Контакт

Соопштенија

Левицата: Власта шверцува закон со европско знаме на штета на лицата со попреченост

Објавено пред

Од Левицата сметаат дека откако СДСМ е на власт, пракса е да се злоупотребува европското знаменце за носење закони или законски измени по скратена постапка. Овој пат, како што појаснуваат од оваа партија, на ред се измени на Законот за социјалната заштита, каде што се предвидуваат низа измени што се на штета на лицата со попреченост. Со овие измени, прецизираат од Левицата, се предвидува досегашната стручна служба, која даваше наод и мислење за лицата со попреченост, да се замени со служба за функционална процена.

„За оваа служба воопшто не се знае во каков состав е и каква точно надлежност има, додека досегашните стручни тимови беа составени од тројца доктори специјалисти, кои даваа стручен наод и мислење за состојбата или дијагнозата на лицата со попреченост. Исто така, со новите измени на законот, наместо поедноставување на процедурите потребни за преглед, анализа и конечно мислење за лицата со посебни потреби, тие се усложнуваат“, сметаат од Левицата.

Преку пример дообјаснуваат дека доколку незадоволното лице поднесе жалба против решение на Центарот за социјални работи, тогаш Министерството за труд и социјална политика во согласност со законските измени што се предлагаат, повторно ќе треба да бара наод и мислење од службата за функционална процена, што воопшто не е логично бидејќи истиот орган веќе еднаш дал мислење за истото лице, а исто така и дополнително ќе ја одолжи постапката по жалба, а со тоа и времето за остварување на правата на лицата со попреченост.

Друга новина што исто така е предвидена со предложените законски измени, дополнуваат од Левицата, се однесува на лицата со попреченост кај кои е констатирана трајна состојба. Лицата со траен наод исто така ќе бидат принудени, за да ги остварат своите права, повторно еднаш годишно да бараат наод и мислење од институциите иако нивната состојба е трајна и нема да се промени. Со овие законски измени, освен што се комплицира и усложнува постапката за остварување на правата на лицата со попреченост, не се воведуваат никакви новини за унапредување на правата на овие лица, туку, напротив, тие се обесхрабруваат да си ги бараат своите права со страв од заглавувавање во бирократските лавиринти, реагираат од оваа партија.

Пратениците на Левицата, додаваат од таму, нема да ги поддржат овие законски измени и ќе се залагаат за законски решенија што нудат поголема инклузивност во општествените процеси на лицата со попреченост.

Соопштенија

ВМРО-ДПМНЕ: Пристапот на СДСМ и заевизмот во енергетиката носи кризи и скапо ги чини граѓаните

Објавено пред

Од ВМРО-ДПМНЕ бараат од владејачкиот СДСМ да го смени досегашниот пристап во енергетиката оти, како што велат, народот тоа скапо го плаќа.

„Ако тоа е штитење на стандардот на граѓаните, тогаш е јасно зошто сиромаштијата во Македонија забрзано расте. Поради нивниот несериозен и неодговорен пристап, поскапеа електричната енергија и парното за 15 %. Поради кадрите и енергетските политики на заевизмот, Македонија е во енергетска и топлинска криза, која граѓаните ја плаќаат двапати, еднаш преку тешки милиони од народни буџетски пари, а вторпат преку поскапи сметки за секое домаќинство.

Кадрите на заевизмот дозволија да се увезува скапа струја, да се краде од европскиот систем, само поради тоа што не произведуваа домашна струја, која е 3-4 пати поевтина од увозната, а не произведуваа затоа што акумулациите беа испразнети и немаше ископ на јаглен.

Кадрите на заевизмот дозволија криза со парното затоа што навреме не договараа увоз на гас, како што тоа го правеа одговорните лидери од другите европски земји.

Ете тоа се погубните резултати од досегашниот пристап на СДСМ и заевизмот во енергетиката. Тие, како што призна и нивниот потпретседател, секогаш се водат од личниот и од партискиот интерес наместо од интересот на државата и граѓаните“, се додава во соопштението.

