Македонија
Законот за тутун и тутунски производи на јавна расправа

Предложен е нов текст за измени на Законот за тутун и тутунски производи, според кои ќе се помести клендарот за пријавено, договоерно и откупено производство, а се предвидува и инструмент за обезбедување пари за исплата на договорените количини тутун.
По тој повод одржана е јавна расрава во Институтот за тутун во Прилеп на која покрај ттунопроизводители присуствуваа и градоначалникот на Прилеп, Марјан Ристески и министерот за земјоделство Михаил Цветков.Измените во Предлог Законот за тутун и тутунски производи произлегуваат од потребата за дорегулирање на законската рамка и од состојбата на теренот.Токму затоа се предвидуваат корекции кои ќе бидат во насока на поквалитетно договорање, производство, контрола и откуп на тутунот. По барање на Сојузот на здруженијата на тутунопроизводители, регистрираните откупувачи на тутун и научно – образовните институции од областа на тутунското производство, пристапено е кон изменување и дополнување на Законот за тутун и тутунски производи. Главните измени на законот се направени поради усогласување на барањата на тутунопроизводителите и научно-образовните институции за навремено обезбедување на семенскиот материјал (25 март во тековната година), кое повлекува поместување на календарот за пријавено, договорено и откупено производство на тутун.Исто така, подобрени се одредбите кои се однесуваат на процесот на договарање на производството и откупот помеѓу производителот и откупувачот на тутун, условите за упис во регистарот на откупувачи на тутун, инструментот за обезбедување на средства за исплата на договорените количини тутун, како и подобрување на одредбите за промет на необработен и обработен тутун.Градоначалникот Ристески истакна дека новите измени на законот се од особено значење за Прилеп и околината, особено ако се земе фактот дека голем дел од населението се занимава со обработка на оваа култура.Со измените се опфатија повеќе од 50 отсто од постојните одредби на законот, по што предложен е нов текст на Закон за тутун и тутунски производи./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Зголемен интензитет на сообраќај поради летните одмори

На 27.08.2025 од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на граничните преминиод македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија.
Во раните утрински часови, на 26.08.2025 година, при вршење на редовна царинска контрола на патничко моторно возило Mercedes со македонски регистарски таблички, со кое патувало семејство што изјавило дека се враќа од одмор во Турција и преку Грција пристигнало на влез во нашата земја, од страна на царинските службеници биле откриени 322 шишиња хемиски препарати за прскање, од кои 300 шишиња инсектицид CORAGEN 20 SC и 22 шишиња фунгицид Bellis BASF со вкупна вредност од 16.058,00 евра.
Препаратите биле сокриени на повеќе места во возилото – во багажниот простор зад куферите со лични работи, во просторот за резервна гума и на задните седишта. Возачот не поседувал соодветна дозвола за увоз, иако станува збор за стока што подлежи на посебен режим на дозволи со што безбедноста на производите не е гарантирана .
Стоката е задржана, возилото со кое била транспортирана е одземено, а против лицето ќе биде поведена кривична постапка. Случајот е предаден на Одделението за истраги при Сектор за контрола и истраги за понатамошно постапување.
Македонија
Претежно сончево и топло со температури до 36 степени

Времето денеска, претежно сончево и топло. Ќе дува слаб до умерен ветер од јужен правец. Минималната температура ќе биде во интервал од 6 до 14, а максималната ќе достигне од 27 до 36 степени.
Во Скопје, сончево со мала до умерена облачност. Ќе дува слаб ветер од јужен правец. Минималната температура ќе се спушти до 12, а максималната ќе достигне до 36 степени.
Во следните два дена ќе се задржи претежно сончево и топло време со постепен пораст на дневните температури. Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен југозападен, а во недела северен ветер, кој ќе услови опаѓање на дневните температури. Потоа следува период на стабилно и потопло време.