Соопштенија
Вториот IQOS-бутик отворен во новиот Diamond Mall
Вториот и, воедно најголем, IQOS бутик во Македонија е отворен во рамките на новиот трговскиот центар Diamond Mall. Со отворање на новата концептуална продавница, чие работно време е секој ден од 10 до 22 часот, се проширува мрежата на достапност и поддршка за сите возрасни пушачи кои сакаат да се информираат за подобрите алтернативи на цигарите и да се префрлат на категоријата производи базирани на технологија за загревање, наместо согорување на тутунот.
Во рамките на IQOS бутикот, покрај што може да ги купат уредите, сите полнолетни пушачи кои инаку би продолжиле да пушат, можат да се запознаат и да дознаат повеќе за нив, нивното користење и напредната технологија, a за постоечките корисниците се достапни и услугите како чистење на уредите, купување аксесоари, замена на стар уред за нов, корисничка поддршка и друго.
Оваа ексклузивна продавница, како и првиот IQOS бутик кој минатиот месец беше отворен на приземјето во трговскиот центар East Gate Mall, се уредени во соработка со двајца наши врвни уметници, Сања Симоска и Сали Ертунч, кои создадоа оригинални мурали, со интересен приказ на знаменитостите на градот Скопје, што оригинално го разубавија просторот, му дадоа автентичен локален „зачин“ и визуелно го збогатија.
Во развојот на иновативната технологија без чад, компанијата Филип Морис Интернешнал вложинад 10 милијарди долари во текот на десет години истражувачка работа и посветеност на повеќе од 1500 врвни научници и експерти. Уредите се достапни во 80 земји во светот, а повеќе за технологијата без чад можете да дознаете на: PMI Science | Philip Morris International.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Герасимовски: Даваме субвенции за нови фасади за зградите и ги обновуваме
Кандидатот за градоначалник на Општина Центар, Горан Герасимовски, денеска најави дека во вториот мандат се обновуваат фасадите и се зголемува енергетската ефикасност на зградите.
„Станарите добиваат субвенции за нови енергетски ефикасни фасади, што ги намалува трошоците за греење и ладење, а истовремено добиваат современ и уреден изглед на своите згради. Со обновувањето на фасадите, Центар добива нов, модерен, но и автентичен лик. Ја чуваме старата архитектура и ја уредуваме градската средина“, рече Герасимовски.
Тој потенцираше, дека паралелно се поставуваат и фотоволтаици на училиштата и општинските објекти преку претпријатието „Енергија Центар“.
„На тој начин, штедиме енергија и ги намалуваме трошоците за електрична енергија и до 50%. Работиме одговорно, современо и одржливо. За Центар што го сакаме!“, изјави Герасимовски.
Соопштенија
Манасиевски: Од историска победа нè делат само неколку дена
На 2 ноември сите заедно да го заокружиме бројот 9, за финалната победа на ВМРО-ДПМНЕ во Аеродром, Карпош, Шуто Оризари и Градот Скопје, повика Валентин Манасиевски, член на ЦК на ВМРО-ДПМНЕ.
„Од оваа историска победа не делат само неколку денови. Со 33 освоени општини во првиот круг, водство во 21 од 27 општини во вториот круг и доминација во советничките листи, ВМРО-ДПМНЕ и граѓаните заедно ќе ја потврдат промената што ја започнавме. Имено, во Аеродром победивме со околу 9.500 гласови разлика. Во Карпош водиме со околу 1.500 гласови. Во Скопје убедливо сме пред второпласираниот со над 60.000 гласови. Во Шуто Оризари обединети, одиме кон пресврт и конечно враќање на довербата во локалната самоуправа. Советите се клучни за реализација на нашите проекти и визии. Имаме убедливо мнозинство од 15 советници во Аеродром, 11 во Карпош, 18 во Град Скопје и 4 во Шуто Оризари. За оваа победничка слика да биде целосна, потребна е вашата поддршка. Поддршка за проекти, за визии, за граѓаните“, рече тој.
Соопштенија
Јовановски: Нови садници во Кичево за почист воздух
Кандидатот за градоначалник на општина Кичево од ВМРО-ДПМНЕ, Aлександар Јовановски, во предизборната програма предвидува нови садници во општината за почист воздух.
„Почитувани, нашиот град Кичево беше познат по богата шума, по огромен шумски појас, по боровите, по чистиот воздух, по убавата животна средина. За жал, еден дел од тој шумски појас се уништи со несовесно користење и дел со изградбата на големиот проект за автопатот кој ќе не поврзува со Охрид. Кога ќе дојдам на позиција градоначалник, веднаш ќе преминам кон проект за пошумување и враќање на старата шума со што ќе допринесеме за почист воздух, почиста животна средина и поубав живот за сите нас во Кичево“, вели тој.

