Македонија
Тодоров од интерпелацијата се брани со проекти
Собранието на 80-та седница расправа по интерпелацијата за работата на министерот за здравство Никола Тодоров, поднесена од пратеничката група на СДСМ, во која се бара смена на министерот поради „системските проблеми и хаосот во здравството што резултира со трагични последици врз граѓаните и врз пациентите,“ а министерот се брани со проекти без да се осврне на починатите пациенти.
Тодоров, според СДСМ, треба да понесе одговорност за несоодветното и нестручно управување со здравствениот систем, со ресурсите, со немањето стратегија за развој, за нереализирана здравствена картичка, за ниските плати и изгубеното достоинство на „белите мантили“, за заминувањето на 700 лекари од Република Македонија, за смртта на Тамара и на родилката и нејзиното бебе во Гевгелија, за неуспешниот „Мој термин“, жените од Шутка и Бутел кои немаат гинеколог, како и поради 36.000 пациенти на инсулин…„Нема педијатри во јавното здравство, затоа смртноста расте. Изгубена е довербата и во системот на вакцинација. Граѓаните си купуваат вакцини од странство. Требаше да си одите и затоа што го растуривте и Клиничкиот центар. Нема редовно греење во болниците, нема редовни реагенси за компјутерско снимање, нема антибиотици, ги нема основните лекови, а да не зборуваме за цитостатици. Долги се листите за чекање за зрачна терапија. Требаше да си одите и поради неуспешниот „Мој термин““, рече пратеничката Јагода Шахпаска од СДСМ, во објасниувањето на интерпелацијата. Шахпаска му рече на Тодоров дека требало да си замине од функцијата кога го уништиле стоматолошкиот центар, а и поради криминалните тендери.„Гoсподине Тодоров, доста е, одете си ако се уште имате совест. Не може доктори во алкохолизирана состојба да доаѓаат на работа и да одлучуваат за човечки животи. 700 лекари ја имаат напуштено Македонија. Нема педијатри, децата од 0 д 6 години нема каде да се лекуваат и затоа смртноста е во пораст. Клиниките тонат во долгови кои достигнаа милиони евра за јавното здравство. Должи и клиниката на докторката која ја наградивте. Нема реагенси за компјутерски снимања, нема реагенси за лабараториски анализи. Пациентите сами си купуваат лекови на клиниките“, рече Шахпаска. Министерот Тодоров, обраќајќи се пред пратениците рече дека интерпелацијата ќе ја образложи со наведување успешни проекти во здравството. „Јас денеска нема да дозволам да паднам на овие евтини политички трикови коишто како ваша политичка матрица постојано ја спроведувате во Република Македонија. Јас ќе зборувам за проекти, за тоа што сме го направиме“, рече министерот Тодоров одговарајќи и на пратеничката Шахпаска. Според него, сето она што таа го наведе потсетува на едно време што, поминало со многу висок бебешки морталитет, немање зрачна терапија, долги листи на чекање, огромни долгови, за немање средства во јавното здравство. „Кажавте многу неточности, многу неточности. Рековте дека има долга листа на чекање за зрачна терапија, но во јавното здравство не се чека подолго од три дена“, рече Тодоров.Тодоров се осврна на успешното функционирање на Државната кардиохиругија и детската кардиохирургија, каде што, како што посочи, околу 50 проценти од интервенциите се направени од македонски лекари. Информира, дека до сега се извршени над 160 кардиохируршки интервенции во детската кардиохирургија. Воспоставена е мрежа на интервентна кардиологија во Македонија, достигнат е европскиот стандард. Воведен е „Мој термин“ – централизиран систем, кој содржи вкупно 1.645.378 електронски досиеја, а само од почетокот на 2015 година се креирани 7 милиони упати и 22 милиони рецепти. „Системот функционира“, вели министерот Тодоров, а дека намалувањето на цените на лековите е системска мерка воведена од Владата, а од 1 февруари 2012 година извршени се осум намалувања, со што се опфатени над 4.700 лекови и заштедени се над 33 милиони евра.За поливалентните вакцини, Тодоров рече дека со воведувањето на пет и шествалентните вакцини е намален бројот на боцкања од 13 на 7 во првите две години.„Со проектот „рурален доктор“ опфатени се 1.227 населени места во државата, лоцирани во 72 општини, во кои живеат околу 360 илјади жители. Досега од почнување на функционирање на овој проект се извршени над 150 илјади прегледи. Со руралните аптеки во населени места се покриени до 3.500 жители. Со оваа мерка се опфатени над 130 илјади жители. Со подвижни аптеки се опфатени помали места до 1.000 жители, а досега се доделени шест лиценци, со кои се опфатени 304 населени места“, појасни Тодоров.Тодоров меѓу успешните проекти го спомена и бесплатниот мамографски скрининг за жените на возраст од 50 до 60 години, во 17 јавни здравствени установи низ целата држава.Говореше и за 2.084 здравствени работници кои се едуцирале во поголем број држави во Европа, САД и Австралија. Само во 2015 година, според него, вкупно 1000 здравствени работници се упатени на едукација-специјализација во странство во реномирани медицински центри во Германија, Хрватска, Србија.Тодоров го потенцира и враќањето на 200 специјалисти од приватното во јавното здравство, додавајќи дека порано процесот беше обратен. Потсети и на инвестициите за реновирање и обнова на јавните здравствени установи.Вкупно досега, како што наведува Тодоров, се инвестирани над 100 милиони евра за набавка на нова најсовремена медицинска опрема. По излагањето на министерот Тодоров како одговор на поднесената интерпелација од пратениците од СДСМ, претседателот на Собранието Трајко Вељаноски даде редовна пауза, по која продолжува седницата./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВЛЕН го отвори Централниот штаб; Меџити: Постигнавме повеќе за една година отколку ДУИ за 22
Вечерва на плоштадот „Скендербег” се одржа официјалното отворање на Централниот штаб на ВЛЕН.
Вицепремиерот Изет Меџити изјави дека ВЛЕН постигнала повеќе за една година отколку ДУИ за 22 години.
Тој нагласи: „Нека ни ја покажат својата најдобра година за вработување, не може да го победи она што го правиме сега. Затвораме казина, создаваме работни места и ја регулираме правдата.“
Меџити ја нагласи јасната цел на ВЛЕН: „Тие се собраа за Соравија, за лотаријата, но не и за граѓанинот. Ние правиме разлика секој ден!“
Беким Ќоку, еден од лидерите на ВЛЕН, нагласи дека овој штаб ќе биде „местото за производство на енергија што ќе служи за победата на октомври“, истакнувајќи ги конкретните проекти на актуелната влада, како што се патот Тетово-Призрен и посветеноста на регионалната соработка со Албанија и Косово.
„Не можеме да ја игнорираме политиката на оние што изградија 35 милиони трговски центри, додека ние инвестиравме во Универзитетот Мајка Тереза. Тие ги избркаа половина милион Албанци, ние работиме за нивно враќање“, рече тој.
Ќоку го заврши својот говор со порака: „Минатата година имав слоган: Дојде денот Али опозицијата. Денес знам дека доаѓа денот на “нон грата“ на ДУИ!“.
Вицепремиерот Арбен Фетаи нагласи дека октомвриските избори се битка за иднината.
„Албанците обединети против криминалот и корупцијата. ВЛЕН е антитеза на оние што тргуваат со општини како на чаршија“, рече тој.
Билал Касами, градоначалник на Тетово, рече дека оваа масовна излезност не е само отворање на штабови, туку запечатување на победата.
„Тетово имаше дупки и загадена вода, денес зборуваме за млади, фестивали и развој. Чаир денес е модел за целата земја. Ни требаат способни менаџери, а не партиски марионети“, рече Касами, додавајќи дека победата на ВЛЕН не е за политичарите, туку за граѓаните.
Зеќирија Ибрахими побара поддршка за промената од централно ниво да се пренесе и на општините. Тој рече дека албанското семејство заслужува повеќе.
„Ако немате причина да гласате за ВЛЕН, имајте едно на ум, ние сме единствените што ќе го заштитиме традиционалното албанско семејство, неговото достоинство, иднината на нашите деца“, рече Ибрахими, додавајќи дека изборите се референдум и прашањето е: „Дали сте за управување со општините од страна на ВЛЕН, или за враќање на криминалот на Соравија?
„Во октомври, ние не гласаме, само ја запечатуваме нашата судбина“, рече Ибрахими.
Шефот на овој штаб, Аднан Азизи, пренесе организациски план во акција, нагласувајќи дека ќе продрат во секоја населба каде што има Албанци за да ја обезбедат победата на октомври.
