Македонија
Заминува еден од столбовите на економијата, ќе воведе ли Миновски свои политики?

Премиерот Емил Димитриев, во своето обраќање пред пратениците, на седницата на која треба да го констатираат досегашниот прв човек на УЈП, Кирил Миновски за нов министер за финансии, по оставката на досегашниот Зоран Ставрески, рече дека потребни силни кадри, каков што бил Миновски, заради посветеноста на Владата на подобрување на економската состојба.
„Сметам дека располага со соодветен капацитет да работи на оваа функција. Има работено на голем број различни позиции во приватниот и јавниот сектор, директно бил вклучен во проекти во областа на финансиите, подобрување на конкурентноста, банкарството итн. Исто така бил ангажиран и од Светска банка што дава квалитет на неговото портфолио. Миновски извршуваше и две исклучително значајни позиции во Државниот пазарен инспекторат и потоа во УЈП. Покажал резултати и позитивно влијаел на проекти за подобра и поефикасна функционалност на овие две институции“, рече Димитриев.Марјанчо Николов од СДСМ, за идниот министер Миновски рече дека тој има образование и искуство во финансии, но дека главниот хендикеп е што ја нема политичката тежина на Ставрески, па не е сигурен колку овој министер ќе може да се избори за своите економски политики во рамки на оваа Влада. Тој до Миновски и до премиерот Димитриев упати две барања.„Првото барање е да троши помалку за чоколадо а повеќе за леб. Граѓаните ни се гладни, тие се сиромашни, бараат подобар животен стандард. Во изминативе 10 години додека го раководите буџетот, потрошивте многу пари на чоколади, а малку за граѓаните. Им зедовте 25 милијарди евра, а им вративте околу 20 отсто од тие пари. Затоа Македонија руши рекорди во сиромаштија, по животен стадард и плати. Второто барање е да го зголемите нивото на транспарентност при трошењето на парите на граѓаните. Македонија се наоѓа на дното по транспарентноста, се наоѓаме на нивото со земји како Зимбабве, Уганда и Авганистан“, рече Николов.Побара од новиот министер и од премиерот да се откажат од економски промоции, патни трошоци и личен луксуз, а парите да ги насочат кон животниот стандард на граѓаните.Во однос на работата на досегашниот министер за финансии и вицепремиер, Зоран Ставрески, кој поднесе оставка поради здравствени причини, и двајцата имаа пофални зборови за неговата стручност.„Тој е личност кој покажа на дело како се сака Македонија. Многу примери од неговата посветена работа и резултатите го говорат тоа. Тој во 2006 година реши да ја напушти позицијата во Светска банка и да се врати во Македонија со искрена желба директно да помогне за растот на економијата и процесот на закрепнување, во трасирање на нови економски трендови, во реформите итн“, рече Димитриев за Ставрески.Николов пак, вели со оставката на Ставрески, економскиот мотор на власта предводена од ВМРО-ДПМНЕ останувал зарибан.„Губите еден од столбовите и поддржувачите на целата економска и фискалана политика и тешко дека ќе успеете да го надоместите тој губиток. Јас сакам само на Ставрески, да му посакам добро здравје“, рече Николов.Тој сепак нотираше дека јавниот долг на државата е на историско највисоко ниво, односно 45 отсто од БДП, а од 2008 година наваму задолжена е за нови 3,5 милијарди евра.Пратениците од ДПА, пак, сметаат дека сите државни буџети се потрошени на моноетнички проекти и не сметаат дека со новиот министер тоа ќе се смени, затоа што сите Буџети и ребаланси набуџети се донесени со „амин“ на владејачката албанска партија ДУИ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Трајановски не може да даде оставка оти е разрешен пред три месеци, велат од Град Скопје

Александар Трајановски не ја извршува функцијата заменик-градоначалник на град Скопје повеќе од три месеци, тврди Град Скопје. Оттука, како што велат од Градот, нејасно е од која функција си дава оставка.
Трајановски бил разрешен од функцијата поради нарушување на угледот на Град Скопје, неизвршување на своите задачи и неисполнување на својата функција како заменик-градоначалник.
„Ова лице нема вкупно 3 активни минути на својата функција. Единственото барање на ова лице за кое е свесна градската администрација е неговата желба да добие канцеларија, службено возило и службен телефон. Друга комуникација, уште помалку во смисла на активен придонес кон работата на Градот, ова лице немало во последните две години“, велат од Градот.
Во однос на обвинувањата на Трајановски за некакво влијание од ДУИ, Град Скопје вели дека се работи за лажни вести и несериозни обвинувања.
„Кадрови решенија Град Скопје немаше две години, ниту постоеше можност за вработувања поради неизгласани планови за вработување, а доколку тоа некогаш би се реализирало, би било врз основа на распишан оглас за вработување, со единствен критериум исполнување на квалификациите и избор на најдобрите кандидати според законот. Доколку на Трајановски ништо не му сметало во Град Скопје повеќе од 3 години, па сè до неговото разрешување во декември 2024 година, прашање е зошто би му сметало сега“, додаваат од Град Скопје.
Претходно се огласија и од ВМРО-ДПМНЕ, од каде што велат дека Трајановски од ГРОМ задоцнил цели 3 години во процената на личноста и неделата на градоначалничката Данела Арсовска.
Македонија
Мицкоски до Петровска: Резолуцијата во ОН ја гласавме во координација со САД, сите што во периодот ќе го посетуваат Вашингтон, ќе гласаат така

