Македонија
Заев очекува истрагата да одговори за каква потреба се фалсификуваните лични карти
Лидерот на опозициската СДСМ, Зоран Заев, очекува Министерството за внатрешни работи, обвинителството и судовите да ја истераат истрагата за наводно фалсификуваните лични карти и да дадат одговор кој, зошто и за каква потреба ги фалсификувал.
„СДСМ очекува од Министерството за внатрешни работи, Обвинителството и судот да ја истераат истрагата докрај. Не би сакал да отворам дилеми, но само ќе кажам, преку владините медиуми, власта се обидува да ги извитопери сите факти, потенцирајќи и споменуивајќи дека во еден момент укажуваат дека овие лични карти не се употребени за избори, за денеска ја обвиннуваат опозицијата за оваа работа“, рече Заев, по одложувањето на судското рочиште за случајот „Пуч“.Заев смета дека треба да се разграничи, што се тие фиктивни лични карти предадени на крајни корисници, а што фиктивни лични карти предадени преку неделникот Фокус и пријавени во МВР поради отворање истрага. „Се отвора дилема зошто требало една ипол година откако се завршени последните избори да се отвори истрага за потенцијално фиктивни лични карти. Оставам да се занимаваат со целосна истрага МВР, обвинителството и судството за да на крај се даде одговор на прашањата кој и зошто, со каква намера и за која потреба фалсификувал лични карти“, додаде Заев.Јавното обвинителство во саботата соопшти дека во акција во куќа во Скопје, откриена е тајна работилница за фалсификување, каде биле најдени машини за изработка на лични карти и други документи, хартии и фолии за печатење и пластифицирање и други материјали и дека при тоа се приведени три лица, без да соопшти кои се тие.Во неделата МВР соопшти дека во акција за сузбивање криминал со дрога, најдени се и неколку парчиња секачи за хартија, неколку преси за хартија, апарат за обработка на пластика, поголем број на пластични фолии, налепници, фолии со амблеми, фотокопии од патни исправи на повеќе непознати луѓе, лична карта од странска држава, возачка дозвола од странска држава, голем број на фотографии од непознати, голем број на фотокопии од лични документи, компјутерска опрема. Но не е јасно дали станува збор за истиот случај.Притоа приведени се двајца скопјани четириесет и едногодишниот З.Б. и триесет иедногодишниот И.Б, а по наредба на судија на претходна постапка дополнително е извршен претрес и во домот на 48-годишен скопјанец со иницијали С.А.Некои медиуми, деновиве пишуваа дека уапсените во акцијата се блиски до СДСМ, и дека соработувале со високи функционери на партијата.Аферата со личните карти ја објави неделникот Фокус, а новинарот Љубиша Арсиќ, предаде дел од материјалите во обвинителството, според кои и е покрената истрагата./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почина Панчо од ДНК

Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што се здоби со сериозни изгореници и повреди.
Болницата „Систина“ кадешто се лекуваше Панчо изрази длабоко сочувство со семејството, неговите најблиски, како и со целата македонска јавност.
Македонија
Цветановска: Стевчо Јакимовски ги уништи Карпош 3 и Карпош 4, ќе повика ли Маја Мојсова во втор круг да се гласа за него?

Кандидатката за советник во Советот на Општина Карпош од ВМРО-ДПМНЕ, Благица Цветановска, изјави дека актуелниот градоначалник Стевчо Јакимовски ги уништил Карпош 3 и Карпош 4.
„Стевчо Јакимовски ги уништи Карпош 3 и Карпош 4, нема нови зелени површини, нема нови паркинг места, нема нови содржини,“ изјави Цветановска.
Таа потсети дека „во Карпош 3, во Лептокарија, вети подземен паркинг со фонтана и шеталиште над паркингот – инвестиција која ја најавуваше како најголема и најважна во неговиот мандат. Од тоа има само едно големо ништо“.
„И во Карпош 3 и во Карпош 4 зелените површини ги уништи, а нови не направи. Стевчо Јакимовски го бетонизираше Карпош 3 и Карпош 4, а вети нов парк, детско игралиште, нов скејт-парк и центар за старт-ап фирми,“ додаде таа.
Во изјавата Цветановска ја спомена и кандидатката на СДСМ, Маја Мојсова, за која рече:
„Маја Мојсова, која од СДС е поставена како статист на овие избори, треба да служи само како мост за префрлање на гласовите на карпошани во вториот круг на контото на Стевчо Јакимовски. Истиот оној Стевчо Јакимовски кој го уништи Карпош 3 и Карпош 4.“
„Маја Мојсова игра улога која на овие избори и ја даде Венко Филипче и Зоран Заев,“ додаде Цветановска, прашувајќи „дали ќе биде послушник на мафијата и ќе повика да се гласа за Стевчо Јакимовски, а со тоа и за нова и продолжена бетонизација на Карпош.“
Македонија
Костовски: Ќе изградиме Дом на култура во Бутел

„Почитувани граѓани на општина Бутел, денеска се наоѓам во дворот на велелепниот храм Свети Јован. Доблесно е кога нешто нема да успеете да направите, да признаете, но бидете сигурни дека во потегот позади мене ќе изградиме нов модерен плоштад со културен дом“, рече Дарко Костовски, кандидат за градоначалник на општина Бутел од ВМРО-ДПМНЕ.
„На оваа тематика работевме во изминатиот период. Успеавме да ги надминеме сите имотно правни проблеми и успеавме да направиме еден убав модерен проект за којшто архитектите обезбедија и 3Д анимација којашто ќе можеме да ја погледнеме.
Плоштадот ќе се простира на 3000 метри квадратни. Домот на култура ќе се простира на 900 метри квадратни. За овој проект се потребни 100 милиони денари. Истите ќе бидат обезбедени од страна на буџетот на општина Бутел“, изјави Дарко Костовски, кандидат за градоначалник на општина Бутел од ВМРО-ДПМНЕ.