Соопштенија
Кое е следното ниво кон иднина без чад?
Во секој производ поврзан со технологијата, нормално е со текот на времето да се видат подобрувања. Ако се сетите како изгледаа старите мобилни телефони и ги споредите со денешните, ќе забележите огромен напредок.
Kако и кај секој иновативен технолошки производ, тимовите кои стојат позади целиот процес секогаш се стремат да ја подобрат претходната верзија. Ако ги земеме за пример претходната генерација на уреди и новите IQOS ILUMA, има огромна разлика помеѓу двата производи во технологијата што се користи. Новата генерација уреди треба да исполни неколку очекувања на корисниците, но најголемиот фокус е на чистењето на уредите.
За компанијата Филип Морис Интернешнал овој новитет, што воедно е и најиновативниот производ во портфолиото – IQOS ILUMA претставува двигател на промените.
„Сè уште сме единствената тутунска компанија која си постави цел што е можно поскоро да ги замени цигарите со потенцијално помалку штетни алтернативи. Оваа заложба е и официјално објавена и зад неа стои Управниот одбор од компанијата, а исто така е испратена и до инвеститорите преку Њујоршката комисија за хартии од вредност. И верувам дека веќе постигнавме значителен напредок кон оваа цел. Денес, повеќе од 27 милиони возрасни пушачи ширум светот се префрлија на нашите производи без чад, од кои 72% целосно се откажале од пушењето, или повеќе од 19 милиони луѓе во 82 земји. Така, со текот на времето, стануваме одржлива компанија без чад. Компанија која се потпира на иновативни производи без чад. За нас, светот без чад е вистинската насока и решени сме да имаме активна улога во тој процес.“ – изјави Иван Костиќ, Генерален Менаџер на Филип Морис Тутунски Комбинат Прилеп.
На нашиот пазар, оваа нова технолошка иновација пристигнува на 20ти ноември, а ќе бидат достапни три модели на уреди, во различен опсег на цени – сите со најновата технологија на индукциско загревање. Подобрениот дизајн и перформанси се прилагодени според потребите на пазарот, па новата генерација решава два од најголемите предизвици на корисниците: полнењето и чистењето. Батеријата на новата генерација уреди има и подолг век на траење и новата технологија на индукциско загревање целосно ја елиминира потребата за чистење.
За да ја реализира визијата за свет без чад, Филип Морис Интернешнал треба да ги задоволи потребите и очекувањата на возрасните пушачи низ светот, а за да ја достигне таа цел се фокусира на целосно прилагодување на нивните потреби и преференци.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Шефот на НАТО: Украина ќе влезе во НАТО, така е одлучено во Вашингтон
„Украина ќе стане 33. или 34. членка на НАТО, кој во моментот има 32 членки“, изјави неодамна назначениот генерален секретар на НАТО, Марк Руте, на прес-конференција во Брисел.
„Во моментот се чини дека Украина ќе влезе како 33. членка, но пред неа може да влезе некој друг. Но, Украина во иднина ќе биде членка на НАТО. Така решивме во Вашингтон“, изјави генералниот секретар на НАТО, пренесуваат медиумите во регионот.
„Шведска, планот на Украина за победа, но и нејзиното идно членство во НАТО“, одговори шведскиот министер за одбрана. Тој истакна дека планот за победа ќе биде разгледан на вечерна средба во Брисел.
„Украина е на неповратен пат кон полноправно членство во НАТО, што е многу важно. Имаме многу да научиме од Украина кога станува збор за одбранбените иновации. Украина исто така има силни вооружени сили“, рече тој.
Соопштенија
Македонскиот концепт е против законот за правична застапеност: „ Успехот да биде единствен критериум“
Mакедонски концепт е против донесување на Закон за правична застапеност. Од партијата велат дека се залагаат за еднакви права на граѓаните, без разлика на која етничка заедница припаѓаат.
„Нема поента, еден инструмент на апархејдот да менуваме со друг! Новиот закон повторно ќе создаде нееднаквост. Системот на апартхејд е одамна надминат секаде во светот. Време е да заврши и во Македонија! Граѓанска држава и мерит систем, се патокази кои водат кон ЕУ, а не практики од 19ти век!
Правичната застапеност не е решение, туку нова форма на нееднаквост. Меритократијата е патот кон вистинска праведност. Квотите создаваат само илузии. Граѓанска држава се гради на индивидуалните успеси, а не на колективитети. Кога способностите се заменуваат со квоти, правдата се изопачува.
Ние сме за еднаквост во можностите, а не во резултатите. Затоа мерит системот е нашиот водич. Системот на вредности треба да се базира на труд и посветеност, а не на етнички предзнаци. Ние сме сите граѓани на Републиката и нека успехот биде наш единствен критериум. Пропадната пракса на 19-тиот век не гради иднина за 22ри век. Да застанеме сите заедно против сите видови на дискриминација, и позитивна и негативна! Само рамноправност на граѓаните! Тоа се вредностите на граѓанскиот Устав, кој е решение за сите овие прашања“, велат од партијата.
Соопштенија
Меккен Скопје е „Адриатик Агенција на годината“ и добитник на сребрена и бронзена награда за кампањата „Стартап пакет“ на Халкбанк
Агенцијата Меккен Скопје е прогласена за „Адриатик Агенција на годината“ на овогодишниот фестивал Голден Драм, кој се одржа минатата недела во Порторож. Ова престижно признание, заедно со сребрената награда во категоријата креативна ефикасност и бронзената во категоријата надворешно рекламирање за кампањата „Стартап пакет“ на Халкбанк се резултат на посветеноста на Меккен Скопје кон иновации и извонредност во рекламната индустрија.
„Овие признанија се огромни за нас и за нашиот клиент Халкбанк, тие се доказ за трудот и страста на нашите тимови. Наградите ја потврдуваат нашата посветеност кон квалитет и способност да создаваме влијателни, уникатни и паметни комуникациски решенија што се поврзуваат со нашата целна публика и му помагаат на клиентот во остварувањето на своите бизнис-цели. Наградите се фактор плус во остварувањето на нашата визија да бидеме најпосакуваниот комуникациски и креативен партнер“, изјави Бојан Кочовски, директор на Меккен Скопје.
Овогодишното издание на фестивалот уште еднаш на едно место ги собра најдобрите идеи, најдобрите тимови и најдобрите креативци од целиот свет. Проектите на Меккен Скопје и Халбанк се единствените од Македонија што се пласираа како финалисти. Во конкуренција на повеќе од 1.000 пријави од околу 200 агенции од целиот свет, интернационалното жири составено од 56 исклучителни професионалци им ги додели сребрената и бронзената награда, а Агенцијата ја доби најпрестижната награда на фестивалот, „Адриатик Агенција на годината“.
Меккен Скопје е една од најголемите и најуспешни маркетинг-агенции, присутна во Македонија 27 години. Во своето портфолио ги вклучува едни од најреномираните интернационални и домашни компании и брендови. Дел е од интернационалната Меккен мрежа, McCann Worldgroup, која исто така на Голден Драм доби престижна награда ‘’Најдобра агенциска мрежа’’.
Фестивалот Голден Драм во Порторож е најреномираниот годишен настан во нашиот регион, во Европа и пошироко, кој ги слави креативноста и иновациите во рекламната и комуникациската индустрија. Традиционално, секоја година на едно место ги обединува најдобрите светски агенции и професионалци со цел да ги претстават своите исклучителни кампањи, да разменат идеи, да дискутираат за трендови и да се дружат.
Погледнетe ја наградената кампања ‘’Стартап пакет’’ на следниoв линк: