Соопштенија
ВМРО-ДПМНЕ: Граѓаните се во ценовен шок, платите не стигаат ниту за основните продукти
 
																								
												
												
											Исто како и со недостигот на капитални инвестиции, исто како и со неработата на градоначалниците на СДСМ во општините, исто како задоцнетата набавка на вакцините и неколкуте економски пакет-мерки што ништо не продуцираа на реалниот сектор ниту, пак, спасија работни места, сега Владата е во нов неуспех, глуми дека се разбира од економија, па реши да ги замрзне веќе поскапените производи, реагираат од опозициската ВМРО-ДПМНЕ.
„Лесно е да се водат економски политики на хартија од владините фотелји, тешко му е на народот да го купи она што му е потребно со празни џебови. Потрошувачката моќ на граѓаните е сѐ послаба затоа што платите не се доволни за живот, ниту две минимални плати не стигнуваат за нужни трошења. Повеќе од 3.000 денари е потрошувачката кошница за разлика од пред две години. Ако на сето тоа го ставиме секојдневното зголемување на горивата, цената на електричната енергија, која веќе неколкупати е зголемена, а најавите се дека ќе биде зголемена и повеќе од 20 %, реалноста е дека сме во тешка и невидена економска криза“, посочуваат од партијата на Мицкоски.
Додаваат дека граѓаните се веќе во ценовен шок, а Бектеши, според нив, треба да ја напушти владината фотелја и да проба да преживее еден месец со потпросечната плата што ја земаат осиромашените граѓани.
„Јавноста компарира цени на производи од земјите во ЕУ во споредба со цените тука, нелогично е на основните производи цените во Македонија да се повисоки од цените во некои земји на Е,У чии просечни плати се 2.000 евра. Не може млекото и лебот и другите производи да се поевтини во Германија отколку кај нас. Оваа Влада не успеа да донесе подобар живот за граѓаните, а со нејзините погубни економски мерки и одлуки не само што не им дадоа помош туку и им одмогнаа на граѓаните и на стопанството“, се вели во писменото соопштение.
Потребна е навремена правилна економска интервенција, која ќе го ублажи ценовниот шок, истакнуваат од ВМРО-ДПМНЕ.
Неспособноста на Владата, како што додаваат, погубните задоцнети мерки и прекумерната сиромаштија ќе бидат минато, на граѓаните им е потребна нова иднина, потребни се предвремени парламентарни избори за излез од мизеријата во која нѐ потонаа Заев и оваа Влада, е напишано во дописот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Соопштенија
ВМРО-ДПМНЕ: Левичарите од „Али експрес“ си измислуваат приказни во кои само тие си веруваат
 
														Левичарите од „Али експрес“, како Димче Апасиев и Амар Мециновиќ, па дури и целото раководство од президиумот, си измислуваат лажни приказни во кои само тие си веруваат и мислат дека и народот ќе им верува, велат од ВМРО-ДПМНЕ.
„Откако јавноста виде со какви луѓе располага Левицата, од типот на Амар Мециновиќ, човек што лаже дека е дипломиран, а има 7 предмети положено на факултетот на кој е запишан, човек што не знае колку јавни претпријатија има градот Скопје, човек што не знае колку средни училишта има во градот Скопје, човек што не си ги знае булеварите во градот ниту, пак, проектите што му се во програмата, посегна по глумење жртва и ширење лажни вести во медиумскиот простор.
Токму тие лажни вести, кои се обидуваат да ги шират во јавноста, в недела на 2 ноември ќе ги разбудат од овој нивен сон што го сонуваат. Реалноста е сосема поинаква од она што тие го живеат.
Затоа граѓаните својот глас ќе го дадат за вистинскиот избор, а тоа е Орце Ѓорѓиевски и ВМРО-ДПМНЕ! Заокружете го бројот 9“.
Соопштенија
Герасимовски: Го санираме покривот на фискултурната сала на училиштето „Песталоци“, создаваме подобри услови за учениците
 
														Градоначалникот на Општина Центар Горан Герасимовски, изврши увид во санацијата на покривот на фискултурната сала на ООУ „Јохан Хајнрих Песталоци“. Со овој зафат, како што најави, се решава долгогодишниот проблем со протекување на покривот, поради што во објектот имаше оштетувања и влага.
„Санацијата опфаќа површина од 405 квадратни метри. Поставена е висококвалитетна изолација , камена минерална волна, која е одличен термоизолатор и обезбедува високо ниво на заштита од пожар. Врз неа е поставен пластифициран ребрест лим, материјал со висока издржливост и отпорност, кој овозможува долговечна и енергетски ефикасна санација на покривот,“ рече Герасимовски.
Покривот врз спортската сала повеќе од една деценија не беше саниран, велат од општината.
„Со оваа интервенција Општина Центар обезбедува подобри услови за учениците и наставниците, но и долгорочна заштита на објектот,“ додаде Герасимовски.
Соопштенија
„Влен“: Секој обид да се поврзе кандидатот што го поддржуваме со каков било вид вештачка тензија е неточен
 
														Обидите да се создаде ситуација во Струга, каде што навистина нема и не може да има, се разочарувачки и се поврзуваат со коалицијата која со право го носи името на агонизирачкото трио Ахмети, Таравари и Села, велат од коалицијата ВЛЕН.
„Секој обид да се поврзе коалицијата ВЛЕН или кандидатот што го поддржуваме, Менди Ќира, со каков било вид вештачка тензија е неточен и надвор од секоја политичка логика. Зошто коалицијата или кандидатот кој е фаворит за победа на изборите на 2 ноември би создавале тензии? Политичката логика е едноставна, оној што е во очај се обидува да создаде непостоечки ситуации за да се претстави како жртва во очите на гласачите, стратегија што оди во прилог на кандидатот на Зијадин Села и ЛЕВИЦА, Арсим Далипи. Целата јавност знае дека соработката помеѓу НАИ и ЛЕВИЦА е очигледна, и во Тетово и во Струга. Затоа, овие обиди за создавање конфузија се залудни и разочарувачки“, се вели во соопштението.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											