Македонија
УНХЦР изразува загриженост поради тензиите на грчко-македонската граница
Хуманитарната организација УНХЦР е загрижена поради тензиите и насилството меѓу мигрантите и бегалците на границата меѓу Грција и Македонија и ги повикува властите да управуваат со границите во согласност со принципите за заштита на човековите права.
Во соопштението на УНХЦР се наведува дека последните денови пораснале тензиите во Идомени, на грчката страна од границата по ограничувањето на приемот на мигрантите кои не се од Сирија, Ирак и Авганистан, коишто ги воведоа државите од западнобалканската рута.Во судирите меѓу група мигранти и бегалци во четвртокот на грчко-македонскта граница од струен удар настрада еден човек, а најмалку двајца биле повредени.„УНХЦР изразува жалење поради загинувањето на државјанинот од Мароко под неразјаснети околности. Овој инцидент дополнително ја нагласува потребата властите да преземат соодветни чекори. Ги повикуваме властите во Грција итно повторно да воспостават безбедност и да ги заштитат оние на кои им е потребна заштита како и работниците од хуманитарните организации и волонтери“ се додава во соопштението. На беглаците и мигрантите на кои им е одбиен влез во Македонија обезбеден им е превоз назад во Атина, каде се и објектите за прифаќање и згрижување и каде е присутен персонал од УНХЦР којашто може да им понуди индивидуални правни и други совети.Организацијата изразува загриженост за последиците од рестрикциите кои на границите ги спроведуваат неколку држави на Балканот.„УНХЦР препорачува тријажа на луѓето врз основа на нивните потреби за заштита, а не на основа на нивните државјанства. УНХЦР и други организации ги повикаа државите повторно да воспостават механизми за координација и реагирање кои се договорени на Самитот на земјите од Западен Балакан на 8 октомври и состанокот на лидерите на 25 октомври 2015 година“, се наведува во соопштението.Како што јавуваат медиумите, околу 2.500 бегалци од Сирија, Авганистан и Ирак во моментов се наоѓаат на македонска страна, а уште 1.000 чекаат за влез во земјава.Дел од мигрантите утрово гаѓале со камења кон грчката полиција, а имало и судир бегалците и економските мигранти./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: пет имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.