Со 67 гласа „за“ и шест „против“ владејачкото мнозинство во Собранието, во вторник, во отсуство на опозицијата по скратена постапка го изгласа Законот за формирање на Универзитетот „Дамјан Груев“.

Новиот Универзитет за одбрана, безбедност и мир,  со новиот  владин предлог на законот кој  во понеделник пристигна во Собранието е проширен со уште три нови факултети – економски, градежен и архитектонски.Според владејачкото мнозинство, со овој универзитет, студентите ќе имаат уште една можност самите да направат избор каде ќе студираат, да не бидат манипулирани и рекетирани.Пратениците од опозицијата пак,   ја бојкотираа седницата на Собранието, по одлуката за замрзнување на сите собраниски активности додека Уставниот суд не се изјасни за уставноста на Специјалното обвинителство.Независната пратеничка Солза Грчева, смета дека со ваквиот Универзитет, се прави обид за паралелен систем и дисквалификација на најстариот Универзитет „Кирил и Методиј“.„Јас овој проект го гледам како штетен политички проект кој ќе нанесе само поголем удар во високото образование. Штета е што опозицијата не го истера ова до крај и не дозволи формирање на овој Универзитет.  Поднесовме девет амандмани да се обидеме да направиме некои суштински промени во ваквиот концепт, но се разбира ниту еден амандман не беше прифатен. Удар дополнителен се врши на УКИМ, на најстариот Универзитет на Македонија“, рече ГрчеваЗаменик – министерот за образование Спиро Ристовски, тврди дека идејата е да се зголеми квалитетот на високото образование.„Идејата за основањето на Универзитетот е да се зголеми квалитетот на високото образование и пред сѐ во неколку области кои се од исклучително значење за Република Македонија. Тоа ќе биде Универзитет кој нема да има големи и масовни квоти на запишување, напротив тоа ќе биде Универзитет на која ќе се фокусира целата академска јавност во насока на подобрување на квалитетот, а не за хиперпродукција на кадри“, реплицираше Спировски.Пратениците од власта  тврдат дека со досегашната ситуација во високото образование, просперирале само фамилијарните лози.“Мораме да признаеме дека е јавна тајна дека сите фамилии и студенти имале проблем. Тоа не треба да даде генерална слика на сите професори, ама дека има монопл – има. Дали само фамилијарните лози просперираат – така е. Цели ходници се со исто презиме на Медицинскиот факултет, вие не можете да станете ниту асистент ако вашиот татко не бил професор на медицина или правен. Не можете да најдете градежен инженер за да го вработите, има апсолутен недостаток“, смета пратеникот од ВМРО-ДПМНЕ Илија Димовски.Пратеникот од редовите на ДПА Орхан Ибраими смета дека е навреда за Абанците што Универзитетот не предидува ниту една насока на албански јазик./крај/со/бб