Судија на претходна постапка го одби предлогот на Специјалното јавно обвинителство за определување на мерки на претпазливост за осомничените припадници на полициската единица „алфи“, осомничени за нечовечко постапување при апсењето на лидерот на „Обединети за Македонија“, Љубе Бошкоски.

Тоа значи дека Командирот на полициската единица „алфа“, Ивица Антевски – Пуки и останатите петмина осомничени остануваат на работа во Министерството за внатрешни работи, иако СЈО предложи да им се забрани вршење на сите полициски овластувања.„Судот не го прифати предлогот на СЈО, а со тоа и не  им определи мерка на претпазливост – забрана за вршење на сите полициски овластувања кои осомничениот ги има како полициски службеник и конкретни забрани за вршење на работи и работни задачи и овластувања кои ги има согласно актите за систематизација“, се вели во соопштението од Судот.Првоосмничен во овој случај, кој го отвори СЈО, е поранешниот директор на Управата за безбедност и контраразузнавање, Сашо Мијалков, но за него Обвинителството не побара ниту притвор, ниту мерки за претпазливост./крај/мф/ффс