Премиерот Христијан Мицкоски денеска на седницата на Собранието посветена на пратенички прашања одговараше на прашањето на пратеничката Славјанка Петровска од СДСМ посветено на гласањето на резолуцијата за Украина во Обединетите Нации.
„Одлуката беше таква, затоа што имавме избор дали да застанеме меѓу првите во редот заедно со нашиот стратешки партнер САД или да поддржиме заеднички став на Европската Унија. Кога видовме дека во Европската Унија нема заеднички став по резолуцијата, тогаш беше логично да застанеме позади резолуцијата која што ја предложија Соединетите Американски Држави“, изјави премиерот Мицкоски и истакна „на Советот за безбедност има постојани земји членки и земји членки кои се менуваат. Прашањето е зошто тие земји членки кои што се постојани или повремени, а се дел од ЕУ, не го блокираа носењето на резолуцијата на САД?! Зошто не гласаа против?“
Премиерот Мицкоски дополни дека истите тие земји членки ќе го посетуваат наредниот период Вашингтон со цел да се постигне одржлив мир. На крајот од тој процес ќе има резолуција која ќе наликува на оваа од Америка, на која ние како држава сме коспонзори, резолуција која сите ќе ја поддржат.
Мицкоски рече дека Македонија во целосна координација со САД гласала воздржано за изменетата резолуција која претходно помина на Советот на безбедност.
„Гледам дека сите во светот денес зборуваат за мир во Украина. Ако зборуваме за мир во Украина, а не сме со двојни стандарди, тогаш ајде да работиме за мир. Како се работи на мир? Се седнува, се разговара и се преговара. Се прогласува прекин на огнот на двете страни и се седнува на маса. Тоа е начинот како да се постигне мир и се разговара се до моментот додека не се постигне мир. Со воени дејства на теренот, со жртви, со раселени, не се постигнува мир. Токму тоа е резолуцијата на САД“, кажа Мицкоски.
„Гледајте за неколку месеци што ќе се случи. Ако јас погрешам подготвен сум да се извинам, но ако излезе вака како што ви кажувам тогаш ќе треба нова прес-конференција на вашиот претседател, само овој пат да не го „избањате“, да му ги кажете реално работите и да се извините“, и порача Мицкоски на пратеничката од СДСМ, Славјанка Петровска.
Македонија
ВМРО-ДПМНЕ за оставката на Трајановски: Тој не е никаква жртва, туку уживател на придобивките што Арсовска му ги овозможи заедно со пајташите од Левицата и ДУИ

Според ВМРО-ДПМНЕ, Александар Трајановски од ГРОМ задоцни цели 3 години во процената на личноста и неделата на градоначалничката Данела Арсовска.
Неговата оставка од местото заменик-градоначалник, како што истакнуваат од владејачката партија, не е последица на неговиот револт од пајташите на Арсовска, туку веројатно причина се нереализирани бизнис-интереси во морето интереси заокружени околу Данела Арсовска.
„Да потсетиме дека Трајановски беше во улога дрвен адвокат и бранител на Арсовска до последниот момент, поточно до последната седница на Советот, каде што убедуваше дека кутрата Арсовска е жртва, а не агресор и уништувач на градот Скопје.
Ќе потсетиме на неговите жолчни и параночни навреди и клевети кон советниците на ВМРО ДПМНЕ и коалицијата, квалификации и клевети и кон лидерот на ВМРО-ДПМНЕ, Христијан Мицкоски, и тоа токму за работите за кои предупредувавме, а кои сега тој на говорница ги наведува како причина за неговиот раскин на соработка со Арсовска. Кога ВМРО-ДПМНЕ предупредуваше за хаосот што го приредуваше Арсовска, за нејзината неработа, но и тесни врски со ДУИ и Левицата, тогаш Трајановски ѝ аплаудира на Данела.
Трајановски не е никаква жртва, туку тригодишен уживач на сите придобивки што Арсовска му ги овозможи заедно со пајташите од Левицата и ДУИ. Народот вели таквите како Трајановски го напуштаат бродот што тоне, но Александар задоцни цели три години. Сега тоа не е исправање неправда, туку тоа се вика лицемиерство“, оценуваат во ВМРО-ДПМНЕ.