Соопштенија
„Сврти на среќа“, нова наградна игра на „златен даб“
22.7.2024 г. Скопје – и ова лето „златен даб“ на свој, веќе препознатлив начин, ќе се бори против летните горештини.
Од денес, 22 јули 2024 година, започнува големата наградна игра „Сврти на среќа“ со „златен даб“. Во наградната игра учествуваат пакувањата со специјално дизајнирана етикета за наградната игра, односно шишињата во стаклена амбалажа од 0,33 л и 0,5 л, како и шишињата во пластична амбалажа од 1,5 л.
На фановите, механизмот за учество во наградната игра им е веќе познат, односно сите оние што ќе уживаат со Златен Даб ќе можат да освојат вредна награда многу едноставно: ќе треба да го скенираат QR-кодот од етикетата што води до интернет-страницата www.zlatendab.mk/nagradna_igra, каде што треба да се пријават за учество со внесување на личните податоци (име, презиме и телефонски број) и да го внесат кодот што се наоѓа на внатрешната страна од капачето. Колку повеќе испратени кодови, толку поголема шанса за добивки.
За време на наградната игра ќе се доделат повеќе од 1000 награди, и тоа: осум скари на плин GENUX, осум часовници GARMIN forerunner 55, осум грамофони TEAK TN180, осум Bluetooth звучници JBL clip 4, осумдесет брендирани ранци, четиристотини и четириесет брендирани крпи за на плажа и исто толку 6х0,5 лименки Златен Даб, и главната награда секој понеделник VESPA Primavera. Извлекувањата ќе бидат секој понеделник од 22 јули до 15 септември, 2024 година.
Организаторот ќе ги извести среќните добитници преку СМС-порака за добитен код и видот на наградата. Секој учесник што ќе биде извлечен како добитник на награда, должен е да приложи доказ дека е корисник на телефонскиот број во пријавата за учество, односно да ја покаже СМС-пораката со известување за добитен код.
Резултатите од извлекувањето ќе бидат објавени на веб-страницата www.zlatendab.com.mk/nagradna_igra со објавување на извлечениот код и телефонскиот број на добитникот.
„Златен даб“ и Прилепска Пиварница им посакуваат многу среќа на учесниците во трката за вредни награди и ги повикува заедно да ги предизвикаат летните горештини.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Герасимовски: Даваме субвенции за нови фасади за зградите и ги обновуваме
Кандидатот за градоначалник на Општина Центар, Горан Герасимовски, денеска најави дека во вториот мандат се обновуваат фасадите и се зголемува енергетската ефикасност на зградите.
„Станарите добиваат субвенции за нови енергетски ефикасни фасади, што ги намалува трошоците за греење и ладење, а истовремено добиваат современ и уреден изглед на своите згради. Со обновувањето на фасадите, Центар добива нов, модерен, но и автентичен лик. Ја чуваме старата архитектура и ја уредуваме градската средина“, рече Герасимовски.
Тој потенцираше, дека паралелно се поставуваат и фотоволтаици на училиштата и општинските објекти преку претпријатието „Енергија Центар“.
„На тој начин, штедиме енергија и ги намалуваме трошоците за електрична енергија и до 50%. Работиме одговорно, современо и одржливо. За Центар што го сакаме!“, изјави Герасимовски.
Соопштенија
Манасиевски: Од историска победа нè делат само неколку дена
На 2 ноември сите заедно да го заокружиме бројот 9, за финалната победа на ВМРО-ДПМНЕ во Аеродром, Карпош, Шуто Оризари и Градот Скопје, повика Валентин Манасиевски, член на ЦК на ВМРО-ДПМНЕ.
„Од оваа историска победа не делат само неколку денови. Со 33 освоени општини во првиот круг, водство во 21 од 27 општини во вториот круг и доминација во советничките листи, ВМРО-ДПМНЕ и граѓаните заедно ќе ја потврдат промената што ја започнавме. Имено, во Аеродром победивме со околу 9.500 гласови разлика. Во Карпош водиме со околу 1.500 гласови. Во Скопје убедливо сме пред второпласираниот со над 60.000 гласови. Во Шуто Оризари обединети, одиме кон пресврт и конечно враќање на довербата во локалната самоуправа. Советите се клучни за реализација на нашите проекти и визии. Имаме убедливо мнозинство од 15 советници во Аеродром, 11 во Карпош, 18 во Град Скопје и 4 во Шуто Оризари. За оваа победничка слика да биде целосна, потребна е вашата поддршка. Поддршка за проекти, за визии, за граѓаните“, рече тој.
Соопштенија
Јовановски: Нови садници во Кичево за почист воздух
Кандидатот за градоначалник на општина Кичево од ВМРО-ДПМНЕ, Aлександар Јовановски, во предизборната програма предвидува нови садници во општината за почист воздух.
„Почитувани, нашиот град Кичево беше познат по богата шума, по огромен шумски појас, по боровите, по чистиот воздух, по убавата животна средина. За жал, еден дел од тој шумски појас се уништи со несовесно користење и дел со изградбата на големиот проект за автопатот кој ќе не поврзува со Охрид. Кога ќе дојдам на позиција градоначалник, веднаш ќе преминам кон проект за пошумување и враќање на старата шума со што ќе допринесеме за почист воздух, почиста животна средина и поубав живот за сите нас во Кичево“, вели тој.

