Соопштенија
Заштита или естетика – што е на прво место при изборот на фасада?
Првиот впечаток на секоја куќа, дури и за обични минувачи, е фасадата. Таа е лицето на секоја куќа. Но, покрај убавината, фасадата игра клучна функционална улога при заштита на објектот од секакви надворешни влијанија. Доколку дојдовте до ставката поставување фасада на вашата новоградба или планирате реставрација на постојната фасада, во продолжение какви фасадни системи и какви материјали постојат на пазарот, кој се нивните карактеристики, за да можете да го направите вистинскиот избор.
Фасадата е надворешниот елемент на куќата што во голема мера влијае на нејзиниот целокупен изглед. Го заштитува градежниот објект од неповолни временски влијанија како температурни промени, силен ветер, снег, дожд, град. Покрај тоа, нејзината улога е термички да го заштити објектот и да обезбеди соодветна звучна изолација.
Најпопуларен тип на фасада е контактна или демит фасада
Контактната фасада или демит фасадата е најпопуларниот избор кај нас. Демит или контактна фасада, се состои од неколку елементи, од кои еден е термо изолациски панел.
Кај овој вид на фасада изолацијата, која во главно е стиропор, се лепи директно на надворешниот ѕид. Така поставените плочи од стиропор потоа се фиксираат со специјални клинови. Следува заштитната мрежа за армирање и зајакнување на површината на фасадата. Вака обложените надворешни ѕидови се глетуваат за завршен слој, а потоа следи естетскиот дел – бојадисување на фасадата со избраната боја.
Наместо стиропор може да се користи и камена волна, која, благодарение на карактеристиките, е подобро решение. Таа, пред сè, паропропустлива и им овозможува на ѕидовите да „дишат“, обезбедува поефикасна звучна изолација бидејќи густата структура на камената волна ефикасно ја апсорбира бучавата, погодна е за тешко достапни места, т.е. места на кои стиропорот не е соодветен. Тука е и еколошкиот фактор: бидејќи се добива од природен камен, камената волна е природен материјал, додека стиропорот се добива од преработка на нафта.
Фасади со изолација изработени од стиропор се поевтина опција и овозможуваат побрза работа. Доколку како термо изолационен материјал се користи минерална волна, цената на фасадниот систем се зголемува за околу 40%.
Контактните фасади ја подобруваат енергетската ефикасност на зградата, со што се заштедуваат трошоците за греење и климатизација. Траат повеќе од 30 години и овозможуваат брзо враќање на инвестицијата.
По не популарни, но исклучително енергетски ефикасни решенија се вентилациони фасади. Тие постигнуваат заштеда на енергија потребна за греење и ладење за околу 30%.
Клучот е во постоењето вентилација или воздушен слој со дебелина од 2 до 5 цм. Овој слој се наоѓа помеѓу ѕидот на зградата и надворешната фасадна обвивка. Обезбедува непречен проток на воздух, што овозможува ефикасно отстранување на влагата. На овој начин се спречува развојот на мувла и плесна Во текот на летото воздушниот слој ја задржува топлината, па не навлегува во внатрешноста, што ја намалува потребата за климатизација. Во зима, тоа придонесува за топлинска изолација на зградата. Вентилираната фасада има одлична звучна изолација и долг работен век кој надминува 50 години.
За разлика од демит фасадата, кај вентилираната фасада, изолациониот слој не се поставува директно на надворешните ѕидови, туку на скелетот, т.е. на потпорната под конструкција, која механички се прицврстува. Потоа се поставува топлинска изолација помеѓу скелетот, односно хоризонталните и вертикалните профили, за да нема празнини помеѓу нив.
Потоа следи вградување на паропропустлива-водопропустлива фолија, која го спречува навлегувањето на влага во изолациониот слој, а истовремено обезбедува непречен проток на водената пареа од внатрешноста кон воздушниот слој. Потоа, следува воздушен слој со вентилациони отвори кои служат за влез и излез на воздух, најчесто поставени на врвот и на дното на фасадата. Надворешната фасадна обвивка доаѓа на крајот и може да биде изработена од разни материјали – камен, метал, стакло, дрво…
Вентилираната фасада има и значителни недостатоци во однос на демит фасадата – таа е двојно поскапа и зафаќа повеќе простор, односно подебела е.