Прикажи повеќе...

Македонија

СДСМ: Данела Арсовска ги остави скопјани без помош за парното греење

Објавено пред

„Во време на енергетска криза Данела Аровска не презеде ништо и сами ги остави скопјани. Наместо да направи нешто или барем да понуди некакво решение, ВМРО-ДПМНЕ секој ден шири едни исти лаги, а не прави ништо.

За разлика од таквиот неодговорен однос на ВМРО-ДПМНЕ, СДСМ преку Владата и инситуциите што ги предводи презеде навремени и ефикасни мерки за надминување на енергетската криза и заштита на стандардот на граѓаните.

Откога Данела Арсовска ги остави скопјани сами да се справуваат со кризата за топлинска енергија, од денеска АД ЕСМ ги преземе управувањето со БЕГ, граѓаните ќе имаат топли радијатори три часа повеќе од претходно.

7.500 семејства ќе добијат субвенции за сметките за електрична енергија, а Владата подготвува нов пакет-мерки за помош на граѓаните и стопанството.

Очигледна е разликата меѓу одговорното управување со институциите од страна на СДСМ и неработењето на кадрите од ВМРО-ДПМНЕ“.

Соопштение на СДСМ

Прикажи повеќе...

Соопштенија

Град Скопје: И да сакаме, не може да бидеме одговорни за проблемот со парното

Објавено пред

Навистина сме зачудени од континуираните напади на СДСМ кон Град Скопје и градоначалничката Арсовска за енергетската криза и проблемите што произлегоа во врска со греењето на скопјани, се вели во реакција од градските власти.

„Навистина е неодговорно однесувањето на оваа партија и на централната власт, која наместо да се зафати за решавање на овој проблем, со недели се обидува овој проблем да им го наметне на Град Скопје и на локалните самоуправи.

Град Скопје, и да сака, не може да биде одговорен за проблемот со топлинската енергија во градот. Колку и да се обидува некој да прикаже поинаква слика, фактите говорат дека цела одговорност е во рацете на Владата“, се наведува во реакцијата.

Во неа се објаснува дека Градот нема на располагање средства колку што има Владата, ниту има инфраструктура и ингеренции што ги поседува Владата за да го реши овој проблем.

„Поради неодговорното однесување на централната власт и несериозниот пристап кон енергетската криза, сегашните мерки што ги предлага и презема централната власт доцнат речиси половина година, кои, за жал, веќе придонесоа за распространување на кризата и поскапувања на сите енергенти, прехранбени продукти и сличнно“, посочуваат од Град Скопје.

Прикажи повеќе...

Најново

Македонија2 часа

Регистрирани 2.071 нов случај на Ковид-19 и 11 починати

Министерството за здравство информира дека во последните 24 часа направени се 6.010 тестови, а регистрирани се 2.071 нов случај на...

Топ3 часа

Се бара притвор за 22-годишниот возач, семафорите биле исклучени, а на пешачкиот налетал со голема брзина

Скопското основно јавно обвинителство до Основниот кривичен суд достави предлог за определување притвор за 22-годишниот возач кој вчера ја усмрти...

Македонија4 часа

Комисијата за заразни болести со препорака периодот за изолација да се намали на 7 дена

Намалување на периодот на изолција од 10 на 7 дена за ковид-позитивните пациенти е ставот што произлезе од денешната вонредна...

Македонија4 часа

Фон дер Лајен до Ковачевски: Лично сум подготвена да помогнам во процесот со Бугарија

Премиерот Димитар Ковачевски попладневно остварил телефонски разговор со претседателката на Европската комисија, Урсула фон дер Лајен, која му го честитала...

Македонија6 часа

Опасност од одрон на карпа тешка 20 тони врз кањонот Матка – од ЦУК велат нема простор за паника

Центарот за управување со кризи доби известување од ЕВН за опасност од одрон на голема карпа над кањонот Матка. Директорот...

