Правниот тим на партијата Левица, до Основното јавно обвинителство – Скопје, поднесе кривична пријава против поранешниот уставен судија-Сали Мурати од Гостивар, поради постоење основано сомневање дека сторил кривичното дело саботажа, како дело против државата, казниво по чл. 315 од Кривичниот законик, за кое е предвидена минимална казна затвор од четири години, информираат од Левицата.

„На пријавениот му се става на товар дека, како поранешно овластено службено лице (претседател на Уставниот суд на РМ), која функција ја вршел во мандатниот период од 2019 до 2021 година, свесно и злонамерно, занемарувајќи ги своите службени должности, на прикриен и подмолен начин, одбил ажурно да постапува по поднесена итна претставка Иницијатива У. бр. 51/2019 за оцена на т.н. „Закон за јазици“ и контроверзниот т.н. „указ“ за негово прогласување – без потпис на Претседателот на Републиката, иако тоа му била уставна и деловничка должност, и со тоа овозможил недозволиво одолговлекување до недоглед на постапката за оцена на уставноста и законитоста (која сè уште не е завршена!?), со тешко отстранливи штетни последици во праксата“, обаснуваат од оваа партија.

„Пријавениот се терети дека, на тој начин, сторил енормна политичко-правна штета на ниво на држава – овозможувајќи во правниот промет и сообраќај да стапи на сила т.н. „закон“ без потпис од шефот на државата, што е без преседан во нашата досегашна државно-правна историја! Со ова свое исклучително штетно дејствие, тој – занемарувајќи ја својата обврска како „чувар на Уставот и законите“, дополнително причинил и значителна имотна штета која се состои во тоа што сите стотици централни и локални органи и званични јавни институции, противуставно, биле приморани да ги сменат во двојазични своите официјални табли на кои се испишани нивните називи, потоа службените печати, штембили, меморандуми, коверти, интерни инсигнии, веб-сајтови и сл. – и на овој инсајдерски начин, со своето малициозно неделување и пропуштање службено дејствие, придонел да се оштети државниот буџет со апроксимативна сума од неколку милиони евра во денарска противвредност“, стои во писменото соопштение од Левицата.

Вчера бевме сведоци на уште еден неуспех во редицата неуспеси во процесот на интеграцијата, велат од Алијанса за Албанците – Алтернатива.

„Нема датум за преговори со Европската Унија. Од 2018 година сè било лага. Фотографиите во авион, трошоците на премиерот и министрите на Владата ќе останат само уште еден доказ на измамите на оваа власт и трошоци што ќе треба да ги сносат граѓаните. Што уште треба да се случи за да зелениот Министер за надворешни работи, Бујар Османи, да признае дека е неуспешен, Што уште треба да се случи за да оваа Влада даде оставка и да се врати на повторна проценка пред граѓаните“, потенцираат од оваа коалиција.

Сметаат дека власта се правда со Бугарија, но, знаеме велат од коалицијата, дека Европската Унија не прифаќа во нејзините прегратки како што нагласуваат, корумпирани и криминализирани политичари и власт.

Неодамна вакви проценки пристигнаа и од Вашингтон со указот на Претседателот Бајден, потсетија од Алијанса за Албанците – Алтернатива.
„Коалицијата Алијанса за Албанците и Алтернатива има изјавено многу пати дека оваа Влада ниту земјата може да ја води кон Европа, ниту пак може Европа да ја донесе тука“, велат од оваа коалиција.

Македонија нема датум затоа што во ЕУ не сакаат да си имаат работа со криминалците од ДУИ и СДСМ, обвини ВМРО-ДПМНЕ.

Од партијата велат дека Македонија е на 111 место на листата на Транспаренси. Според опозициската партија, Заев ја бетонирал државата на врвот на криминалот и корумпираноста.

„ Во ЕУ не се оди со рекет и криминал. Во ЕУ не сакаат премиер на држава кој е аболициран за криминал, и чиј пти брат се спомнува како лице кое барало рекет од фирми кои вршат работи добиени на тендер.

Во ЕУ не се оди со нерасчистени случаи за криминал како случајот со Ден Дончев, кој сите го видовме како трпа туце пари во торба, ниту пак за Заев, кои беа посочени дека кај нив завршиле парите од аферата Рекет, и тоа лично од човекот кој ја носеше торбата полна милиони.

Во ЕУ не поминува “зелената агенда” која ги труе граѓаните на градовите каде токму тие зелени се власт. Кичево, Тетово, Струга и други тонат во смет. А тендерите врват.

Заев не може да ја однесе Македонија во ЕУ, Заев е политичар потонат во криминал и корупција.

Заев мора да си оди, за Македоника да тргне напред. Да ставиме крај на поделбите на Заев и СДСМ, на граѓани од прв и втор ред. Македонија за сите луѓе!“ се додава во соопштението.