Скопје
Ѓорѓиевски на отворање канцеларија за поддршка на идни брачни двојки: Создаваме здрави и стабилни семејства!
Градоначалникот Орце Ѓорѓиевски и претседателката на Здружението на социјални работници, проф. д-р Светлана Трбојевиќ, денес отворија канцеларија за социјална поддршка на млади брачни парови од општина Кисела Вода, лоцирана во Домот на култура „Билјана Беличанец”. Оваа канцеларија е прва и единствена од ваков вид во Македонија и ќе овозможи бесплатна стручна поддршка и совети за надминување на тешкотиите и одржување на здрава комуникација помеѓу идните брачни двојки, што е клучно за стабилноста на секое семејство.
– Денес со големо задоволство ја отвораме Канцеларијата за социјална поддршка на млади брачни парови, прва од ваков вид во нашата држава, посветена на жителите на Општина Кисела Вода. Оваа иницијатива е плод на нашата соработка со Здружението на социјални работници, кое го обезбедува професионалниот тим, додека општината го овозможи просторот во Домот на култура „Билјана Беличанец“. Ова е единствена можност во Македонија каде младите брачни парови можат да добијат бесплатна и стручна поддршка за навремено справување со предизвиците во нивните односи.
Канцеларијата е создадена од потребата да се превенираат и спречат нарушените односи и семејни недоразбирања кои, за жал, сè почесто доведуваат до разводи. Наша цел е да ги поддржиме паровите во изградба на стабилни семејства, што има директен позитивен ефект врз благосостојбата на младите, но и на целокупната заедница. Стручниот тим во оваа канцеларија ќе им помогне на младите брачни парови да се справат со секојдневните проблеми, да ги решат предизвиците на заемното разбирање и да создадат основа за силен, стабилен и среќен дом.
Канцеларијата ќе работи два дена во неделата, секоја среда и сабота, по претходно закажани средби, што овозможува да се пристапи кон секое семејство индивидуално и со целосно внимание. Се надевам дека ова е почеток на позитивен тренд кој ќе го следат и други општини, бидејќи ваквите услуги се неопходни во едно модерно и динамично општество.
Искрено се заблагодарувам на претседателката на Здружението на социјални работници, проф. д-р Светлана Трбојевиќ и на сите негови членови за посветеноста и желбата да направат вистинска разлика за нашите граѓани. Заедно градиме општина која се грижи за своите жители, која вложува во иднината на младите семејства и која, со оваа канцеларија, им дава нова надеж и поддршка на сите оние кои сакаат да ги зајакнат своите семејни односи-изјави градоначалникот Орце Ѓорѓиевски.
Канцеларијата ќе работи во среда од 16:00 до 20:00 часот и сабота од10:00 до 16:00 часот.Стручната помош и поддршка од страна на тимот се бесплатни. Потребно е претходно да се закаже термин на телeфонскиот број 02/3212 690. Термините се закажуваат во понеделник од 10.00 до 12:00 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Повикувам на зголемено учество на граѓаните во креирање на општинскиот буџет за 2025
Општина Центар на располагање става електронски Анкетен прашалник преку кој ги вклучува граѓаните во креирање на Буџетот за 2025 година. Градоначалникот на Општина Центар Горан Герасимовски повикува граѓаните да даваат предлози за потребите во нивните маала.
„Ги повикувам сите граѓани да ја искористат алатката Анкетен прашалник и сериозно да се вклучат во креирање на буџетот за следната 2025 година. Вие сте најголемиот коректор и вашите барања се најзначајни. Јас сум овде да ги проследам сите ваши предлози, а заедно со секторите да ги оцениме приоритетните кои веднаш ќе влезат во програмите“, појаснува Герасимовски.
Електронскиот анкетен прашалник на граѓаните им дава можност да предлагаат проекти од областа на образованието, социјална, детска и здравствена заштита, културата, спортот и рекреацијата, локален економски развој, урбано планирање, комунални дејности, животна средина, јавни работи и реконструкција и санација на училиштата.
Тоа значи дека Општина Центар овозможува директно учество во подготовка на програмите за работа на буџетот за следната 2025 година.
Анкетниот прашалник е поставен на веб страната на општината и преку него граѓаните може да наведат проекти кои сметаат дека ќе донесат бенефит за жителите.
Општина Центар продолжува да ги повикува сите граѓани подеднакво да учествуваат во креирањето на локалните политики.
Скопје
Без струја дел од општините Гази Баба, Сарај и Ѓорче Петров
ЕВН Македонија АД известува дека денеска без електрична енергија ќе останат општините Гази Баба, Сарај и Ѓорче Петров.
– Од 08:30 до 12:00 часот корисниците од улицата Боривое Милошевски, улицата Вера Радосавлевиќ, улицата Зенден Џемаил и објектите кај Кванташки пазар во општина Гази Баба.
– Од 09:30 до 13:30 часот корисниците дел од село Кондово (сред село), дел од село Волково, село Кучково, село Грачани, Караула Чашка, Село Радуша, село Дворце, село Орашје, село Рашче, село Бојане, село Копаница, село Свиларе во општина Сарај.
– Од 10:30 до 14:00 часот село Бардовци улица 1687 поточно од бр.54 до бр.40 м.в Шамак во општина Ѓорче Петров.
Скопје
Герасимовски: Досега од јавните површини дислоцирани речиси 40 хаварисани возила
Граѓаните се приклучија на акцијата за бесплатно дислоцирање на хаварисани возила. Општина Центар во соработка со пајак службата на ЈП „Паркинзи на Општина Центар“ и МВР веќе спроведува акција за бесплатно дислоцирање на хаварисаните возила од јавните површини со јавување на телефонскиот број 076 350 767 со цел ослободување на јавната површина.
