна институционална поддршка за стопанството. Соработката со Стопанската комора на Северозападна Македонија може да овозможи побргу да ги препознаеме потребите на бизнисите, да ја намалиме административната бариера и да креираме политики што ќе резултираат со нови инвестиции и економски развој. Верувам дека заедно можеме да направиме значителен исчекор во создавање современа и конкурентна деловна средина“, изјави градоначалникот Ѓорѓиевски по средбата.
Претседателот на Стопанската комора на Северозападна Македонија, Нухиу Алиу, упати честитки до градоначалникот за досегашната успешна работа и му посака успех во неговите понатамошни кариерни чекори.
Македонија
(Фото) Нови подови за спорт во Аеродром

Во пресрет на почетокот на новата учебна година во спортската сала „Марко Божиновски“ и на спортското игралиште во основното училиште „Лазо Ангеловски“ целосно се заменуваат подовите со нова нелизгачка спортска подлогa, известуваат од општина Аеродром.
Целта на оваа активност е да се подобри спортската инфраструктура и да се создадат побезбедни услови за спортување на учениците во Ново Лисиче, велат од Општината.
„Со инвестициите во спортската инфраструктура обезбедуваме подобри и побезбедни услови за нашите ученици и млади спортисти. Верувам дека новите сали ќе бидат место каде што ќе се раѓаат нови успеси и спортски пријателства. Нашите деца заслужуваат најдобри услови за спорт“, изјави в.д. градоначалникот на Општина Аеродром, Дејан Митески, кој денеска беше на увид во активностите.
Македонија
(Фото) Во Кисела Вода поставено ново спомен-обележје на Цветан Димов

Денес, во општина Кисела Вода свечено беше поставена новата биста на народниот херој Цветан Димов, на локација спроти општинскиот објект. Претходното спомен-обележје, кое постоеше во рамките на истоимената урбана заедница, со години беше во лоша состојба поради негрижа и оштетувања.
По барање на жителите, Општината изработи нова биста, со што на овој голем херој му се оддава заслужено признание, а историската меморија добива повидливо и достојно место, извести општина Кисела Вода.
-Нашите херои не се само имиња во учебниците, тие се сведоци на историјата, втемелени во нашата слобода и иднина. Со новата биста на Цветан Димов, поставена на ова видно место, и соодветно оддаваме почит кон неговата жртва, но и создававме услови многу повеќе луѓе, особено младите, да ја запознаат неговата приказна. Историјата е најсилна кога е пред очите на граѓаните, а нашата задача е да ја зачуваме и пренесеме на генерациите што доаѓаат-изјави градоначалникот Орце Ѓорѓиевски.