Регион6 часа

Петков: Бугарија сама одлучува за својата одбрана

Бугарија сама ќе одлучува за плановите за одбрана во координација со партнерите од НАТО, изјави денеска бугарскиот премиер Кирил Петков....

Свет8 часа

Лавров по средбата со Блинкен: Следната недела од САД ќе добиеме писмени одговори

САД ќе ѝ дадат писмени одговори на Русија на барањата за безбедносни гаранции следната недела, изјави рускиот министер за надворешни работи,...

Македонија10 часа

Плевнелиев: Не сакаме да ги внесеме Тито и Сталин во ЕУ

Северна Македонија не ги спроведе потребните реформи за почеток на преговорите со Европската Унија. Македонските тајни служби се разгранок на...

Топ11 час

Нова трагедија кај Струма: возач загина во сообраќајна несреќа со македонски камион

Возач на автомобил загина по сообраќајна несреќа што се случила со македонски камион на патот помеѓу Благоевград и граничниот премин...

Македонија12 часа

ВМРО-ДПМНЕ и натаму инсистира на предвремени избори, од СДСМ велат дека барањето е од пуста желба за власт

Опозициската ВМРО-ДПМНЕ и денеска порача дека е неопходно да се одржат предвремени парламентарни избори. Тие инсистираат на брзи избори, без...

Македонија12 часа

Снег и забрана за товарни возила на дел од патиштата

Утрово, поради обилни врнежи од снег, воведена е забрана за тешки товарни возила кај планинскиот премини Стража, патниот правец Деве...

Свет12 часа

Властите во Калифорнија предлагаат тинејџерите да се вакцинираат без согласност од родителите

Калифорнија треба да дозволи вакцинација на деца на возраст од 12 и повеќе години без согласност од родителите, предложи синоќа...

Македонија1 ден

Загина 24-годишна девојка – автомобил ја прегази на пешачки пред Сити мол

Загина 24-годишна девојка откако вечерва беше прегазена на пешачки премин во близина на Сити мол во Скопје. Девојката преминувала улица...

Економија1 ден

ЕСМ ќе управува со БЕГ заради континуирано обезбедување топлинска енергија

Владата донесе одлука за обезбедување дополнителни количини топлинска енергија во услови на кризна состојба во снабдувањето со топлинска енергија. „...

Свет1 ден

Бајден со нова закана кон Путин: Русија ќе плати висока цена

Американскиот претседател Бајден рече дека јасно му кажал на рускиот претседател Владимир Путин дека секое движење на руските воени сили...

Свет1 ден

Шведска ги менува препораките – лицата со слаби симптоми на настинка не мора ни да се тестираат

Под силен притисок од ширењето на омикрон и зголемениот број на заразени и здрави, но изолирани, кои почнаа да ги...

Македонија1 ден

Нови 13 починати и 1.172 новозаразени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 4.021 тестови,...

Македонија1 ден

(Видео) Катица Јанева сака лично да ги следи судењата во кои Камчев ѝ бара да му врати дел од милионот

Експецијалната јавна обвинителка, Катица Јанева, има желба и самата да присуствува на судењата против неа, Бојан Јовановски-Боки 13, Зоран Милески-Кичеец,...

Македонија1 ден

Камчев не сака Кичеец да му врати дел од милионот, парите ги бара од Јанева, Боки-13 и државата

Бизнисменот Орце Камчев нема да бара од Зоран Милевски-Кичеец, осуден во случајот „Рекет“, да му врати дел од 1,5 милион...

Свет1 ден

Си-ен-ен: Папата Бенедикт XVI знаел за злоупотребата на деца во Црквата

Папата Бенедикт Шеснаесетти знаел за свештеници што злоупотребиле деца додека тој бил надбискуп во Минхен од 1977 до 1981 година,...

Досие