Забава
(Видео) Снуп Дог откри дека сепак не се откажува од марихуаната
Откога Снуп Дог минатата недела рече дека ќе се откаже од цигарите, фановите беа поделени и вџашени бидејќи мислеа дека раперот можеби решил да не користи марихуана.
Меѓутоа, во право беа оние што се сомневаа дека се работи за маркетинг бидејќи неколку дена подоцна Снуп Дог на својот профил на „Тик-ток“ објави оглас за модел на таканаречен камин без дим.
„Знам што мислите. Поентата е чадот. Но, завршив со тоа“, рече тој во видеото кога стана јасно дека мислел да го тргне чадот, а не цигарите.
@snoopdogg I’m done with smoke. I’m going smokeless with @Solo Stove. #ad ♬ original sound – Snoop Dogg
„Завршив со кашлицата и мирисот на облеката. Нема чад“, додаде Снуп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мадона позираше гола додека јаде, наиде на критики
Новите фотографии на поп-ѕвездата Мадона, на кои позира без градник додека јаде, го привлекоа вниманието на бројни корисници на социјалните мрежи кои нејзиното однесување го нарекоа одвратно, а многумина сметаат дека тоа е непримерно.
„Не знам како може да се нарече уметник. Ова е срамота“, „Страшно. Зошто моравме да го видиме ова?“, „Мислам дека е дојден моментот конечно да си признае дека е време да се повлече од јавниот живот“, се само дел од коментарите напишани неодамна под нејзините фотографии на „Инстаграм“.
Во интервју за „Гардијан“, пејачката објасни зошто не гледа никаков проблем со голотијата.
„Мислам дека порнографијата е збор кој имплицира некаква злоупотреба или објективизација. Патем, не мислам дека ‘Плејбој’ е порнографија. Не гледам ништо порнографско на фотографиите на голи жени”, рекла таа меѓу другото.
Инаку, таа неодамна започна врска со 37 години помладиот Аким Морис. Летово во Италија го прославија нејзиниот 66-ти роденден.
Иако нивната врска неодамна стана јавна, Мадона и Аким се познаваат веќе некое време. И двајцата учествуваа во снимањето за магазинот „Пејпер“ во 2022 година. Заедно го прославија и Денот на американската независност, напиша „Дејли Меил“.
Забава
Нутриционистите: Ако сакате да изгубите тежина на здрав начин, јадете три немасни протеини
Здравиот оброк не е комплетен без доза на протеини. Ова е особено важно кога станува збор за појадокот, а уште поважно ако се обидуваме да изгубиме неколку килограми. Обезбедувањето доволно протеини во утринскиот оброк е клучно за одржување на енергијата во текот на денот и му помага на телото да согорува масти со стабилно темпо.
Посните протеини – оние со малку заситени масти и калории – се особено корисни за луѓето кои сакаат да изгубат тежина. За среќа, постојат многу одлични опции кои лесно можат да се вградат во нашиот секојдневен појадок. Нутриционистите Триста Бест и Кетрин Гервасио открија неколку.
1. Урда
Овој често занемарен појадок може да направи чуда за нашето здравје, особено ако се обидуваме да изгубиме тежина.
„Околу 110 до 120 грама може да обезбеди околу 13 грама протеини“, вели Бест за SheFinds. Покрај тоа, оваа вкусна и разноврсна храна е „релативно нискокалорична“, со само околу 80 калории по порција.
Дополнително, Бест истакнува дека урдата обезбедува здрава доза на калциум, фосфор, селен и витамин Б12.
„Овие хранливи материи играат важна улога во здравјето на коските, функцијата на имунолошкиот систем и општото здравје“, додаде таа.
2. Јогурт
Јогуртот не само што е совршена основа за хранливи јаткасти плодови и бобинки, туку е и одличен извор на протеини и пробиотици кои го поддржуваат здравјето на цревата.
„Јогуртот е веројатно еден од најпопуларните избори за појадок за оние кои сакаат да изгубат тежина поради неговата содржина на протеини и пробиотици“, вели Жервасио.
Оваа храна богата со протеини е одлична за здравјето на цревата бидејќи „содржи милиони добри бактерии кои го подобруваат варењето преку балансирање на микрофлората во цревата“, додава Жервасио. Овие пробиотици, вели таа, „познато е дека помагаат во ослободувањето на хормоните пептид YY (PYY) и пептид 1 сличен на глукагон (GLP-1)“, за кои е познато дека го потиснуваат апетитот. Зголемувањето на ослободувањето на овие хормони може да согорува повеќе калории и масти.
3. Белки од јајца
Ако навистина сакаме да ги подобриме придобивките од губење на тежината, Бест препорачува да се одлучиме за белки од јајца кои можат да го одржат нашиот појадок нискокалоричен, а сепак да содржи добра количина на протеини.
„Белките можат да бидат одличен начин за намалување на маснотиите во традиционалниот оброк од јајца, додека одржувате чист извор на протеини“, вели таа.
„Ова овозможува намалување на калориите од 71 на 18, со губење на само два грама протеини“, заклучил Бест.
Забава
Се појави старо видео во кое Викторија Бекам ја навредува Наоми Кембел: „Таа е крава“
Славните ривалства се вообичаен феномен, но помалку е познато дека познатата манекенка Наоми Кембел и Викторија Бекам не можат да се поднесат.
Кога Викторија одржала модна ревија во 2013 година, Наоми јавно ја прозва бидејќи на ревијата се појавила само една манекенка со темна кожа, а потоа, освен Викторија, прозвала и други брендови, како Александар МекКвин и Мулбери.
@hmblvd #naomicampbell #90sfashion #victoriabeckham #celebritygossip #feud #adrianalima #fashion #90sfashion #funny #iconi #iconicmoments #britishhumour #supermodel #tyrabanks #celebrityinterview ♬ original sound – hmblvd
Сепак, ниту Викторија немаше убави зборови за манекенката, а сега низ социјалните мрежи се прошири видео од 90-тите кога пејачката беше на врвот на славата со групата „Спајс Грлс“. Во видеото Викторија вели дека Наоми е „тотална кучка“ и изјавува: „Јас сум единствената што го признава тоа, таа е безобразна крава“.
Инаку, се зборува дека не можат да се поднесат поради инцидент кој се случил по модна ревија во Милано, кога се запознале. Наводно Наоми ја прашала Викторија: „За што навистина те нарекуваат Пош?“, мислејќи на нејзиниот прекар во групата, што значи Викторија наводно и одговорила: „А зошто за тебе велат дека си убава?“ И така започнала меѓусебната омраза.