Скопје
Пуштена во употреба реконструираната улица Ѓуро Ѓоновиќ во Маџир Маало
Градоначалникот на општина Центар, Саша Богдановиќ, ја пушти во употреба потполно реконструираната улица Ѓуро Ѓоновиќ, во населбата Маџир Маало.
Улицата се реконструира првпат од кога е изградена и зафатот опфаќа поставување нов слој асфалт и нов тампонски слој на површина од 2.700 квадратни метри, соопшти Општина Центар.
Реконструирани се тротоарите со широчина од 2,5 метри и површина од 1.100 квадратни метри и поставени се нови рабници во должина од 1.110 метри. На улицата првпат од нејзиното постоење изведена е атмосферска и фекална канализација и поставен е фекален колектор во должина од 650 метри.
„Навистина имаше ситуации што мораше да ги решиме со соседната општина, имаше избори и тоа малку ги пролонгира работите. Но, мене ме радува позитивниот притисок на граѓаните и жителите, но и поддршката на советниците во Општината, кои правеа напори и притискаа оваа улица да биде завршена што е можно побргу“, им порача на присутните градоначалникот Богдановиќ.
Општината најави дека покрај „Ѓуро Ѓоновиќ“, во Маџир Маало целосно ќе се реконструираат и улиците Петричка и Велешка за кои веќе се изготвени документациите и ќе бидат готови в година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје
Во официјална посета на Република Северна Македонија ќе присуствува Претседателката на Парламентот на Р. Албанија, г-ѓа Елиса Спиропали.
Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
Скопје
Герасимовски: Поставивме 720 фотоволтаични панели на покривот на ООУ „Киро Глигоров“
Основното училиште „Киро Глигоров“ е вториот објект во Општина Центар кој доби фотоволтаични панели на покривот. На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.
„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.
Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.
Скопје
Без струја дел од Кисела Вода
Од ЕВН Македонија АД известуваат дека денеска без електрична енергија ќе остане дел од општина Кисела Вода.
Во периодот од 08.00 до 14.00 часот, струја ќе немаат корисниците од Драчево, улица Чучевска, улица Китка (општина Кисела Вода).