„Со заедничката акција која ја спроведуваме досега од јавните површини дислоцирани се околу 40 возила. Сопствениците на хаварисани возила имаат одлична можност да се јават на бесплатниот број да го пријават своето нерегистрирано или неисправно возило за истото да биде однесено во отпад каде ќе им биде проценето согласно откупната цена за старо железо. Затоа во оваа прилика ги повикувам граѓаните да ја искористат можноста и помогнат во ослободување на јавните површини, тревниците, паркинг местата и да ја променат сликата во општината“, вели Герасимовски.
Општина Центар ги известува граѓаните дека пајак службата на ЈП ПОЦ, бесплатно може да ги подига и возилата на приватен имот доколку има согласност од сопствениците или доколку истите бидат изнесени на јавна површина.
Вработени издавале државјанства на лица што не се во Македонија и од нив добивале пари, МВР поднесе кривични пријави
Велешката полиција до Обвинителството поднесе кривична пријава против А. Б. (33) и 30-годишната А. С., двајцата од село Мелница, општина...
Загина 59-годишен маж од Прилеп: со возилото излетал од патот
Вчера во 11.28 часот во Полициската станица Прилеп било пријавено дека на регионалниот пат Прилеп-Крушево, кај место викано „Бегова ливада“,...
Поради нерегуларности, затворени два института, просветната инспекција ги проверува и универзитетите, објави Јаневска
Кај некои универзитети се утврдени нерегуларности, потврди денеска и министерката за образование и наука, Весна Јаневска. Таа информира дека државната...
Војниците поднесоа кривична за Славјанка Петровска, го спречила синдикалното движење, а најавија и протести пред Владата оти Мислајловски 130 дена ги игнорира
Независниот синдикат на професионални војници (НСПВ) поднесе кривична пријава против поранешната министерка за одбрана, Славјанка Петровска, под сомнение дека ја...
Спасено лице од давење во Дојранското Езеро, акција на МВР – Гранична полиција
Вчера беше спасено лице да не се удави во Дојранско Езеро во акција на МВР – Гранична полиција, извести ЦУК....
Почувствуван земјотрес во Скопје
Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот...
(Видео) Америка тестира интерконтинентална балистичка ракета
Американската војска тестираше уште една невооружена интерконтинентална балистичка ракета. Лансирањето се случи од вселенската база Ванденберг во Калифорнија на 5...
Градоначалникот на Бања Лука му се налути на Додик: Го креваме знамето на оние што нè бомбардираа
Градоначалникот на Бања Лука, Драшко Станивуковиќ, го критикуваше потегот на Милорад Додик, кој во Палатата на Републиката во Бања Лука...
Шефот на ОН за изборот на новиот претседател на САД: Подготвени сме да соработуваме и покрај претходните напади на Трамп
Генералниот секретар на ОН изјави дека е подготвен да работи „конструктивно“ со новоизбраниот американски претседател Доналд Трамп, и покрај тоа...
Европски научници: Просечната температура во 2024 година ќе го надмине прагот од 1,5 степен
Оваа година ќе биде најтоплата во историјата и прва во која просечната температура била за повеќе од 1,5 степен потопла...
Кинезите пишуваат за новиот почеток на кинеско-американските односи, му честитаат на Трамп
Кина објави дека ги почитува резултатите од изборите во САД и му честиташе на Доналд Трамп за неговата победа, а...
Харис: Го признавам поразот, но не се откажувам од борбата за слободата и идеалите
Потпретседателката на САД и демократска кандидатка на изборите, Камала Харис, не успеа да и’ обезбеди победа на својата партија, а...
Казни од камерите на улиците Тошковски очекува в година: Би бил пресреќен да биде во јануари, но и со декември ќе бидам задоволен
Казни за прекршоците што ќе ги регистрираат камерите поставени на улиците ќе има од следната година. Министерот за внатрешни работи,...
(Видео) Кривична против началник во МВР: ја покажувал легитимацијата и не плаќал патарина
Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење...
Гори безистенот во Струга
Огромен пожар во центарот на Струга. Гори Безистенот. На терен се десетина пожарникари со четири возила на Територијалната противпожарна единица...
Мицкоски со најдобри желби до претседателот Трамп: Оваа победа е потврда за длабоката верба на американскиот народ во принципите на слободата и демократијата
Премиерот Христијан Мицкоски упати честитка до Доналд Трамп за неговата победа на изборите во САД преку социјалните мрежи. „Оваа победа...
Под дејство на дрога прегазил жена и избегал: скопјанец осомничен за предизвикување сообраќајна несреќа со смртни последици во Марино
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило...
(Видео) Венс: Ова е најголемото политичко враќање на сите времиња
Џеј-Ди Венс излезе на сцената во Вест Палм Бич, Флорида. Тој веднаш му оддаде признание на Доналд Трамп, заблагодарувајќи му...
(Видео) Трамп: Ова е политичка победа каква што Америка никогаш не видела
Доналд Трамп и се обраќа на јавноста. „Ви благодарам на сите, ова е одлично. Ова е движење што никој досега...
Камала нема да одржи говор денеска, од нејзината кампања велат: „Уште не е готово“
Американците избираат претседател. Според сегашните податоци, Доналд Трамп води пред Камала Харис. Се огласија од нејзината кампања. „Ви благодариме за...