„Големите битки почнуваат од плоштадот, исто како што почнуваме вечерва на овој плоштад, ова е почетокот што ќе следи со отворање на други центри во секој град и населба каде што има Албанци. Добро знаете дека изборите што нè очекуваат се избори за локална самоуправа. Нашите противници се плашат од казната за лошо владеење со општините што ги управувале, тие бараат гласови за да преживеат политички, да избегаат од правдата“, рече тој.
„ВЛЕН не е само коалиција, тоа е движење. Јадро на вредности, камен-темелник за државата на иднината. Енергијата што експлодираше вечерва во Скопјe не е случајна, тоа е јасен сигнал дека промената се случила, иднината се гради и победата доаѓа. Во октомври, ВЛЕН претставува достоинствои развој. ВЛЕН, затоа што Албанците заслужуваат повеќе“, рече Азизи.
Македонија
Заев му издиктира на Филипче кадри кои ќе загубат на изборите, велат од ВМРО-ДПМНЕ
Заев му издиктира на Филипче кадри кои ќе загубат на изборите, обременети со скандали и приказ на хаосот во СДС, велат од ВМРО-ДПМНЕ, по прес – конференцијата на лидерот на СДСМ, Венко Филипче, на која ги објави имињата на 19 кандидати за градоначалници.
„Ова не се кандидати на партиската база на СДС, туку тоа се кандидати на Заев издиктирани на Филипче. Ова се кадри на другарите на Заев со кои убедливо ќе загуби и на овие локални избори. Луѓе од истата матрица која тепа жени како советникот на Филипче во Кочани, која измислува без докази и клевети, креира хаос и тоне во безидејност“, велат од ВМРО-ДПМНЕ.
Според владејачката партија, нема ниту еден кредибилен предлог за градоначалник и ниту еден кадар кој претставува додадена вредност.
Македонија
СДСМ објави 19 кандидати за градоначалници, меѓу нив и познати имиња
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која се однесува на давање согласност за кандидатура на градоначалници за претстојните локални избори.
Одлуката се однесува на првите 19 кандидати за градоначалници, а некои од нив се веќе споменати во јавноста.
За Општина Центар, актуелниот градоначалник Горан Герасимовски.
За Општина Аеродром, Александар Трајановски.
За Општина Ѓорче Петров – претседателот на општинската организација, Костадин Ацески.
За Општина Чучер Сандево, актуелниот градоначалник Сашо Комненовиќ.
За Општина Берово, актуелниот претседател на општинската организација Илија Рунтевски.
За Општина Крива Паланка, актуелниот градоначалник Сашо Митовски.
За Општина Лозово, Ацо Велковски.
За Општина Чешиново-Облешево, Горанчо Крстев.
Општина Богданци, Блаже Шопов.
Општина Дојран, Ристо Џинев.
Општина Могила – Зоран Ристевски.
Општина Неготино, Петар Мантев.
Општина Новаци, Љубе Кузманоски.
Општина Росоман, Стојанче Николов, актуелниот градоначалник.
Општина Вевчани, претседателот на општинската организација Стефан Радиноски.
Во Крушево, актуелниот градоначалник Томе Христовски.
Во Ресен, претседателот на општинската организација Александар Бузлевски.
Во Штип, исто така, претседателот на општинската организација Павел Иванов.
И претседателот на општинската организација во Општина Гази Баба, Влатко Митовски.
„Овие кандидати се избрани врз основа на принципите коишто ги наведовме дека ќе важат за кандидирањето на овие луѓе. Избрани се со прилично широк консензус во општинските организации, луѓе кои што имаат и кредибилитет и легитимитет да ја побараат довербата, некои за првпат, некои повторно од граѓаните“, рече Филипче.
Според него, актуелните градоначалници направиле вистинска промена во општините Центар, Крушево, Крива Паланка.
Детали за несреќата во Охрид: возачот немал дозвола, поминал преку кружниот тек и на тротoар ја прегазил жртвата
Основното јавно обвинителство Охрид отвори истрага против две лица за тешки дела против безбедноста на луѓето имотот во сообраќајот, во...
СДСМ објави 19 кандидати за градоначалници, меѓу нив и познати имиња
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
Вишиот јавен обвинител казнет, намерно и неоправдано направил крупни професионални грешки
Комисијата за утврдување на дисциплинска одговорност на јавен обвинител одлучи дека Вишиот јавен обвинител на Вишото јавно обвинителство Скопје и...
