Соопштенија
СДСМ: Арсовска со нејзините скандалозни одлуки нанесува штета на скопјани и Скопје

Градоначалничката Арсовска со нејзините скандалозни одлуки нанесува штета на скопјани и Скопје, велат од СДСМ.
Според нив, градоначалничката Данела Арсовска секојдневно ја докажува негрижата и неспособноста за потребите на граѓаните.
Прекинувањето на проектот за Бас рапид транзит, за кој беа обезбедени средства преку заем од Европската банка за обнова и развој е нејзината прва штетна одлука, подвлекуваат од СДСМ.
„Токму на предлог на Арсовска управните и надзорните одори на јавни претпријатија и установи во Град Скопје се пополнија со кадри од ВМРО-ДПМНЕ и Левица. Годинава Арсовска ќе потроши 670.000 евра за вдомување на 109 кадри на ВМРО-ДПМНЕ во градската администрација. По само 10 дена Данела Арсовска смени двајца директори на ЈП Градски паркинг и постави бивш разузнавач кој не исполнува ниеден критериим за функцијата што му е доверена. Арсовска не сака финансиски да го помогне субвенционирањето на парното греење и во криза ги игнорира проблемите на граѓаните на Скопје“, нагласуваат од партијата на власт.
„Наместо бесплатен јавен превоз ЈСП воведе билет од 120 денари, а потоа бара пари од Владата за покривање на трошоците за гориво. Освен тоа, Арсовска две недели не одговара кој и со чии пари ја организирал и финансирал новогодишната прослава на градскиот плоштад. Наместо проекти, работа, решавање на проблеми, единственото нешто што го прави Арсовска е прекинување проекти, партизација на Градот и оправдувања за нејзината неспособност“, стои во писмената реакција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Катастрофалното менаџирање на енергетската криза ќе доведе до уште повисоки сметки, велат од опозицијата

Енергетската политика на СДСМ и ДУИ е еднаква на енергетска катастрофа, заради таа катастрофа следи ново покачување на електричната енергија, порача опозициската ВМРО-ДПМНЕ утрово преку соопштение.
Од партијата коментираат дека намаленото домашно производство на електрична енергија е рекордно најниско изминативе години, и е причина за енормните сметки за струја на граѓаните, општините и стопанството.
ВМРО-ДПМНЕ предупреди дека „катастрофалното менаџирање на енергетската криза ќе доведе до уште повисоки сметки кои ќе ги плаќаат граѓаните наредниот период“.
„Наместо да произведуваат струја, владата на СДСМ и ДУИ единствено мислеше на криминалните тендери во РЕК Битола. Вчерашната хаварија со поплавата во РЕК Битола и сликата во која се наоѓа енергетскиот систем во Македонија. Со години хаварија во енергетскиот систем. Државата ги остави општините во долгови заради огромните сметки за електрична енергија. Наместо општините да решаваат инфраструктурни проблеми, преку реализација на проектите, тие мака мачат да ги платат огромните сметки за струја.
За разлика од сите енергетски компании во светот кои работат профитабилно, ЕЛЕМ е пред банкрот заради тоа што не произведува електрична енергија и увезува поскапа струја за 7-8 пати. Недоволното производство на струја, празните акумулации, криминалните тендери за фиктивен ископ, тендери во 4 очи и богатење на фирми блиски од фамилијата Заеви се причината за огромните високи сметки за струја на граѓаните и стопанството.
Оваа катастрофална состојба во енергетскиот систем треба што поскоро да запре. Премногу е!“, се наведува во соопштението на ВМРО-ДПМНЕ.
Македонија
СДСМ: Мицкоски да каже каде завршиле украдените пари од „Криминални парцели“

„Наместо да бега од одговори и да ја замајува јавноста, Христијан Мицкоски да излезе и да одговори пред граѓаните каде завршиле украдените пари од сметката на ЕВН Електрани и дали завршиле за финансирање на неговата партија ВМРО-ДПМНЕ?
Како што е веќе познато, дури шестмина од седумте осомничени за малверзации со ниви во Делчево се директно поврзани со ВМРО-ДПМНЕ и Христијан Мицкоски.
Мицкоски како прв човек во ВМРО-ДПМНЕ треба да одговори дали осомничените работеле по негови инструкции, за ЕВН да плати 50 пати поскапо земјиште за соларни централи?
Дали Мицкоски ја искористил познатата шема на неговиот шеф и ментор Никола Груевски и преку својот телохранител ги прикривал трагите за испумпување на пари од ВМРО-ДПМНЕ?
Прашањата се јасни и едноставни, Мицкоски треба да одговори“.
Соопштение на СДСМ
Македонија
ВМРО-ДПМНЕ: Спасовски да одговори за инцидентот во Чаир и вмешаноста на луѓе блиски до ДУИ

„Молк од Оливер Спасовски и МВР за вооружената пресметка во Чаир.
Спасовски со денови се крие и не одговара како во центар на Скопје се пукало кон полиција, а истото лице кое пукало било пуштено да си замине од местото на настанот.
Ова не е прв пат Спасовски да молчи и да бега од јавноста за криминални пресметки, убиства или пукање кон полиција.
Нема одговор дали лицето кое пукало кон полицијата веќе една година има наредба од СВР Скопје да биде приведено за издржување на затворска казна?
Јавноста бара одговори дали за целиот овој случај има видео и во самото видео е и Ариф Асани, функционер на ДУИ и втор човек на БЈБ?
Исто така нема одговор дали заменикот директор на БЈБ, Арифи е снимен како врши притисок кон полициските службеници за ослободување на лицето кое пукало кон нив? Дали Арифи влијаел врз полициските службеници при пишувањето на нивните службени белешки од настанот.
Овој случај е еден од низата кои изминативе години се случија во министерството за внатрешни работи. Нерасчистени убиства, пресметки меѓу криминални банди, грабежи, вмешаност на полициски службеници во криминал, но ниту еден случај нема завршница и не е разрешен.
МВР не смее да биде испостава на СДСМ и ДУИ и да служи како заштитник на криминалот и криминалците од власта.
Молкот за злосторствата на Спасовски во МВР не смее да помине неказнет. За секој криминал во МВР ќе има одговорност. Македонија не смее да биде земја на криминалците и криминалот. Премногу е!“.
Соопштение на ВМРО-ДПМНЕ