Македонија
(Видео) ,,Алфите” кои ме апсеа го направија Мијалков библиско суштество, рече Бошкоски пред судот
Во кривичниот суд во Скопје продолжи судењето за предметот ,,Тортура” на специјалното јавно обвинителство. На денешното рочиште сведочи оштетениот Љубе Бошкоски. Тој сведочеше дека на 6 јуни 2011 година го повикал човек кого го сметал за пријател во ресторанот ,,Воденица”, заштитен сведок во случајот ,,Кампања”.
,,Со мене имав кесичка со пари кои никогаш не ги броев и не ги гледав иако беа изложени пред мене. Само што тргнав кон автомобилот, некој извика Стој! Полиција. Јас во шок ја фрлив кесичката со пари и застанав во место”, сведочеше Бошкоски. Тој рече дека тогаш дотрчале полицајци со и без фантомки, го однеле до автомобилот и му ги рашириле рацете.
,,Почнаа да ме претресуваат. Се собра поголема група полицајци. Почнаа потоа да викаат: Легнете го на земја ѓубрето! Пичка му материна! Легнете ги и двајцата, ѓубриња предавнички”, рече Бошкоски. Тиј додаде дека во, како што рече, политичкиот реваншизам и омраза не се штеделе вулгарни зборови и пцости.
,,Ме газеа со колена. Еден од нив ме легна, ми ја сврте главата и ми впери пиштол во образот и ми рече: Ова ти е поздрав од шефот. Лај сега ѓубре едно!” сведочеше лидерот на Обединети за Македонија. На тоа, Љубе рекол дека знае оти операцијата е по нарачка на Сашо Мијалков, ексдиректорот на УБК. На тоа еден од ‘алфите’ му кажал никогаш да не го споменува името Сашо и да го вика само „шефот”.
,,Сашо Мијалков беше дигнат на ранг на библиско суштество”, рече Бошкоски во сведочењето.
Тој додаде дека го залепиле до полски тоалет и викале ,,Залепи го ѓубрето. Тука му е местото”. Бошкоски сведочеше дека и во автомобилот кон полициската станица продолжиле да му говорат дека операцијата му е поздрав од шефот и дека го враќале назад на местото каде што го уапсиле за да го снимаат со камери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кривична против поранешен директор, заменик директор и вработени во Агенцијата за храна и ветеринарство за „проневера во службата“
СВР Скопје до ОЈО Скопје поднесе кривична пријава против З.А., поранешен директор на Агенцијата за храна и ветеринарство поради сомнение за сторено кривично дело „проневера во службата“ по член 354 став 1 од КЗ, Ф.М., поранешен заменик директор во агенцијата поради сомнение за сторено кривично дело „проневера во службата“ по член 354 во врска со член 24 од КЗ „помагање“ и против Л.У., А.Р., Е.Т., А.Б. и А.Б., вработени во Агенцијата за храна и ветеринарство поради сомнение за сторено кривично дело „проневера во службата“ по член 354 во врска со член 24 од КЗ „помагање“.
З.А. во својство на директор на Агенцијата за храна и ветеринарство, во периодот од 2017 до 2020 година, во повеќе наврати, со намера противправно да прибави за себе парични средства кои му биле доверени во службата, за службени патувања во странство на кои истиот присуствувал, примал дневници во висина од 50%, иако согласно Уредба за изменување на Уредбата за издатоците на службени патувања и службени патувања во странство требало да прима само 20%, бидејќи трошоците за сместување и исхрана не паѓале на товар на институцијата.
Ф.М. во својство на заменик директор на Агенцијата за храна и ветеринарство со потпишување на решенијата за одобрување на службени патувања во странство му помогнал на З.А. противправно да ги присвои парите, а Л.А., А.Р. и Е.Т. во повеќе наврати, спротивно на наведената Уредба, изготвиле решенија за одобрување на службено патување во странство на име на З.А., врз основа на кои решенија А.Б. и А.Б. одобриле исплаќање на паричните средства врз основа на претходно изготвените решенија, иако знаеле и биле свесни дека решенијата не се донесени согласно уредбата, постапиле по решенијата и му ги исплатиле парите, со што му помогнале на З.А. да се стекне со противправна имотна корист во вкупен износ од 62.530 денари, а на штета на буџетот на Агенцијата за храна и ветеринарство.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.