За кој тип на фасада и да се одлучите, најважно е вашиот мајстор за фасада правилно да ја изведе. Само доколку професионално се постават сите фасадни слоеви, ќе се спречи појавата на топлински мостови и ќе се обезбеди долг животен век на фасадата.
Материјали за фасади
Спомнавме кои изолациони материјали може да се користат при изведба на фасади. Сепак, важно е да се споменат и некои други материјали како стакло, дрво…
Стаклени фасади се најчест избор за модерни згради, особено деловни простории. Тоа е само носечка, целосно застаклена фасадна конструкција. Кај стаклена фасада, хоризонталните и вертикалните алуминиумски профили кои ги раздвојуваат стаклените панели можат да бидат видливи (континуирана стаклена фасада), или невидливи однадвор (структурна стаклена фасада). Алуминиумските профили можат да бидат видливи само со минимална ширина по рабовите на елементите, а тогаш зборуваме за полу структурна стаклена фасада. Стаклените фасади може да бидат вентилирани, односно да имаат воздушен простор помеѓу два слоја стакло. Станува збор за дупли стаклени фасади.
Метални фасади се направени од сендвич панели со термичко полнење. Нивните облоги обично се направени од челични или алуминиумски плочи.
Дрвени фасади се традиционален избор и најчесто може да се видат во планинските предели. Кај нив се употребуваат профилирани даски или дрвени плочи. Тие се еден вид вентилирани фасади. Дрвените фасади имаат повисока цена од металните фасади.
Совети за избор на боја на фасада
Се препорачува при изборот на бојата за фасадата да не се водите исклучиво од актуелните трендови, туку да се земе предвид бојата на покривот, бојата на надворешната столарија и оградата на дворот. Имајте ги на ум околните куќи, за вашата да не „штрчи“ премногу, но и количината на светлина на која е изложена вашата куќа.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Митовски: Црешево и Смилковци ги враќаме на мапата на развојот
Актуелниот градоначалник цел мандат ги остави Црешево и Смилковци во пустош и заборав. Без ниту еден капитален проект, без инвестиции, без елементарни услови за живот. Времето на неработа, запоставеност и игнорирање на овие населени места завршува. Таа слика ќе се промени во мандатот што следи, затоа што мојата визија е јасна – рамномерен развој на сите населени места во Општина Гази Баба, изјави кандидатот за градоначалник на Гази Баба од СДСМ, Влатко Митовски.
„Во Црешево ќе изградиме нов резервоар за вода со капацитет од дополнителни 300 кубни метри, ќе се доврши фекалната канализација, а краците од улица 3 ќе бидат конечно асфалтирани и санирани. Ќе ја замениме целата водоводна линија од препумпната станица во Железара до резервоарот во Црешево во должина од 6 километри, ќе изградиме нова бушотина за зголемен доток на вода, ќе го осветлиме регионалниот пат Црешево–Стајковци и ќе изградиме пешачка патека по целата должина. Дополнително, ќе изградиме и прочистителна станица за фекални води. Во Смилковци исто така ќе изградиме нов резервоар за вода со капацитет од 300 кубни метри, ќе ја довршиме фекалната канализација и ќе ја замениме целата водоводна линија во должина од 3,5 километри. Ќе се изгради нова бушотина, ќе се прошири патот и ќе се направи пешачка патека од Смилковци до Црешево, а краците од улица Павле Божинов конечно ќе бидат асфалтирани. Во недела, гласот за број 5 е глас за реализација на овие проекти, за секој дом, за секој од вас, за модерна и развиена Општина Гази Баба“, рече Митвоски.
Соопштенија
Герасимовски: Центар е инклузивна и хумана општина, вложуваме во луѓето и нивните потреби
Градоначалникот и кандидат за нов мандат, Горан Герасимовски, најави дека Општина Центар и во следниот период ќе остане посветена на инклузивноста, преку проекти и програми за поддршка на ранливите категории граѓани и создавање еднакви можности за сите.
