Македонија
Студентите порачаа: Кај што завршува стравот, започнува слободата
Мирно и без инциденти заврши студентскиот протестен марш против воведувањето на државен испит. Студентите поднесоа барање до Владата испишано на шест страници на кое, како што изјавија, е објаснето зошто бараат укинување на оваа мерка на Владата.
Нивното барање било примено во архивата во Владата, па студентите очекуваат да бидат разгледани нивните барања и да не бидат игнорирани.Маршот заврши со порака „Кај што завршува стравот, започнува слободата“ и со најава дека ако не бидат прифатени нивните барања, повторно ќе се соберат за да го изразат својот револт.Студентите пристигнаа пред Владата со скандирање „Екстерно за владата“, „Сега ќе нè чуете“ „Ние сме силата“ и побараа властите да прифатат дека протестите се натпартиски.„Се надеваме дека ќе наидеме на разбирање дека некој конечно ќе нè чуе, дека ќе прифатат дека нашите протести се натпартиски, искрени и добронамерни. Критиката е добра и не е злонамерна. Ако се земе во предвид дека од 2008 година до денес имало 12 интервенции, измени и дополнувања на Законот за високото образование, станува јасно дека е потребен посериозен пристап, поинклузивен процес во кој ќе се слушне гласот на стручната фела, академскиот кадар, студентските организации и истражувачките центри што би резултирало со поквалитетен Закон со систематско решение, па не би било неопходно така често да се интервенира експериментално“, изјави студент од „Студентскиот пленум“ пред Владата.Побараа од власта да ја запре оваа мерка и да пристапат кон сериозни реформи во образованието.„Ние сме бунтовни, ние сме решителни, брзи реформи слепи студенти раѓаат. Ова е политика на неконзистентност во високото образование. Ова се реформи кои се експериментални и тие ќе предизвикаат значителна штета врз квалитетот на студентите. Ние вака функционираме, колку повеќе заокружувања толку повеќе аргументи, колку повеќе аргументи толку попаметни и поумни, колку повеќе притисок, толку порешителни. Да ве интересираше квалитетот немаше да барате партиски книшки при вработување, ќе ги баравте нивните дипломи. Доколку сте искрени и чесни, ќе ја запрете оваа мерка и ќе пристапите кон сериозни реформи во високото образование“, изјави студент.Протестот започна на пладне пред платото на Универзитетот „Свети Кирил и Методиј“.
Додека студентите се собираа на факултетите беше испратен апел за мирен протест, без говор на омраза и навреди, без партиски транспаренти.Пред да тргнат, на студентите им се обрати нивната колешка Зорица Димитрова која порача амфитеатрите да бидат единствено место каде што ќе се проверува знаењето. Таа порача дека тие како студенти во ваква ситуација имаат одговорност да реагираат, да се изборат „за избор, за слобода, за достоинство“. На средношколците кои беа присутни им порача да не дозволат да им го одземат достоинството, а на професорите кои им дадоа поддршка им се заблагодари. „Оние, пак, кои останаа во своите кабинети, оставаме да разговараат со нивната совест“, порача студентката.Анастасија Петреска од Студентскиот пленум порача дека со колективна казна нема позитивни промени во образованието. „Пленумот бара наместо државен испит, разгледување на акредитациите што им се дадени на универзитетите и студентските програми и ако тие не се добри, да се укинат. Кога министер излегува со изјава дека јавна тајна е дека во Македонија се купуваат дипломи, вината е нивна и тие треба да ги разгледаат лошите одлуки што ги донеле. Со колективна казна не можеме да направиме позитивни промени во образованието“, изјави Петреска.На студентите им се приклучија и нивни колеги од сите националности, за да покажат дека проблемот ги засега сите националности, не само Македонците.„Задоволни сме што кон маршот се приклучија и нашите колеги Албанци од Тетово, но и од други националности, што значи дека маршот почна да се разбира сериозно, а реформата што се предлага само ќе ни смета во нашето студирање. Екстерното ќе нè погоди сите“, вели Саранда Арифи, студентка на Правниот факултет „Јустинијан Први“.Маршот продолжи пред Собранието, каде што голем број граѓани ги пречекуваа студентите со аплауз и поддршка. Продолжија пред Владата, каде студентите го завршија маршот со интересен перформанс. Сите во еден глас ја испеаа „Скопје, радост ти ќе бидеш“.Ова е втор протестен марш на Студентскиот пленум. Студентското списание „Излез“ објави дека анонимен граѓанин, до нивната редакција го доставил предлогот за државен испит на Министерството за образование и наука од 31.10.2014 година кој како допис е испратен до претседателот на Интеруниверзитетската конференција, проф. д-р Велимир Стојковски.Интересно е што во овој допис веќе се споделува информацијата дека полагањето на државниот испит ќе се однесува на генерациите запишани на студиската 2016/2017 година и нема да има ретроактивно дејствие.