Скопје
Кисела Вода: Свечено отворени „Три круши 2018“, одржана уште една „Коријада“
Со два одлични концерти на градскиот дувачки оркестар при МКЦ и КУД „Китка“, вчеравечер свечено беше отворено културното лето „Три круши 2018”. На настанот свое обраќање имаше градоначалникот на општина Кисела Вода, Филип Темелковски, кој ја поздрави публиката и говореше за курсот по кој ќе се движи годинешната манифестација.
„Ви посакувам добредојде на 13-тото по ред културно лето ‘Три круши’. Низ годините наназад оваа манифестација стана препознатлив белег на општина Кисела Вода бидејќи секое лето тука, во селото Драчево, на Трите круши се собираат љубителите на културата и уметноста, збогатувајќи ја културната понуда на главниот град. Заложбите за развој на културното живеење продолжуваат и во оваа нова веќе 64-та година од постоењето на општина Кисела Вода“, истакна градоначалникот Темелковски. Додаде дека изборот на содржините во програмата е направен така што секој може да најде нешто по свој вкус.
Пред почетокот на музичкиот дел говореше и отец Гоце Димитриевски, од црквата „Св. Спас“, кој упати благослов и им посака здравје, среќа и благосостојба на сите присутни.
Дувачкиот оркестар при МКЦ ѝ понуди на публиката незаборавно доживување. Од сцената на „Три круши” одекнаа светски популарни музички хитови во нивна адаптација. Присутните уживаа во најголемите хитови на ABBA, Europe, хитови како Strangers in the night, но и преработка на „Народе македонски”, како и бразилска самба.
Следеше голем концерт на Културно-уметничкот друштво од Драчево „Китка”. Настапот го почнаа со изведба на нивното традиционално оро „Драчевка”, a потоа следеа „Водарки“, „Тресеница“, „Жетварки“, „Повардарие“ , „Пајдушко – Бувчанско “, „Источна”. КУД „Китка“ од Драчево, кое дава голем придонес за афирмација на македонскиот фолклор и традиција претставувајќи го во најдобро светло ширум светот, уште еднаш доби огромни аплаузи од сите кои одлучија да бидат дел од отворањето на 13-тото издание на оваа манифестација.
Следниот настан од “Три круши 2018” е закажан за во четврток, кога ќе настапат Александар Митевски и DJ FICHO, во петок Дани Димитровска со бенд, а саботата е резервирана за целовечерниот концерт на Миле Кузмановски.
Инаку, на отворањето на културното лето му претходеше уште еден настан кој се одвиваше во попладневните часови. Во паркот Шопен се одржа хуманитарна Коријада, во организација на Општина Кисела Вода, преку Одделението за култура и Здружението на пензионери од општина Кисела Вода, со поддршка од Општинската организација на Црвениот крст – Кисела Вода.
Посетителите купуваа од изложените бели печива изработени од активот на жените пензионерки од Кисела Вода, а собраните средства од продажбата се наменети за хумани цели, односно за Црвениот крст кои ќе ги распредели на социјално загрозени лица. Лекарски тим, пак, вршеше бесплатни прегледи и даваше бесплатни лекарски совети. Граѓаните имаа можност да го проверат својот крвен притисок и состојбата на шеќер во крвта.
Пред почетокот на културно-уметничкиот дел во изведба на Здружението на пензионери „Кисела Вода”, свое обраќање имаше и градоначалникот Филип Темелковски, кој ја упати својата благодарност до сите учесници во настанот и потенцираше дека се надева на понатамошна добра соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) Партијата Левица ги поддржа граѓаните: Протест за поништување на ДУП што предвидува висококатница во Лисиче
Граѓани од скопско Лисиче протестираа пред седиштето на Општина Аеродром, откако на седница на Совет беше изгласан ДУП со кој се предвидува и висококатница во населбата Лисиче. Партијата Левица им даде поддршка на граѓаните, а нивните советници гласаа против спорниот ДУП.
Советникот Горан Костовски од Левица истакна дека се прекршени повеќе процедури, така што ДУП-от за Лисиче ќе биде оспорен. Освен што е ставен вон Деловникот, ДУП-от бил донесен и како „итна точка“, а немало итност, велат од партијата Левица.
– Не помина на Комисија за урбанизам каде јас сум член. И затоа ќе следува претставка. Исто така, по Деловникот на Општина Аеродром, кога се носи ваква „итна“ точка, било кој советник може да побара пауза од неколку часа, доколку сака да спреми амандмани. Меѓутоа, мене тоа деловничко право не ми беше овозможено од претседателот на Советот, Дејан Митески. Дополнително, планот добил и позитивно мислење од Министерството за транспорт и врски од досегашниот министер Благој Бочварски. Меѓутоа, одобрувањето е ден пред седницата, а министерот е во оставка и не може да одобрува ДУП. Така што, ова ќе се спори и на Уставен суд, посочи Костовски.
Според него, ако се изгради зграда од 12 ката, тогаш Лисиче ќе биде под канџите на градежната мафија, која ќе почне да им ги откупува бараките на локалните староседелци.
„Жителите на Лисиче сакаат да им се зачува карактерот на населбата, кој е со семејни куќи и не сакаат згради, не сакаат дополнителна урбанизација. Сметаат дека со овој ДУП, дополнително ќе се бетонизира населбата, ќе се создаде урбанистички и сообраќаен хаос.
Советниците од Левица најавуваат дека следи кривична пријава за несовесно работење во службата до претседателот на Совет, Дејан Митевски, поради одземање на советничкото право за поднесување амандмани и прекршување на Деловникот.
ДУП-от беше усвоен со 16 гласа „за“ од страна на советниците на ВМРО-ДПМНЕ“, додаваат од партијата Левица.
Скопје
Дел од Центар утре без струја
Регионалниот центар за управување со кризи на Град Скопје, по добиеното известување од ЕВН, информира дека утре поради планирани технички интервенции во електро-дистрибутивната мрежа, без електрична енергија ќе остане дел од општина Центар.
Утре, од 09:00 до 15:00 часот, дел од улицата Даме Груев – Блок 10 згради и деловни објекти во општина Центар ќе бидат без струја.
Скопје
Градски паркинг: Од утре започнува летното сметање на работното време на јавните површини за зонско паркирање
Јавното претпријатие Градски паркинг – Скопје ги известува граѓаните дека од 01.06.2024 (сабота) започнува летно сметање на работното време на јавните површини наменети за паркирање- зонско, со кои стопанисува претпријатието.
Работното време во зоните А, Б, Ц и Д ќе биде:
– Од понеделник до сабота: 07:00- 23:00 часот.
„Исто така, им апелираме на сите корисници на нашите услуги да бидат внимателни и навремено да извршат наплата при паркирање согласно наведеното работно време“, додаваат од Градски паркинг.