Тој кажа дека во областа на образованието, Центар е единствената општина во државата која од сопствен буџет ангажира лични асистенти за учениците со посебни образовни потреби.
„Преку проектот ‘Образование за сите’ ангажираме лични асистенти во основните училишта, со што на децата им овозможуваме поддршка во учењето и подобра интеграција во наставниот процес. За оваа намена од буџетот годинава издвоивме 4. 400. 000 денари“ истакна Герасимовски.
Дополнително, додаде тој, училиштата и градинките во Центар се уредени со инклузивен пристап и сензорни соби наменети за деца со интелектуална попреченост и потешкотии во развој.
Герасимовски рече дека Општината обезбедува и бесплатен транспорт до здравствените установи за сите полнолетни лица со попреченост.
„Ова е исклучително важна мерка за лицата кои не можат самостојно да се движат, но и за нивните семејства. За оваа услуга годишно издвојуваме 500.000 денари од општинскиот буџет, со цел да им го олесниме пристапот до здравствените установи за да добијат потребните услуги,“ додаде Герасимовски и потсети дека во рамки на локалната самоуправа активно функционира и Центарот за дневен престој за лица со попреченост, каде се обезбедува стручна грижа, поддршка и активности наменети за развој, едукација и социјализација.
Соопштенија
Ѓорѓиевска: Водевме кампања со визија, проекти и со дела
Носителката на советичката листа на Движењето ЗНАМ – За наша Македонија, Ивана Ѓорѓиевска, на денешната прес конференција направи збирна оценка на изборната кампања пред првиот круг на локалните избори в недела. Во изминатите три недели, заедно со нашиот тим од Движењето ЗНАМ – прошетавме низ сите делови на општина Куманово, рече таа.
„Се сретнавме со граѓаните, разговаравме со нив ги слушавме нивните проблеми, предлози и идеи. Со задоволство можам да го споделам денеска е – дека кумановци ја прифаќаат нашата програма, се согласуваат со тоа како ние планираме да работиме во наредниот мандат. И, она што најсилно го почувствувавме е љубовта кон градот и желбата за контиуитет што носи реални резултати, а не празни ветувања“, нагласи Ѓорѓиевска.
Оваа кампања, рече таа, ја водевме чесно, транспарентно и достоинствено со проекти, со визија и со дела кои зборуваат наместо нас. „Она што го имаме сработено досега е нашиот најголем капитал е показател дека ние исполнуваме. Не ветувавме невозможни работи, туку конкретни решенија кои веќе се реализираат или се подготвени да почнат.
Со таквите проекти дефинитивно го правиме Куманово – модерен град со нови улици и булевари, нови плоштади, повеќе паркинг места, со поголеми зелени површини – паркови, дрвореди и зелени појаси, со нови сообраќајни решенија депонии, со поголема водоводна, канализациска и гасоводна инфраструктура. И, општина со нови инвестиции, ново отворени работни места и перспектива за младите. Веруваме во континуитет, стабилност и вистински развој. Куманово има потенцијал, има луѓе со идеи, со енергија и со желба да напредуваат.
Нашата цел е едноставна да го задржиме тој напредок, да ја продолжиме изградбата на современ, зелен и уреден град, каде што секој човек ќе има достоинствен живот“, потенцираше носителката на советничката листа на Движењето ЗНАМ за Куманово.
Ѓорѓиевска ги покани кумановци вечерва да присуствуваат на завршниот митинг на Движењето ЗНАМ во Домот на културата „Трајко Прокопиев“, а в недела да излезат масовно на гласачките места. „Излезете и поддржете нè затоа што зад нас стои визија, систем и тим што работи за Вас, не за лични интереси. Поддржете нè затоа што знаеме како, затоа што ве слушаме и затоа што сме дел од вас. На 19 октомври изберете стабилност, искреност и дела. Гласајте за број 2 – Движењето ЗНАМ – За наша Македонија“, повика Ѓорѓиевска.
