Во последните години сведоци сме дека секоја јавна расправа за рударството, а особено за проектот „Иловица – Штука“, сè почесто се претвора во натпревар кој погласно ќе зборува, наместо кој ќе понуди повеќе факти. Веруваме дека е време оваа дебата да се врати таму каде што припаѓа – кај науката, експертите и институциите.

Кога се носат одлуки што ќе имаат влијание врз животната средина, здравјето на луѓето, економијата и иднината на државата, најважен треба да биде мирниот глас на науката, а не најгласните пораки на луѓе кои без соодветна стручност се претставуваат како експерти за рударство, геологија, хидрологија, економија, право и сè друго.

Ја изразуваме нашата поддршка за универзитетските професори и експерти кои во изминатиот период јавно ги презентираа своите стручни ставови за современите рударски технологии и проектот „Иловица – Штука“, а поради тоа беа изложени на лични напади и дискредитации. Во едно демократско општество, научната аргументација треба да се поттикнува, а не да се замолчува преку притисоци и јавен линч.

Во современите демократии, ваквите одлуки не се носат преку Фејсбук-објави, политички пароли или јавни притисоци. Тие се носат врз основа на научни анализи, експертски мислења, законски процедури и независни институции.

Денес постои огромна разлика помеѓу рударството од пред неколку децении и современото рударство. Науката и технологијата направија огромен исчекор. Современите технологии овозможуваат експлоатација со значително повисоко ниво на контрола, управување со ризиците и заштита на животната средина отколку што било возможно во минатото. Токму затоа секој проект треба да се оценува според конкретната технологија што е предвидена, а не според претстави и искуства од друго време или од сосема различни проекти.

Во случајот со „Иловица – Штука“, надлежните институции имаат обврска внимателно да ги разгледаат сите стручни анализи, идната Студија за оцена на влијанието врз животната средина, мислењата на научната јавност и сите законски критериуми. Ако проектот не ги исполнува пропишаните услови, не треба да добие дозвола. Но, ако ги исполнува највисоките законски, технички и еколошки стандарди, тогаш одлуката мора да биде донесена врз основа на факти, а не под притисок на најгласните.
Истовремено, не смееме да ја занемариме ниту економската страна на ова прашање. Македонија има потреба од нови продуктивни инвестиции, нови работни места и поголем извоз. Проекти како „Иловица – Штука“ имаат потенцијал да донесат стотици директни и илјадници индиректни работни места, значителни приходи за државниот буџет и општините, нови можности за домашните компании и силен поттик за развојот на југоисточниот регион. Во услови кога земјата се соочува со иселување на младите, недостаток на инвестиции и потреба од повисок економски раст, секоја развојна можност заслужува професионална и објективна оценка.

Затоа ги повикуваме Владата, надлежните министерства и сите институции да продолжат да ги носат своите одлуки врз основа на науката, стручноста и законите. Само така ќе обезбедиме и максимална заштита на животната средина и здравјето на граѓаните, но и можност Македонија да го искористи својот природен потенцијал за повисок животен стандард, економски развој и подобра иднина за младите генерации.

Државата има обврска да ги слуша експертите. Гласот на науката можеби е потивок од вревата на дневните расправи, но токму тој е најсигурниот патоказ кога се одлучува за иднината на Македонија.

(ПР текст)

Со цел да ја поттикне превентивната здравствена грижа и да ги направи здравствените услуги подостапни за граѓаните, Клиника Жан Митрев овозможува специјални попусти на повеќе превентивни, дијагностички и специјалистички прегледи што ќе трае до 31 август 2026 година.

Превентивните здравствени контроли се еден од најважните чекори за навремено откривање на состојби кои честопати се развиваат без изразени симптоми. Редовните прегледи овозможуваат рана дијагноза, поуспешно лекување и подобар квалитет на живот, а летниот период е добра можност граѓаните да одвојат време за своето здравје.