На јавноста информацијата дека државниот испит ќе важи за идните студенти, првпат и’ ја соопшти премиерот Никола Груевски во интервју за Дневникот на ТВ Сител, дваесетина дена подоцна по првиот студентски марш.Според предлогот кој го објави магазинот, предвидено е државниот испит студентот да го полага само еднаш во кварталот на академската година, при што само првите три полагања се бесплатни.„Доколку студентот не успее да го положи државниот испит трипати по ред, наредните пријавувања за полагање се на товар на студентот“, се вели во информацијата.Министерот изјави дека не знае зошто протестираат студентите, кога сè уште нема концепт и модел за државниот испит.Премиерот Никола Груевски, пак, ја обвини опозицијата дека стои зад протестите за студентите и дека студентите биле излажани дека станува збор за екстерен испит, а не за само уште еден, државен испит, поделен на два дела./крај/мф/ффс
Се вчитува прикажувачот на видео…
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Евроинтеграцијата е премногу важна цел за да се потклекне пред предизвиците
Првиот заменик претседател на Владата за европски прашања Бојан Маричиќ ја пречека Вицепремиерката за европски прашања на Република Молдавија Кристина Герасимов. По остварената средба во Секретаријатот за европски прашања, Вицепремиерите одржаа заедничка прес конференција во Владата на Република Северна Македонија.
На прес конференцијата Вицепремиерот Маричиќ ја пренесе заедничката определба на двете држави што побргу да го завршат процесот за преговори за членство во ЕУ. Во продолжение интегралната изјава на Вицепремиерот Маричиќ.
„Откако на Самитот на ЕУ во Шпанија минатата година беше утврдена целта дека следното проширување на ЕУ е позиционирано до 2030 година, и откако Европскиот Совет донесе одлука да ги отвори пристапните преговори со Молдавија и Украина, Северна Македонија и Молдавија имаат заедничка цел. Со тоа стануваме и стратешки сојузници.
Република Молдавија сега го отпочнува скрининг процесот, додека ние го завршивме успешно во декември минатата година. Успешниот скрининг е резултат на ангажманот на речиси илјада владини претставници и експерти од академскиот и граѓанскиот сектор, за што добивме признанија од страна на Европската Комисија.
На колешката Герасимов ѝ пренесов дека Северна Македонија ќе им го стави на располагање сето знаење и искуство од овој процес на нашите колеги од пријателска Молдавија. Исто како што ние ја добивме поддршката од Хрватска и Словенија, Србија и Црна Гора.
Тоа е европската солидарност. Тоа е израз на пријателство и поддршка како европски вредности.
И двете држави сериозно претендираме на членство при следното проширување до 2030 година. Тоа проширување добива на значење и во забрзување заради геостратешките и безбедносните аспекти, Но, исто толку сме свесни дека за членство во ЕУ мора да ги исполниме и објективните критериуми и стандарди. Секоја земја одделно со своите специфики и перформанси е повикана да ги постигне тие стандарди, но споделувањето на искуствата на тој пат е од огромно значење и секогаш добредојдено.
Исто така, имаме сериозна намера и подготвени сме да ги извлечеме најдобрите придобивки од Планот за раст, кој треба да донесе дополнителна динамика во евроинтегративните процеси на земјите претенденти за членство во ЕУ.
Креиран, како финансиска и политичка инвестиција во регионот, Планот за раст со шесте милијарди евра за Западен Балкан е подадена рака за забрзување на процесот за членство до 2030 година. Тоа е брза лента на патот на евроинтеграцијата. Планот за раст бара реформи од државите и од владите, а придобивките се во системските промени кои ги обезбедуваме низ тие реформи, во финансиските пакети за земјава и во економската интеграција во единствениот европски пазар.
Мораме да останеме силно посветени на европската реформа агенда, зашто само на тој начин, токму преку Планот за раст ќе си обезбедиме слободно движење на стоки, услуги и работници, пристап до Единствената платежна област, олеснување на патниот транспорт, интеграција во индустриските синџири на снабдување, интеграција и де-карбонизација на енергетските пазари, како и во дигиталниот единствен пазар.
На овој пат до членството во ЕУ, сите земји кои се во преговори или се кандидати се соочуваат со предизвици кои бараат одговорни одлуки. Северна Македонија сега е пред таков предизвик. Ние нема да се откажеме од донесувањето на потребните одлуки за да ги продолжиме започнатите преговори.
Со колешката Герасимов се согласивме дека евроинтеграцијата е премногу важна цел за да се потклекне пред предизвиците. За двете земји членството во ЕУ е приоритет во остварувањето на врвните државни интереси.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.