Мицкоски: Неформалната коалиција СДСМ-ДУИ излегува со лаги и манипулации небаре граѓаните имаат кратко памтење
Претседателот на ВМРО-ДПМНЕ, Христијан Мицкоски на денешниот народен митинг во општина Дебарца, во рамки на изборната кампањата со слоган „Вистинскиот...
Контролорите за летање нема да штрајкуваат, но обвинуваат за незаконска одлука и лоши услови за работа без вода и систем за греење
Струковиот синдикат на контролори на летање на Македонија соопшти дека ќе ја почитува одлуката на Граѓанскиот суд во Скопје со...
Одобрено обвинението против сопственикот на фирмата за обезбедување на „Пулс“
Кривичниот суд информира дека е одобрено и второто обвинение за пожарот во дискотеката „Пулс“ во Кочани, со што предметот преминува...
Пукање во Ѓорче Петров, жител пријавил дека му е скршен прозорецот од дневната соба, а во куќата нашол две зрна од оружје
Доцна синоќа во 03:00 часот во СВР Скопје, М.Ј.(39) од Скопје пријавил дека околу 02:50 часот, додека бил во неговиот...
Се гледаме во вториот круг, рече Шукова и повика недела да биде празник на демократијата и на слободата на одлучување
Кандидатката за градоначалничка на Скопје од СДСМ, Каја Шукова, ја заокружи кампањата за првиот изборен круг со повик до граѓаните...
Секој изгубен ден во политички престрелки е изгубена можност за Скопје, в недела масовно да излеземе, повика Ѓорѓиевски
На последниот ден од изборната кампања за првиот круг на локалните избори, кандидатот за градоначалник на Скопје од ВМРО- ДПМНЕ,...
Андоновски: Македонија добива современ и сеопфатен план за дигитален развој
Министерот за дигитална трансформација, Стефан Андоновски, денеска ја претстави новата Национална стратегија за информатичко-комуникациски технологии – „СМАРТ/МК 2030“, со што,...
Нема моќно оружје за Украина: Трамп ја менува приказната по разговорите со Путин
Американскиот претседател Доналд Трамп денес ќе го угости украинскиот претседател Володимир Зеленски во Белата куќа, но има сè повеќе знаци...
(Фото) Министерот за здравство се вакцинира против грип: Апелирам граѓаните навреме да се заштитат
Министерот за здравство Азир Алиу денеска го посети одделението за епидемиологија во Гостивар, каде и тој прими вакцина против сезонскиот...
(Видео) Русија: Нападнавме украински аеродром, каде што беа стационирани авиони на НАТО
Руските сили извршија напад врз воениот аеродром во Криви Рих, каде што наводно биле стационирани авиони на НАТО, објави руската...
Зеленски реагира на најавениот самит Трамп – Путин: тој денес пристигнува во Белата куќа
Американскиот претседател Доналд Трамп денес е домаќин на украинскиот претседател Володимир Зеленски во Вашингтон за да разговараат за иднината на...
(Видео) Трамп: Го прашав Путин дали би имал ништо против ако им дадам неколку илјади „томахавки“ на Украинците
Претседателот на САД, Доналд Трамп, изјави дека за време на разговорот со рускиот претседател Владимир Путин ја споменал можноста Украина...
Пицула ја критикува ЕУ за пофалбите што ги дава на Србија: „Наместо тоа, барајте вистински реформи“
Известувачот на Европскиот парламент за Србија, Тонино Пицула, изјави дека претставниците на ЕУ треба да се воздржат од прекумерно фалење...
Дописник на Би-би-си: Заборавете на „томахавките“, состанокот Трамп – Путин е ладен туш за Украинците
Доналд Трамп повторно се обидува да ги комбинира дипломатијата и политиката на моќ – овој пат помеѓу Москва и Киев....
Шукова: Време е за резултати, уреден Бутел, нови паркови, подобар превоз и вода за сите
Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека...
Трамп по телефонскиот разговор: Ќе се сретнам со Путин во Будимпешта
Американскиот претседател Доналд Трамп денес разговараше по телефон со рускиот претседател Владимир Путин, еден ден пред најавената средба со украинскиот...
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