Промотивната понуда опфаќа голем број услуги од различни медицински области. Меѓу нив се кардиолошки прегледи, кои се особено препорачливи во летните месеци кога високите температури дополнително го оптоваруваат кардиоваскуларниот систем, особено кај лицата со хронични заболувања или фактори на ризик. Дел од понудата се и дерматолошки прегледи, кои во овој период се особено важни поради зголемената изложеност на сонце и потребата од навремена проценка на промените на кожата. Достапни се и промотивни пакети за магнетна резонанца, мамографски прегледи, лабораториски анализи, офталмолошки прегледи, како и прегледи од областа на нефрологијата, овозможувајќи сеопфатен пристап кон превенцијата и навременото следење на здравствената состојба.

„Грижата за здравјето не треба да започне кога ќе се појави проблем. Најголемата вредност на превентивните прегледи е што овозможуваат навремена реакција и поголема сигурност за пациентите. Летото е одличен период за реализирање на редовните здравствени контроли, бидејќи многумина располагаат со повеќе слободно време и можат без брзање да ги направат потребните прегледи“, велат од Клиника Жан Митрев.

Попустите важат до 31 август 2026 година, а термините може да се закажат преку контакт-центарот или онлајн. Детални информации за сите услуги опфатени со промотивната понуда се достапни на https: //zmc.mk/letna-promocija-2026/.

(ПР)

Со континуиран раст на продажбата на домашниот пазар и натамошно зајакнување на својата позиција во Македонија, „Реплек АД Скопје“ во првите шест месеци од 2026 година оствари вкупни приходи од продажба во сегментот фармација од 13,9 милиони евра. Приходите остварени на домашниот пазар бележат раст од 24% во однос на истиот период минатата година, со реализирани продажби од 4,8 милиони евра, што претставува најсилен двигател на резултатите во првата половина од оваа година.

Од вкупните приходи остварени од продажба во првото полугодие од 2026 година, 9,1 милиони евра се реализирани на извозните пазари, додека учеството на домашниот пазар се зголеми на 35%, што ја потврдува растечката улога на домашниот сегмент во структурата на приходите на компанијата.

„Континуираниот раст на домашниот пазар е јасна потврда дека нашата стратегија за развој на портфолиото, инвестициите во нови производи и посветеноста кон пациентите и партнерите во земјава даваат конкретни резултати. Особено нè охрабрува фактот што растот на домашниот пазар се интензивираше во текот на вториот квартал, а ваквиот тренд продолжува, што претставува силна основа за понатамошен развој на компанијата. Истовремено, остануваме целосно посветени на нашата меѓународна стратегија и на понатамошното зајакнување на присуството на странските пазари“, изјави Душан Пецовски, генерален директор на „Реплек“.

Растот на домашниот пазар е резултат на зајакнатата пазарна позиција на компанијата, позитивниот прием на новите производи лансирани во текот на минатата година и континуираниот раст на клучните производни линии. Овие резултати ја потврдуваат довербата што пациентите, здравствените работници и деловните партнери ја имаат во производите на „Реплек“, како и успешната реализација на комерцијалната стратегија на домашниот пазар.

Во првото полугодие, продажбите на извозните пазари се одвиваа со изменета динамика, пред сè поради промени во временските рамки кај дел од партнерските канали, што доведе до поместување на дел од планираните испораки. Побарувачката на клучните пазари останува стабилна, нарачките се исполнуваат, а компанијата продолжува со реализација на договорените активности согласно приспособената динамика на испораки.

Во услови на променета глобална деловна средина, „Реплек“ останува фокусиран на флексибилно управување со извозните активности и натамошно јакнење на својата меѓународна позиција. Во прилог на тоа, компанијата во текот на првото полугодие го реализираше и првиот извоз на пазарот на Велика Британија, што претставува значајна стратешка пресвртница и потврда за способноста на „Реплек“ успешно да настапува на високо регулирани фармацевтски пазари.

И во наредниот период „Реплек“ ќе продолжи со реализација на својата долгорочна стратегија за раст, преку развој на нови производи, проширување на присуството на меѓународните пазари, нови регулаторни регистрации и инвестиции во модернизација на производството. Во тек е изградбата на новиот производствен погон за полуцврсти и течни фармацевтски форми, како една од најзначајните инвестиции на компанијата периодов, со која дополнително ќе се зајакнат производствените капацитети и конкурентноста на домашниот и на странските пазари.

Компанијата останува посветена на создавање одржлив раст, континуирано подобрување на оперативната ефикасност и создавање долгорочна вредност за своите акционери, партнери и пациенти.

ПР