РЕ-Балканкан
Објавена фотографија од синот на Тито; по завршувањето на кариерата, ретко се појавува во јавноста

Внуката на Јосип Броз Тито објави фотографија со родителите. Татко ѝ, Александар Мишо Броз, најмладиот син на Тито, веќе има 82 години.
Александар Мишо Броз, синот на Јосип Броз Тито, по завршувањето на дипломатската кариера, ретко се појавува во јавноста. Неговата ќерка Саша Броз, внуката на Тито, неодамна објави фотографија на која ѝ се придружија 82-годишниот татко Мишо и 81-годишната мајка Мира.
Под фотографијата од ресторанот напишала „двајцата се сè“ и додала дека се гордее на своето семејство и благодарна е за тоа.
View this post on Instagram
Саша Броз (54), театарски режисер, пред извесно време за хрватскиот магазин „Глорија“ изјави дека нејзините родители имале најголемо влијание врз тоа како таа се обликувала како личност.
„Човек мора да знае како да се води низ годините, но семејството е секогаш тука за да ви го чува грбот“, рече Саша.
Александар Мишо Броз е роден од бракот на Тито со неговата втора сопруга, Херта Хас. Како и татко му, и тој се впуштил во политиката, но и во економијата. Во 80-тите и 90-тите бил на највисока позиција во енергетската компанија ИНА.
View this post on Instagram
По осамостојувањето на Хрватска, на препорака на тогашниот претседател Фрањо Туѓман, станал прв советник на хрватскиот министер за надворешни работи. Потоа работел како советник министер во хрватската амбасада во Русија и во Египет и како хрватски амбасадор во Индонезија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
(Видео) Почина основачот на групата „Нови фосили“

Маринко Колнаго, еден од основачите и долгогодишен член на групата Нови фосили, почина на 83-годишна возраст по кратко и тешко боледување. Веста е објавена на нивната официјална страница на Фејсбук.
Маринко Колнаго, басист и еден од основачите на легендарната екс ју група, е единствениот член кој свирел во овој култен поп бенд од самиот почеток, уште во 1969 година, а чии песни живеат и денес.
„Драги пријатели, со голема тага соопштуваме дека нашиот добар дух Фосил, нашиот драг Маринко, не напушти. Неизмерно ќе ни недостига. Маринко, засекогаш си во нашите срца“, се вели во објавата.
Лани групата имаше концерт во Скопје.
Забава
Северина по концертот на „Бјело Дугме“: „Запеј Југославијо моја“

Хрватската пејачка Северина присуствуваше на концертот на Бијело Дугме во Загреб, а по тој повод се осврна и на состојбите во регионот, но и на она што Бијело Дугме значеше за Југославија – „земјата чие име не се споменува“.
Северина на социјалните мрежи се пофали со снимки од концертот на Бијело Дугме на кој присуствуваше со Алка Вуица, а додека позира со Бреговиќ и Ален Исламовиќ, покажа и како пее во дует со Арената во Загреб.
„Во поранешна Југославија, земја чие име не се споменува (сега се нарекува „регион“), имаше многу, но само еден бенд беше Бијело дугме. Почетокот и крајот на ерата што веруваше во рокенролот, на југот и во сето најдобро што доаѓа со него. Таа рамка и тоа време, што и да беа, ги произведоа најдобрите музичари, а на престолот Бјело дугме“, рече Северина.
View this post on Instagram
Таа потоа откри дека нејзината прва плоча што ја купила, со нејзината најдобра пријателка, била „Приспивна за Радмила М“.
РЕ-Балканкан
Се роди бебе во такси во Црна Гора

Бебе во Никшиќ, Црна Гора, се роди во такси. Мајката почувствувала болка и тргнала на породување, но не дочекала да стигне до болницата, јавуваат црногорските медиуми.
Мајката и бебето по невообичаеното породување веднаш биле згрижени во болницата во Никшиќ.
„И мајката и бебето пристигнаа во болница со такси. Веднаш по приемот беше пресечена папочната врвца и беа завршени сите други постпородилни процедури. Бебето е одлично, тешко 2.330 грама при раѓањето“, потврдија во болницата во Никшиќ.
Храбрата мајка од Никшиќ, која на необичен начин го донесе на свет своето бебе, има 27 години.
Сличен случај имаше и во Македонија пред четири години, кога велешанка се породи во такси пред да влезе во болницата.
Според тогашните натписи во медиумите, кога стигнале пред болницата, таксистот ја отворил вратата од автомобилот и повикал помош од медицинските сестри. Папочната врвка беше пресечена во возилото.