Скопје
Стефковски: Со засадување 5.000 дрвја ѝ посаквме добредојде на пролетта

По повод почетокот на пролетта, општина Гази Баба спроведе акција за засадување на 5000 нови садници дрва на територија на општината.
Денес, градоначалникот Бобан Стефковски заедно со ученици од општинските основни училишта засадија нови дрва во месноста Раштак.
За настанот, градоначалникот Стефковски информираше со објава на својата официјална страна на фејсбук.
„Заедно со учениците од општинските основни училишта на територија на општина Гази Баба со традиционалниот марш под мотото “Пешачиме за мир, соживот и толеранција” и посакавме добредојде на пролетта.
Ја продолживме акцијата за засадување на нови садници и засадивме борови дрва со што се реализираше големата акција за засадување на 5000 нови садници дрва на територија на општината, а по повод почетокот на пролетта.
Дополнително ЈКП Гази Баба во соработка со сите основни училишта и градинки на територија на општината спроведе акција за садење на нови садници во нивните дворови.
Заштитата на животната средина е еден од приоритетите на мојот мандат. Преку организацијата на овие настани нашата цел е на најмладите жители на општината да им создадеме навика за грижата кон животната средина. Од срце за нашата Гази Баба!“, напиша Стефковски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Без струја денеска делови од Бутел и Аеродром

Од ЕВН Македонија АД известуваат дека денеска без електрична енергија ќе останат:
– во периодот од 08.20 до 12.30 часот, дел од корисниците од ул. 1 во населба Радишани. (општина Бутел)
– во периодот од 09.00 до 12.00 часот, корисниците од ул. Горно Лисиче лоцирани на потегот од Маг Комерц, А-М Стил, Феромонт Инжинеринг кон село Долно Лисиче. (општина Аеродром)