Македонија
Вештачење за шарањето на фасадата на Министерството за култура го одложи судењето на Богоевски

Судењето на Павле Богоевски, активистот на Шарената револуција и кандидат за пратеник во коалицијата СДСМ Павле Богоевски за боење на фасадата на Министерството за култура повторно се одложи, бидејќи обвинителката достави вештачење за штетата, изготвено на 5 мај, два и пол месеци пред да биде поднесено обвинението.
За судијата, овој документ беше изненадување. Во него се вели дека штетата од фрлањето боја била пресметана на 378.000 денари, а минатиот пат судењето се одложи токму поради тоа што министерството немаше пријавено штета кон обвинителниот акт против Богоевски. Во обвинението стоеше само „значителна материјална штета”.
Вештачењето го поднесе обвинителката, која тврдеше дека и таа го добила дури на деветти овој месец, а Богоевски и судот, првпат дознаа дека постои на денешното рочиште, поради што и одбраната побара и доби одлагање за 21 декември.
Богоевски не даде изјава, бидејќи е кандидат за пратеник и би го постапил спротивно од одредбите од Изборниот законик. На судењето дојде и повиканиот претставник од Министерството за култура, кој требаше да даде изјава пред судот колкава била материјалната штета врз фасадата на оваа зграда која се смета за споменик на културата.
Седум учесници на демонстрациите на Шарената револуција во Скопје добија кривични пријави од полицијата поради „основан сомнеж дека учествувале во толпа што ќе изврши кривично дело“.
Кривичните пријави се за протестот на 18 април кога беше боена фасадата на Министерството за култура, за кој МВР вели дека е објект од значајно културно наследство./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.