Судијата на претходна постапка која ја издал мерката за претпазливост за лидерот на опозицијата, Зоран Заев, и кој треба да одлучи како ќе постапува судот откако Заев престана да ги почитува одлуките на судот, е на редовен, годишен одмор, информираат од Основниот суд Скопје 1.

До Судот стигнало известување од Основниот суд во Струмица дека Заев не се јавил во судот, иако имаше обврска еднаш неделно да се јавува во Судот во Струмица, како мерка на претпазливост за неговото обвинение во случајот „Пуч“.„Судијата на претходна постапка при Основниот суд во Струмица го извести Основниот суд Скопје 1 – Скопје дека на 06.07.2015 година во 9:25 часот бил исто така известен од секретарот на Општина Струмица, дека г-дин Зоран Заев тој ден нема да се јави во судот. Исто така, секретарот на општина Струмица не дал никакво оправдување ниту образложение за неговото отсуство и истото е наведено во известувањето кое го добивме. Ова известување е доставено до надлежниот судија на претходна постапка при овој суд, кој ја издал мерката за претпазливост, за кој информираме дека во моментов користи денови на редовен, планиран годишен одмор, а по неговото враќање соодветно ќе постапува по ова известување“, соопштуваат од Судот. Заев е четвртообвинет во случајот „Пуч“ за насилство спрема највисоки државни органи, а минатата недела изјави дека не го почитува судот и дека нема да се јавува бидејќи според него, правосудството било под целосна контрола на власта./крај/мф/ффс