Скопје
„Пратениците да работат на законското решение што го понудивме во делот за лиценцирање на негувателките“, рече министерот Велковски при посетата на општина Илинден

Градоначалникот на општина Илинден, Александар Георгиевски, оствари работна средба со министерот за труд и социјална политика, Ѓоко Велковски, каде што во рамките на средбата посетија неколку локации на територијата на општина Илинден.
Градоначалникот Георгиевски и министерот Велковски направија увид во градежните активности на доградбата на централниот објект на детската градинка „Гоце Делчев“. Со проширување на капацитетот на градинката, ќе се изградаат 4 занимални во кои ќе бидат згрижени деца на возраст од 9 до 24 месеци (2 отворени и 2 затворени), тоалети и помошна кујна. Доградбата ќе се простира на 280 м2 бруто-површина, а ќе биде изведена во согласност со правилникот за стандарди и нормативи за вршење дејност. Во дворот ќе бидат изградени два детски парка, и тоа парк со детски реквизити и парк за моторен развој на децата.
„Со изградбата на новиот дел детската градинка ќе располага со вкупно 22 групи, распоредени во 2 објекта, и ќе бидат згрижени вкупно 560 деца, така што со овој проект комплетно ќе се реши проблемот со недоволен згрижувачки капацитет со кој се соочувавме во текот на изминатите 14 години. Овој проект, доградбата на градинката, се реализира со сопствени средства, но понатаму ќе ни треба поддршка од Министерството во делот на опремувањето, како и работниот кадар, а ставањето во функција на објектот треба да биде од наредната сезона и ќе може да се згрижуваат дечињата“, изјави градоначалникот Георгиевски.
Министерот Велковски го поздрави овој голем капитален проект што го реализира Општина Илинден и додаде дека Министерството за труд и социјална политика ќе има можност да даде придонес во опремувањето на новиот дел на градинката, а потоа и поддршка во делот на работниот кадар, кој ќе биде потребен за згрижување на децата.
„Ги повикувам пратениците од Собранието на Република Македонија да работат на законското решение кое што го понудивме во делот за лиценцирање на негувателките, воспитувачките и другиот стручен кадар бидејќи има над 1.000 баратели за лиценцирање од изминатите три години. Понудивме решение, кое ќе значи брзо решавање за лиценцирање на овие баратели, кои подоцна е бидат ставени на листата на пазарот на труд и да се јават на повиците, кои ќе бидат пос изборниот процес во самите детски градинки“, изјави министерот Велковски.
Во рамките на посетата градоначалникот и министерот направија увид и на локацијата, каде што Општина Илинден ќе гради центар за дневен престој за лица со попреченост, при што министерот истакна дека и за овој проект Министерството ќе даде поддршка за реализација. Дневниот центар треба да обезбеди дневно згрижување, работно-окупациона терапија, физикална терапија и стручна работа, рехабилитација и други активности на лицата со попреченост. Центарот ќе се простира на површина од речиси 300 м2 и ќе содржи заеднички простории, простории за комуникација, санитарно-хигиенски простории, административни простории и економско-технички простории.
Градоначалникот Георгиевски и министерот Велковски ја посетија и македонската компанија „Пекабеско“, која се наоѓа во локалната економска зона Марино – Кадино во општина Илинден и претставува една од водечките компании во Македонија. Компанијата има 40-годишна традиција, а нивните производи се знак на препознатливост на македонскиот квалитет како во Македонија така и во речиси сите земји од регионот и пошироко во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Во тек е реновирање на градинката „13 Ноември“, подобрени условите во сите градинки

Општина Центар информира дека во матичниот објект на ЈОУДГ „13 Ноември“ во тек е реновирање на „Новиот дел“ кој ги опфаќа просторот јасли и долниот кат. Во моментов, се врши молерисување на ѕидовите, а веќе е завршено стругањето и лакирањето на паркетот во занималните и ходниците.
„Молерисувањето ги опфаќа и скалите, влезот, канцелариите, тријажниот простор и чајната кујна. По завршување на оваа фаза, ќе продолжи стругањето и лакирањето и на „стариот дел“ од објектот, каде молерисувањето беше изведено во претходната година. Условите во градинките мора да бидат одраз на грижата што ја имаме кон најмладите. Затоа, вложуваме континуирано во безбедна, функционална и топла средина каде што децата растат среќни, а вработените имаат подобри услови за работа”, потенцира градоначалникот Горан Герасимовски.
Дополнително, реализирана е набавка на нов мебел за занималните во Матичниот објект, како и набавка на три нови клима-уреди кои ќе бидат монтирани во просториите каде што е најнеопходно.
Во главната кујна на Матичниот објект инсталирана е нова конвекциска печка (со шест нивоа), со што се овозможува побрза и поефикасна подготовка на храна, известува Општината.
Герасимовски, истакнува и дека со цел да се поддржи воспитно-образовниот процес, набавени се наставно-образовни и дидактички материјали според Монтесори програмата, како и игровен материјал за децата од групата јасли.
Овие активности се дел од посветеноста на Општина Центар за континуирано унапредување на условите во детските градинки, се додава во соопштението на Општината.
Македонија
Делови од Гази Баба и Студеничани денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска:
· поради промена на шибер ф 100 мм на улицата Карл Либкнехт бр.84, прекинато водоснабдување ќе имаат корисниците од улицата Карл Либкнехт, Анри Барбис, Темко Попов и дел од Карл Хрон од 09:00 часот до завршување, Гази Баба;
· поради санација на усисна цевка во ПС Моране (викенд населба), можно е да има мал прекин на водоснабдување во село Моране, во периодот од 08:00 па се до завршување на работите, општина Студеничани.
Македонија
Без струја делови од Гази Баба и Кисела Вода

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· во периодот од 06.30 до 12.00 часот, дел од улицата Перо Наков фирмите, Јогомеркур, Осоговски, Макохемија, Стокомак, објектите до Стокомак на улицата Перо Наков, Златно Жито и Потрошувачите на улицата Маџари, општина Гази Баба;
· во периодот од 08.00 до 11.00 часот, дел од населбата Припор, по главната улица Христо Татарчев, општина Кисела Вода.