Скопје
Продолжуваат активностите во чии рамки учениците од Аеродром се запознаваат со работењето на локалната самоуправа

Општина Аеродром продолжува со активностите во чии рамки учениците се запознаваат со работењето на локалната самоуправа. Како што соопштуваат, преку ваквите посети тие се запознаваат со работењето на општината, а нивните идеи и забелешки се добра основа за креирањето на политиките во иднина.
„Денес, градоначалникот Тимчо Муцунски во просториите на Општината ги прими учениците од основното училиште ‘Лазо Ангеловски’, кои имаа можност одблиску да се запознаат со работењето на Општината. Притоа тој ги запозна со секојдневните обврски на градоначалникот, неговиот тим и администрацијата, актуелните проекти и активности насочени за децата, младите и целокупното унапредување на образовниот процес.
Денешната средба и интересот што тие го покажаа говори за тоа дека преку секојдневните активности и континуитетот во информирањето успеваме Општината да ја отвориме за јавноста, да ја доближиме до граѓаните и да ја направиме вистински сервис за сите што живеат во Аеродром“, известува Општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Посебен режим на сообраќај во дел од град Скопје поради излевањето на Маркова Река

Поради обилните врнежи од дожд на територија на град Скопје и излевање на Маркова река од речното корито, се уште е затворен за сообраќај во двете насоки локалниот пат село Горно Лисиче – село Долно Лисиче, како и влезот за село Батинци во двете насоки.
Од тие причини Единицата за безбедност на патниот сообраќај презема мерки за посебен режим на сообраќајот.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.
Македонија
„Водовод и канализација“: Последен ден од акцијата за отплата на долгови, без пресметка на камата

ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање завршува денес.
„Акцијата за отплата на долговите на рати без камата е со определено времетраење и започна од 17.02.2025 година, а завршува заклучно со 02.04.2025 година.
Ги повикуваме сите корисници кои имаат заостанат долг за потрошена вода (тужен и редовен), да ја искористат можноста за плаќање на рати без пресметана камата.
Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје.
По истекот на овој период одлуката престанува да важи“, соопшти ЈП Водовод и канализација – Скопје.
За секоја дополнителна информација за услугите на ЈП Водовод и канализација – Скопје контактирајте на:
02 3073 010, Дежурно Информативен Центар; 02 3240 300, Дирекција; [email protected]; www.vodovod-skopje.com.mk; www.facebook.com/jpvodovod.skopje