Ефективен притвор за ексдиректорите на Онкологија, Нино Васев и Нехад Нухи, Апелација им го укина куќниот
Апелациониот суд Скопје ја укина мерката куќен притвор за ексдиректорите на Онкологија, Нино Васев и Нехад Нухи и им определи...
Градоначалникот Мерко казнет со 10.000 евра за незаконското назначување на директори
Градоначалникот на Струга, Рамиз Мерко е проглаен за виновен од страна на судот за несовесно работење во службата поради незаконското назначувањето...
(Видео) Повредените во Кочани ќе добиваат по два чифта компресивна облека на шест месеци и препорачливо е да ја носат две години
На 58 повредени во пожарот во дискотеката „Пулс“ во Кочани веќе им е дадена компресивна облека и носењето ги дава...
Адвокатот побара ослободување на Љупчо Палевски поради недостиг на докази
Адвокатот на првообвинетиот Љупчо Палевски, Јовица Страшевски, побара неговиот клиент да биде ослободен од обвиненијата за убиствата на Вања Ѓорчевска...
(Видео) „ВМРО-ДПМНЕ подготвува криминал тежок 2 милијарди евра – пруга без проект, но со веќе пресметана провизија“, вели Кузеска
„СДСМ денес алармира за сериозен сомнеж за криминал од огромни размери што се подготвува од Владата предводена од ВМРО-ДПМНЕ. Пред...
Стопирана изградбата на објектот во охридската чаршија, инвеститорот немал одобрение
Државниот инспекторат за градежништо и урбанизам направи вонредна контрола на објектот во изгрaдба во Старата охридска чаршија, односно во заштитетната...
Акиов: Не сум гомнар, туку борец за правда, чашата беше прелеана од советникот Алексов
Советникот Аки Акиов од Партијата за демократски просперитет на Ромите (ПДПР) преку социјалните мрежи, по насилниот инцидент, порача дека тој...
Удрил во метален столб, а потоа прегазил пешаци: загина охриѓанка, возачот уапсен
Вчера во 22.30 часот во СВР Охрид било пријавено дека на кружен тек од булеварот „Туристичка“ со улицата „Јане Сандански“...
„Вчерашното насилство е дел од сценарио што самиот Филипче го има направено пред еден месец во Дубаи на средба со Зоран Заев“, велат од ВМРО-ДПМНЕ
„СДС и Венко Филипче се впуштија во реализација на сценарио за негов спас и за дефокус на македонската јавност. Инцидентот...
Израелскиот министер за одбрана: Ако Хезболах нападне, повеќе нема да постои
Израелскиот министер за одбрана Израел Кац изјави дека Хезболах ќе биде уништен ако либанската организација го нападне Израел како поддршка...
Хезболах објави дека ќе го поддржи Иран: Ќе дејствуваме соодветно
Генералниот секретар на Хезболах, Наим Касем, изјави дека групата со седиште во Либан не е неутрална и дека стои зад...
Русија: Убиството на врховниот лидер на Иран би ја отворило Пандорината кутија
Промената на режимот во Иран е „неприфатлива“ и атентатот врз врховниот лидер на земјата „би ја отворил Пандорината кутија“, изјави...
(Видео) Иран лансира нов бран ракети кон Израел
Иранската војска испука нов бран ракети кон Израел, соопшти израелската војска. Нападот доаѓа откако Израел издаде предупредување за евакуација до...
Шефицата на дипломатијата на Северна Кореја: Со Русија имаме најсилен, непобедлив сојуз
Министерката за надворешни работи на Северна Кореја, Чое Сон-хуи, го поздрави договорот за меѓусебна одбрана меѓу Северна Кореја и Русија...
Израелци: Ирански проектил се отвори на висина од 7 км и се распрсна на мали бомби
Иран во неделата испали ракета врз Израел што расфрла мали бомби со цел зголемување на цивилните жртви, соопштија израелската војска...
Тајниот нуклеарен објект на Иран што може да го погоди само американска бомба
Во планинска област јужно од Техеран, скриен длабоко под земја, се наоѓа Фордо – објект за збогатување на ураниум кој...
(Фото) Сателитските снимки покажуваат штета на иранскиот нуклеарен реактор во Арак
Нови сателитски снимки со висока резолуција објавени денес од „Максар Технолоџис“ покажуваат значителна штета на иранскиот реакторски комплекс во близина...
