Македонија
Уставниот суд расправа за одлуката на Собранието за распуштање со одложено дејство
Уставниот суд во четврток ја почнува расправата по иницијатива на претседателот на Демократски сојуз, Павле Трајанов, за оценување на уставноста на одлуката на Собранието за распуштање на Парламентот со одложено дејство, соопштуваат од партијата.
„Парламентот на 18.01.2016 година донесе одлука за негово распуштање, но наместо да стапи во сила веднаш и се спроведат избори во рок од 60 дена, примената е одложена да стапи на сила на 24 февруари , односно 60 дена пред изборниот ден за 24 април, за кога само начелно се закажани предвремените парламентарни избори. Датумот не е сигурен бидејќи претходно е условен со други обврски кои треба да бидат спроведени согласно Пржинскиот договор, а тоа може да произведе и друг одложен датум на одржување на избори, се додека не се исполнат сите услови“, велат од партијата.Пратеникот Павле Трајанов, како што се вели во соопштението од ДС,укажа на парламентарната дебата, и пред и по изгласувањето на оваа спорна одлука на партиите на власта, а опозицијата ја напушти салата и не сакаше да учествува.Трајанов уште на седницата најави дека ќе ја поднесе оваа иницијатива, која пред Уставниот суд дојде на дневен ред само неколку дена пред истекот на рокот на изјаснување на одлуката на меѓународната заедница да се изјаснат ,дали ќе препорачаат одлагање на датумот на изборите за неколку месеци подоцна.Седницата на Уставниот суд почна во 9 часот, а пратеникот Павле Трајанов , како предлагач на иницијативата воопшто не бил поканет да присуствува и да ја образложи истата. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Независниот синдикат на полицијата најави протест: Основната плата на полицијата не може да биде под минималната плата во државата

Независниот синдикат на полицијата денеска со почеток од 12.00 часот на раскрсницата Мавровка кај судовите ќе одржи полициски протест.
„Полициската плата е составена од основна плата и зголемување од 30%. Основната плата на полицијата не може да биде под минималната плата во државата. Бараме воедначување на судската пракса на апелациониот суд Скопје со Апелационите судови од Битола и Гостивар кој го потврдуваат нашето барање. Протестот ќе започне пред судовите, ќе се одржат кратки говори и ќе се упатиме пеш кон судскиот совет“, велат од Независниот синдикат на полицијата.
Од таму најавија и прес-конференција исто така на раскрсницата кај Мавровка во 12.15 часот.
Македонија
Ѓорче Петров и Аеродром денеска без струја

Од ЕВН Македонија АД известуваат дека поради технички зафати во електродистрибутивната мрежа денеска без електрична енергија ќе останат:
· Во периодот од 09:00 – 10:00 часот дел од корисниците од село Кучково кон Манастир, општина Ѓорче Петров;
· Во периодот од 09:00 – 12:00 часот дел од корисниците на улицата Гаврил Констатиновиќ (околу бр.57), општина Аеродром;
· Во периодот од 09:00 – 10:00 часот корисниците од улицата Алексо Демниевски 17, 11 и други куќи во близина, општина Ѓорче Петров.
Македонија
Променливо облачно со сончеви периоди, попладне нестабилно со пороен дожд

Времето денеска ќе биде променливо облачно со сончеви периоди. Попладне наместа ќе биде нестабилно со пороен дожд и грмежи, локално во форма на невреме. Ќе дува слаб до умерен ветер од северен правец. Минималната температура ќе биде во интервал од 5 до 12, а максималната ќе достигне од 17 до 25 степени.
Во Скопје, променливо облачно со сончеви периоди. Попладне во делови од котлината ќе биде нестабилно со пороен дожд и грмежи. Ќе дува слаб до умерен северен ветер. Минималната температура ќе се спушти до 9, а максималната ќе достигне до 25 степени.
Времето во наредните денови
Во следните денови времето ќе биде променливо облачно и посвежо со повремен локален дожд.