Скопје
Проект „Исправи се“ на општина Центар за здрав рбетен столб кај основците

Симболично, на првиот ден од пролетта, општина Центар го започна проектот “Исправи се“.
Со овој проект, 1.111 ученици од прво и второ одделение од сите седум основни општински училишта во Центар ќе бидат прегледани од стручни лекарски тимови за навремено дијагностицирање на било какви деформитети кај децата.
Искривувањето на ’рбетниот столб како сколиоза, лордоза, кифоза, неправилно држење на телото и деформитетите на долните екстремитети и на стапалата, се потенцијална опасност, особено за децата на оваа возраст. Несоодветниот пристап кон овие деформитети може да доведе до сериозни последици.
“Општина Центар се грижи за своите најмлади жители и за нивниот здрав раст и развој. Затоа, го почнуваме овој пилот проект со учениците од прво и второ одделение, но ги повикуваме и родителите и наставниците по физичко и здравствено образование да пријават доколку и кај деца од повисоките одделенија забележат неправилно држење на телото или деформитет“, рече градоначалникот на општина Центар, Андреј Жерновски.
Проектот започна кај децата во основното училиште “Јохан Хајнрих Песталоци“ и продолжува во сите основни училишта во Центар.
Се прават дијагностички превентивни прегледи на ’рбетниот столб и на долните екстремитети за дијагностицирање на било какви неправилности, со што ќе може побрзо да се дејствува за нивно корегирање и отстранување.
Проектот “Исправи се“ општина Центар го реализира во соработка со ординацијата за физикална медицина и рехабилитација “Твое Здравје“, а секој родител ќе добие извештај за наодите на своето дете. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и „ЕУ за чист воздух“: Се садат чинари во училиштата и градинките во општина Кисела Вода

Градоначалникот на општина Кисела Вода, Орце Ѓорѓиевски, денес присуствуваше на акцијата за садасување на дрвја чинари во ООУ „Кузман Шапкарев“ како дел од големата еколошка иницијатива, што Општината ја спроведува во сите училишта и градинки. Оваа акција се реализира со поддршка на Канцеларијата за проектни услуги во рамките на проектот „ЕУ за чист воздух“, финансиран од Европската Унија, која ги донира садниците.
„Засадувањето на секое дрвце е инвестиција во иднината на нашите деца. Како Општина, континуирано работиме на подобрување на квалитетот на воздухот и животната средина. Оваа донација е особено значајна бидејќи се насочува токму кон училиштата и градинките – местата каде што нашите деца растат и се образоваат. Покрај многуте акции за пошумување, во сите училишта поставивме прочистувачи на воздухот, а во поголемите паркови на отворено – надворешни пречистувачи, достапни за сите граѓани. Нашата заложба за чиста и здрава животна средина нема да запре овде. Продолжуваме со реализација на еколошки проекти, кои ќе донесат подобри услови за сите жители на Кисела Вода“, изјави градоначалникот Ѓорѓиевски изразувајќи голема благодарност до Европската Унија и до Канцеларијата за проектни услуги за донацијата и поддршката на иницијативата.
„Овој проект е уште еден доказ дека споделуваме исти вредности – грижа за околината и за здравјето на идните генерации. Благодарност до сите што придонесуваат за оваа благородна цел. Заедно создаваме почиста, позелена и поздрава Кисела Вода“, додаде Ѓорѓиевски.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Герасимовски: „Комунална хигиена“ и Град Скопје повторно потфрлија, ние ги исчистивме контејнерите во Дебар Маало

„Град Скопје и ЈП Комунална хигиена повторно потфрлија со одржувањето на хигиената на територија на Центар. Утрово, дебармаалци се соочија со идентична глетка како од пред два месеци – преполни контејнери со смет и лоша миризба кои не само што се закана по здравјето на центарци, туку, исто така и го нагрдува изгледот на централното градско подрачје кадешто циркулираат голем број на граѓани“, велат од општина Центар.
„И ова утро, нашите општински служби го подигнаа сметот од подземните контејнери во Дебар маало кадешто надлежност имаат Комунална хигиена и Град Скопје. Одржувањето на хигиената во Центар мора да биде приоритет, затоа што секојдневно се движат голем број граѓани. Како локална самоуправа, веќе неколку пати имаме испратено допис до надлежните институции со барање за поажурно и поефикасно извршување на нивните обврски. Граѓаните заслужуваат чиста и уредна средина, а ние ќе продолжиме да инсистираме на решавање на овој проблем“, изјави Герасимовски.
Општина Центар ги повикува граѓаните да пријават проблеми со јавната чистота на територија на општината со цел брза интервенција на службите. Граѓаните можат да пријават смет и диви депонии на следните телефонски броеви: 076/350-767 и 02/3203-693.