Од опозициската ВМРО-ДПМНЕ го повикаа министерот за здравство, Венко Филпче, да одговори дали неговиот дедо д-р Јорданчо Савески бил во Занзибар со заболените од африканскиот вид на Ковид-19 и дали после тоа отишол во карантин?

„Филипче да каже дали неговото семејство е ширач на Ковид-19, исто како што беше Цаца Билјановска? Додека народот се мачи со ковид, илјадници умреа, а фамилијата на Филипче шета по луксузни дестинации“ , велат од ВМРО-ДПМНЕ.

„Филипче до каде си со вакцините? Народ чека да се вакцинира, а ти една вакцина сам не набави“, реагираат преку соопштение од опозициската партија ВМРО-ДПМНЕ.

Секој ден е ден на борба за унапредување на родовата еднаквост и кршењето на стереотипните родови улоги, ова како што информираат од ЛДП се главните пораки кои се произлезени од онлајн конференцијата ,,За женските права и родовата еднаквост”, која се одржа од страна на Форумот на жените на ЛДП како главна активност за одбележување на 8 Март, Меѓународниот ден на жената.

На конференцијата се обрати претседателот на ЛДП, Горан Милевски, а говор имааа и пратеничката и потпретседателка на ЛДП, Моника Зајкова, и претседателката на Форумот на жени на ЛДП, Билјана Аврамоска-Ѓореска.

„Либерално-демократската партија ја препознава важноста и влијанието од зголемена застапеност на жените во политиката и се залага за еднакво учество на жените и мажите, поттикнувајќи ги и имплементирајќи ги политиките за родова еднаквост. Се покажа дека многу постигнавме досега, но има уште многу нешта кои треба да се остварат до родова еднакавост. Единствено половина е еднаков дел, и единствено еднакво е доволно“, рече претседателката на форумот на жени на ЛДП, Билјана Аврамоска-Ѓореска.

Од владејачкиот СДСМ велат дека лидерот на ВМРО-ДПМНЕ докажа дека нема никаков капацитет за заедништво, ниту дека сака да придонесе за доброто на државата.

„Воден од наредбата да го брани криминалот на Сашо Мијалков и на Никола Груевски, Мицкоски ја кочеше правдата во државата и затоа беше против Законот за Јавно обвинителство со цел да спречи правна разврска на предметите од СЈО, но не му успеа и сега патот на правдата е чист, и изречени се и судски пресуди. Преку своите министри и заменик-министри во техничката Влада, Мицкоски работеше и на штета на институциите кои се бореа со вирусот“, анализираат од СДСМ.

Според нив, Мицкоски ниту во време на светска здравстена криза не покажа, како што велат, капацитет за сплотеност, за заедничка работа во интерес на граѓаните и државата.

„Мицкоски со месеци ги лажеше граѓаните дека има мнозинство и дека ќе стане премиер, но доживеа уште еден дебакл во Собранието, кога се изгласа доверба на Владата предводена од Зоран Заев. Пратениците од ВМРО-ДПМНЕ треба да прекинат со блокадите по желба на Мицкоски и да застанат на страната на граѓаните и на државата“, напоменуваат од СДСМ.