Забава
Жената што беше видена со Пери ден пред неговата смрт: „Тој беше среќен“

25-годишната манекенка и поранешна мис на Калифорнија, Атина Крозби, тврди дека таа е мистериозната жена што ручала со Метју Пери еден ден пред неговата смрт. Нивната фотографија ја објави ТМЗ.
„Не сакав да зборувам јавно, но сакам да кажам дека ја имав честа лично да го познавам Метју. Потресена сум од неговата смрт, но почувствував дека е лошо да се зборува за тоа јавно бидејќи фокусот не треба да биде на мене, но на него и неговото наследство. Тој е исклучителна личност и секогаш го почитував тоа во нашето пријателство. Но, навистина, бевме пријатели и јас бев една од последните што разговарав со него и го видов пред тој да почине“, напиша таа на „Инстаграм“.
„Сакам да нагласам дека Метју беше во исклучително добро расположение и со ентузијазам ми зборуваше за работите што му се случуваат во животот. Беше многу среќен и позитивен. Ве молиме, воздржете се од какви било шпекулации за неговата смрт. Ве молиме, знајте дека овој човек беше на враќање и дека навистина заслужил повеќе време на оваа Земја. Нашата индустрија изгуби легенда“, додаде Атина.
За потсетување, ТМЗ објави фотографии од Пери со Атина, кои се направени ден пред неговата смрт. Гостите што во тој момент биле во истиот ресторан за медиумите изјавиле дека дуото седело повеќе од еден и пол час, а потоа заедно си заминале. Тие додадоа дека Пери главно ја игнорирала храната, а таа била занесена во разговорот.
Метју Пери почина минатиот викенд на 54-годишна возраст. Тој беше пронајден мртов во својот дом.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Хајди Клум ги прекрши правилата на Канскиот филмски фестивал

Хајди Клум е навикната да привлекува внимание каде и да оди во текот на нејзината кариера како модел и телевизиска личност.
Клум (51) присуствуваше на годишниот Филмски фестивал во Кан, а нејзиниот избор на облека дефинитивно беше впечатлив. Таа носеше розов фустан со долг дел кој се влечеше по земјата.
За жал, дизајнот на фустанот го прекршува правилникот за облекување на престижниот фестивал, барем според официјалната веб-страница на Кан.
„Тоалети со волумен, особено оние со долг шлеп, кои го попречуваат движењето на гостите и го отежнуваат седењето во театарот, не се дозволени“, стои на сајтот.
Секако, голотијата исто така е забранета во Кан, но Клум не го прекршила тој дел од правилата. Сепак, нејзината облека очигледно ги надминува дозволените граници наведени погоре.
Забава
„Ме замолија да се откопчам и да го соблечам фустанот“ – славната актерка откри непријатен момент од аудиција за улога во филм за Бонд

Актерката Розамунд Пајк се присети на аудицијата за улогата во „Die Another Day“, филм за Џејмс Бонд во кој глумеше Пирс Броснан, и раскажа како доживеала непријатна ситуација.
Како што изјави за „Харперс Базар“, на аудицијата од неа побарале да остане во долна облека.
„На аудицијата за Бонд ме замолија да се откопчам и да го соблечам фустанот што го носев, и да стојам таму во долна облека. И си помислив: ‘Па, не, тоа ќе го направам ако ја добијам улогата. Сега нема да го сторам тоа.‘ Не знам што ми беше тогаш“, раскажа таа.
Иако одбила да направи што ѝ било побарано на аудицијата, Пајк ја добила улогата во хит-филмот.
Претходно, Розамунд, во подкастот „David Tennant Does a Podcast with…“, зборуваше и за еден непријатен момент за време на снимањето на интимна сцена со Броснан.
„Се гушкавме, па се одвоивме и погледнав во лепенките за телото и оние за брадавици, а тие беа покриени со влакна. И си помислив: ‘О Боже, јас ги депилирам градите на Пирс.‘ Бев многу засрамена. Си реков: ‘Толку е храбар, јас му ги кубам влакната од градите со секое гушкање.‘ И секако, требаше неколку обиди за да сфатам дека тоа не бил тој. Тоа беше вештачкото крзно од теписите. Навистина мислев дека ги депилирам неговите гради“, раскажа таа.
Забава
Ретко покажуваат кога им е тешко: три хороскопски знаци кои држат во себе

Додека некои веднаш кажуваат кога нешто им тежи или пречи, има хороскопски знаци кои сè доживуваат длабоко, но тивко. Не сакаат да се отвораат, не бараат помош и не сакаат да покажуваат слабост. Наместо да плачат или да се жалат, тие чуваат сè внатре, надевајќи се дека непријатните чувства едноставно ќе поминат.
Ова се трите знаци кои најчесто ги носат своите грижи сами, за никој да не забележи колку навистина им е тешко.
Јарец
Јарецот е симбол на сила, контрола и одговорност. Кога му е тешко, нема да го покажува тоа бидејќи мисли дека мора да остане цврст и да не ги оптоварува другите со своите проблеми. Неговата болка често е тивка и се крие зад зафатеност, работа и реченици од типот „се е во ред“. Јарците веруваат дека емоциите треба да се решаваат сами, во тишина, па дури и ако можат да користат поддршка.
Девица
Девиците анализираат сè, вклучително и сопствените емоции, но ретко зборуваат за нив. Наместо да се жалат, тие се обидуваат да си објаснат зошто се чувствуваат така и каде згрешиле. Често делуваат мирно и присебно, додека внатре се борат со анксиозност и несигурност. Девицата ќе ви помогне во се, но ќе и биде тешко да признае дека и треба помош.
Шкорпија
Иако се познати по своите интензивни емоции, Шкорпиите ретко ги откриваат своите слабости. Нивната болка е длабока. Тие не сакаат да ги гледаат како ранливи и претпочитаат да држат сè под контрола. Кога тие страдаат, обично нема да знаете освен ако не ги знаете многу добро. Тие ќе се повлечат, ќе молчат и ќе размислуваат, но ретко ќе ги отворат своите срца ако не сте ја стекнале нивната целосна доверба.