Студентите од четврток се враќаат на редовна настава, односно по договорот за изработка на целосно нов Закон за високо образование студентите ќе ги ослободат факултетите кои беа окупирани две недели.

Сепак остануваат автономите зони кои ги формираа студентите, во аулите на факултетите ќе продолжат алтернативните преавања на кои ќе се зборува за студентските барања, студентските прашања, студентските проблеми. Од Пленумот потенцираа дека на студентите нема да изгубат ниту семестар, ниту испити и дека во договор со професорите предавањата ќе се забрзаат и ќе се надокнадат.На вчерашната средба на студентите им било ветено дека нема да никаква надворешна евалуација на знаењето на студенттие.„Власта, надлежните ретерираа во својот став и попуштија пред нашите барања и сега добивме комплетно нов закон кој ќе се изработува по нова методологија и нов концепт и во чиешто изработување ќе бидеме вклучени и ние. Разговаравме за надворешно тестирање и ни беше ветено дека нема да има, а од друга страна и ние ќе учествуваме во работните групи, професорите и нема да прифатиме никаква форма на надворешно тестирање“ изјави Стефан Видиков, претставник на Студентскиот пленум во преговорите.Според проценките на студентите и професорите се очекува новиот предлог закон да биде изработен во рок од шест до осум месеци.„За шест до осум месеци имаме проценка да добиеме предлог текст, финална верзија. Нема да има веќе политички фигури во работните групи, ќе бидат државни службеници и од Министерството за образование и министерството за финансии и од владата“ изјави претставничката на Студентскиот пленум, Ивана Туфегџиќ.Во изработката на новиот Закон нема да учествуваат претставници од Студентскиот парламент.Во вторникот претставниците на ректоратот на УКИМ, на МОН и Студентскиот и Професорскиот пленум постигнаа договор да се донесе комплетно нов Закон за високо образование./крај/ффс

Извор: Фото:Студентски пленум