Судскиот совет, во рамките на своите законски надлежности,  го следи текот на судскиот процес  во Основниот суд Скопје 1 Скопје наречен „ Дива населба“ и соопшти дека ќе собере информации зошто во вторник судењето мораше да биде одложено откако адвокатите и новинарите не беа пуштени во салата на Врховниот суд.

„Согласно својата законска надлежност да се грижи за угледот на судиите и да ја зајакнува довербата на граѓаните кон судството, ССРМ ќе ги собере сите потребни информации преку усна и писмена комуникација со претседателите на Врховен суд на РМ, Апелационен суд Скопје, Основен суд Скопје 1 Скопје и Основен суд Скопје 2 Скопје, како и со и други лица ако е тоа потребно, со цел да ги утврди вистинските причини заради кои е одложено денешното судско рочиште“, сооптија од советот.  Велат дека знаеме дека иако за предметот била обезбедена сала и оперативен план за физичко обезбедување, имало недоразбирање кај припадниците на судската полиција од Врховен суд и ОС Скопје 1 Скопје. „Потсетуваме дека доколку било кое лице вработено во овие судови постапило спротивно на законските обврски, спротивно на препораките од оперативниот план за физичко обезбедување на судскиот процес или на кој било друг начин неосновано придонело за одлагањето на денешното рочиште ќе мора за тоа соодветно да одговара“, се вели во соопштението. Имено, во вторникот на судењето кое за „Диво насеље“ требаше да почне од почеток, во големата сала на Врховниот суд, затоа што надлежниот Основен суд Скопје 1 нема просторни капацитети, адвокатите и новинарите не можеа да влезат во зградата на судот, затоа што вратите беа затоврени. Судската полиција од Врховниот суд тврдеше дека нив треба да ги спроведе судската полиција од Скопје 1, кои беа таму, но немаше како да ја завршат работата. Во меѓувреме, обвинителите во случајот излегоа и соопштија дека процесот е одложен за 6 јуни, заради неприсуство на адвокатите./крај/мф