Поранешниот директор на Управата за безбедност и контраразузнавање, Зоран Верушевски, кој е четвртообвинет во случајот „Пуч“, ќе се брани од слобода со мерки за претпазливост, а како гаранција приложил имот.

Притворот е укинат и за поранешниот вработен во Министерството за внатрешни работи, Ѓорѓи Лазаревски, исто така обвинет во „Пуч“.Одлуката на Кривичниот совет на Основниот суд Скопје е донесена по предлог на Специјалното јавно обвинителство, а обвинетите ќе бидат пуштени со гаранција и со мерки за претпазливост.„Советот, донесе одлука со која мерката притвор за обвинетите З.В. и Ѓ.Л. се укинува, а предлогот на Јавното обвинителство за гонење кривични дела поврзани и кои произлегуваат од незаконското следење на комуникациите, за прифаќање на предложената гаранција и  определување мерки за претпазливост на обвинетите, се уважува. Одлуката на Кривичниот совет во текот на денешниот ден ќе биде експедирана до странките во постапката и затворот Скопје“, се вели во соопштението на Основниот суд Скопје 1.Медиумите уште во понеделникот објавија информација дека Верушевски е пуштен на слобода и дека судијата Огнен Ставрев кој одлучувал во овој случај, по одлуката бил прераспределен во Одделот на прекршоци. Од судот во понеделникот вечерта испратија демант на објавената вест и во врска со судијата тврдат дека бил прераспределен со годишниот распоред. „Одлуката за прераспределба е направена со годишен распоред за работа на судиите во судот за 2016 година уште минатата недела“, соопштуваат од Судот.Специјалното јавно обвинителство кое го презеде случајот „Пуч“, на барање на одбраната, во петокот предложи првообвинетиот во овој случај,  Верушевски и обвинетиот Ѓорѓи Лазаревски да се бранат од слобода со мерки за обезбедување.Во случајот „Пуч“ четвртообвинет е и лидерот на опозицијата, Зоран Заев. Првообвинет во случајот е Зоран Верушевски, обвинети се и неговата сопруга Соња Верушевска, Ѓорѓи Лазаревски вработен во МВР и Бранко Палифров, функционер од Општина Струмица.По објавувањето на `бомбите` од страна на опозицијата, прислушувани разговори на високи функционери, тие беа обвинети за „шпионажа“ и „насилство спрема државни функционери“.По пет одложени рочиште Заев се појави за прв пат во судот на рочиштето во понеделникот, откако случајот го презеде Специјалното обвинителство, но судењето беше одложено на барање на новото обвинителство, на кое му било потребно време да ги разгледа доказите.Верушевски е осуден на три години затвор за нелегално поседување на службен пиштол, кој го добил додека бил прв човек на тајната полиција, но оваа пресуда сè уште не е правосилна./крај/ффс