Уставниот суд изминатата година укинал само 11 иницијативи од вкупно 98 иницијативи кои се однесувале на оспорени закони, додека за другите оспорени закони судот или не нашол основа за поведување на постапката или биле отфрлени.

Претседателката на Уставниот суд, Елена Гошева и дел од другите членови на Судот тврдат дека немаат никакви партиски пртисоци, ниту од власта, ниту од опозицијата.На денешната презентација на годишниот извештај на Уставниот суд, претседателката Гошева вели дека бројот на интервентни одлуки е релативно мал бидејќи немало основ за уставно проблематизирање на законите. Таа не даде оценка дали тоа значи дека во Македонија се носат квалитетни закони иако во последниот период се донесоа многу Закони во Собранието без опозиција и по скратена постапка. Во 2014 година судот примил 173 ицијативи за оценување на уставноста, а 126 биле префрлени од 2013 година. Најголем број од иницијативите или 98 се однесувале на закони. Од нив 11 завршиле со укинување, кај 63 судот не нашол основ за поведување на постапка, отфрлени биле 31 иницијатива, две постапки биле запрени, а една постапка била решена по административен пат.           „Подносителите на иницијативите бара судот да се впушта во оценка на целеисходноста на законите што не е негова надлежност.  Судот според неговата надлежност не номинира законски решенија туку ја оценува нивната уставност. Бројот на иницијативите со кои се оспорени закони или подзаконски акти како обем на работа е релативен затоа што со една иницијатива може биле оспорувани и повеќе закони или подзаконски акти“ , рече Гошева. Гошева не сакаше да ги коментира разговорите коишто ги објави опозицијата во неделата, во коишто се слуша дека наводно премиерот Никола Груевски во разговор со министерот за транспорт и врски, Миле Јанакиески вели дека иницијативата на градоначалникот на општина Центар, Андреј Жерновски за спорниот Детален урбанистички план ќе биде отфрлена или како што вели Груевски „ќе падне на Уставен“.„Уставниот суд носи одлука со гласање, одлуката не ја носи ниту самиот судија, ниту претседателот на судот. Немам коментар“, рече Гошева.Уставниот суд изминатава година ги отфрли иницијативите за Законот за аборутс, како и иницијативата на новинарите за повреда на Уставот со бркањето на новинарите од Собраниската галерија на 24 декември пред две години кога се носеше Буџетот на државата.Судијката наташа Габер Дамјановска за дел од случаите објавува свои издвоени мислења за одлуки со кои не се согласува со решението што го донел Уставниот суд. Досега имала напишано повеќе од десет издвоени мислења.„Секој судија има право на свое издвоено мислење. Случајот дека еден судија има повеќе издвоени мислења во однос на другите (мислејќи на судијката Наташа Габер Дамјаносвка) е негово право и не можам да коментирам зошто другите судии не поднесувале иако сакам да кажам дека има и други судии со издвоени мислења“ појаснува Гошева.Сепак Габер Дамјановска вели дека не чувствува никакво притисок во својата работа.„Последните години мислам дека судот не е подлежен на политички притисоци па и јас. Во однос на моите издвоени мислења јас се држам до мојата заклетва дадена прд граѓаните на Република Македонија и пред Собранието дека одговорно и совесно ќе ја вршам својата функција во согласност со уставот и законите и јас ги гледам така предметите. Но онаму каде што сметам дека предметите не се сообразни со уставот и законите јас тоа го издвојувам како мислење“ вели Габер Дамјановска.И судијата Владо Стојановски исто така вели дека нема политички притисоци при одлучувањето. Иницијативите кои се разгледуваат од страна на судијата известител, потоа тие се разгледуваат на седница и секој гласа според сопствено убедување.Секоја година претседателите на Уставниот суд имаат забелешка и бараат поголем буџет за Уставниот суд. Годинава, Гошева информираше дека буџетот од 33.722.000 денари за судот е доволен и дека немаат никакви финансиски проблеми. Уставните судии се уште немаат одлучувано за иницијативата за укинување на екстерното тестирање на факултетите иако оваа одлука на Владата предизвика големи протести. Сепак Гошева вели дека не калкурираат и дека секоја иницијатива кога ќе стигне во уставниот суд се распределува во работа на судија и државен советник и тие додека не сметаат дека се исцрпени сите потребни податоци за реша вање на таа иницијатива таа не се става на седница.„Нема рокови за одлучување. Судијата проценува кога ќе бидат собрани сите информации таа да биде ставена на дневен ред. Секоја иницијатива си бара потребно време за одлучување и не може некоја иницијатива да и се дава приоритет. Некои се решаваат и за два месеци но некои и подолго“, вели Гошева./крај/ффс