Скопје
Стефковски: Гази Баба ќе засади нови 5.000 дрвја по повод Денот на пролетта
Општина Гази Баба започна со реализација на предвидените активности по пводо 21 Март, денот на пролетта во чии рамки ќе се засадат 5000 нови дрва на територија на општина Гази Баба.
Првата активност се одржа на просторот околу спортскиот терен Солидарност во Инџиково каде што се засадија 150 нови садници кои се донација од финансиското друштво Иуте Македонија, велат од општината.
За настанот, градоначалникот Бобан Стефковски информираше со објава на својата официјална страна на фејсбук.
„Засадени 150 садници дрва за зазеленување на просторот околу спортскиот терен Солидарност во населеното место Инџиково.
Заедно со дечињата од СОС Детското село и преставници на финансиското друштво Иуте Македонија засадивме 150 нови садници дрва на просторот околу спортскиот терен Солидарност во близина на Детското село.
Секое дете кое е згрижено во СОС Детско село доби свое дрво за кое во иднина ќе се грижи! Засадените 150 садници дрва се донација од финансиското друштво Иуте Македонија.
Со оваа реализирана активност како локална самоуправа започнуваме со предвидените активности кои ќе ги реализираме во пресрет на 21 Март, Денот на пролетта во чии рамки ќе се засадат нови 5000 садници на територија на целата општина.
Заштитата на животната средина останува на врвот на приоритетите на мојот мандат, а доказ за тоа се реализираните проекти во оваа област“, напиша Стефковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) Герасимовски и тренерот на КК „Работнички“, Самарџиев: Со реконструкцијата на салата македонската кошарка ја подигнуваме на повисоко ниво
Спортската сала „Работнички“ која е симболот на македонската кошарка и градот Скопје, оваа година добива комплетно нов и модерен лик. Тренерот на Кошаркарскиот клуб „Работнички“ Горан Самарџиев, преку видео истакнува дека е среќен бидејќи после децениско чекање, оваа сала ќе биде во ново руво кадешто кошаркарите ќе имаат подобри услови за тренинг.
„Големо е задоволство и многу сме среќни бидејќи после децениско чекање салата на КК ,,Работнички” ќе биде во ново руво и едноставно ќе имаме многу подобри услови за тренинг и за напредок, како на првиот тим, така и на младинските категории. Јас имам посебни емоции спрема оваа сала. Овие млади дечки денеска немаат осетено што значи да играш во салата Градски парк пред полни трибини. Се надевам дека таа традиција ќе ја вратиме и дека заедно со навивачите, со Општина Центар и со сите расположливи сили, салата ќе добие еден нов сјај кадешто македонската кошарка и КК „Работнички” ќе биде на едно повисоко ниво со многу подобри услови за работа за сите“, вели Самарџиев.
Градоначалникот Горан Герасимовски, информира дека годинава се враќа сјајот на спортската сала „Работнички“ која е гордоста на Општина Центар.
„Долги години салата беше во катастрофална состојба, запуштена и оставена да се распаѓа. Успеав да ги добијам надлежностите врз објектот и земјиштето за да можеме да почнеме со реконструкција. Сите мои претходни колеги ветуваа решенија, но немаше никаква реализација. Ние првата фаза во месец декември ја отпочнавме, во моментов работиме на фасадата и на кровот, а потоа следува и реконструкција на канцеларискиот дел. Ќе поставиме нови инсталации за електрична енергија, современо осветлување и водовод. Ќе направиме комплетна реконструкција со проширување на теренот, поставување на нова еластична подлога и подно греење, а целиот простор ќе се климатизира. Наместо бетонските клупи, ќе поставиме 891 седиште“, порачува Герасимовски.
Капитенот на КК ,,Работнички” Виктор Ефремовски потенцира дека со нетрпение чекаат да се вратат во својот дом и да го изиграат првиот натпревар во нивната сала.
Со реконструкцијата на салата, ќе се обноват соблекувалните, туш кабините, ќе се постави нова опрема, кошеви и друга потребна инфраструктура. Ќе се обезбеди висока енергетска ефикасност, што значително ќе ги намали трошоците за енергија. Целокупната реконструкција ќе биде согласно стандардите и процедурите на ФИБА.
Скопје
Дел од Карпош денеска без вода
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, информира дека денеска поради отстранување дефект во шахта (промена на вентил од ф3/4“ – цол ) на улицата Ванчо Мицков бр. 18, општина Карпош, прекинато водоснабдување ќе имаат дел од корисниците од истата улица.
Водоснабдувањето ќе биде прекинато од 09:00 часот до завршување на интервенцијата.
Скопје
Без вода утрово жителите на Ленинова
Поради дефект, жителите на улицата Ленинова утрово ќе останат без вода.
„Поради дефект на приклучна цевка од Ф 1” (Цол) на улицата Ленинова бр.77, со прекинато водоснабдување ќе бидат дел од корисниците од Ленинова ( потегот од бул.Митрополит Теодосие Гологанов до ул.Никола Тримпаре од 09:00 часот до санирање на дефектот. (општина Центар)“, соопшти Водовод.