Соопштенија
(Видео) Стоилковски: Четири месеци нема ништо од наводната истрага за што се прислушувани 70 јавни обвинители
Четири месеци минаа, а нема одговорност ниту одговор кој и за што две години прислушкувал во Јавното обвинителство! Четири месеци нема ништо од наводната истрага за што се прислушувани 70 јавни обвинители, ниту каде завршиле нивните разговори, рече портпаролот на ВМРО-ДПМНЕ, Наум Стоилковски.
„Внимавајте, прислушувана е комуникација преку која биле повикувани сведоци, се разменувале податоци за предистраги, истраги и за конкретни судски предмети! За потсетување, обвинителството, самиот Љубомир Јовески некаде околу 30 ноември објави дека биле прислушувани, дека биле снимани сите влезни и излезни разговори во Јавното обвинителство од 30 септември 2016 година, и како ништо да не било, сè уште нема никаква информација за истрага што беше најавена и која според молкот до сега, може да се нарече наводна! Нема никаква информации дали некој и кој имал пристап до податоците, дали ги изнесувал податоците, дали бришел, за што служеле податоците или, пак, биле користени тие податоци, дали тоа го правел некој или некои лица од внатре или, пак, некои од надвор. За сето ова молк, и од Обвинителството но и од МВР, кое, како што беше најавено, било вклучено во истрагата. Уште повеќе, што има на тие снимки од разговорите, што е договарано, што е тоа што го интересирало тој што ги прислушувал? Нема одговор. Дали има разговори за договорени сведочења, за договорени обвиненија, за договорени пресуди? Нема одговор.
Четири месеци минаа откако владата декларативно повика за брзо решавање на случајот, ама нема ништо од тоа. Уште едно оградување, уште едно фрлање прав во очите на јавноста.
Деновиве кога законското решение за јавнообвинителскиот систем е во фокусот на јавноста, Зоран Заев и СДСМ јавно посочија дека немаат намера да се откажат од Љубомир Јовески. Немаат намера да го испочитуваат договореното, Републички јавен обвинител да се избира по предлог на опозицијата. А молкот од обвинителството, од Јовески, за прислушувањето на обвинителите го дава одговорот и зошто Заев и СДСМ бегаат од договореното.
Почитувани, со вакво страшливо Јавно обвинителство, со ваков републички јавен обвинител како Јовески, во Македонија се невозможни ниту право ниту правда. Ако постои и најмал сомнеж, а, за жал, тој е сè поголем, дека обвинителите на чело со Јовески се ставени ‘во џеб’ поради нивните разговори, а Зоран Заев е главниот реформатор, тогаш на секоја пресуда може и се гледа како на политички мотивирана!
Почитувани, ова е срам за Македонија, ова е срам за јавнообвинителскиот систем, ова е срам за држава на територија на Европа, срам за држава којашто го вее знамето на НАТО пред неименувана зграда!
Правото и правдата мора да се вратат во Македонија, граѓаните мора да веруваат во јавнообвинителскиот систем и во судскиот систем, а со Зоран Заев, Љубомир Јовески, Вилма Русковска, тоа е невозможно. Правото и правдата ќе се вратат со победата на Гордана Силјановска-Давкова на претседателските избори, и со победата на ВМРО-ДПМНЕ на предвремените парламентарни избори. Пoбедува правдата, победува Македонија!“ порача Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Повик за македонските стартап-тимови: компанијата „Моцарт Србија“ го почнува четвртиот циклус на стартап-програмата „Универзум“ – пријавете се!
Универзумот продолжува да се шири! Компанијата Mozzart – Србија официјално го започна четвртиот последователен циклус на програмата за поддршка на стартап заедницата – Универзум, а пријавувањето е отворено до 11 мај на следниот линк.
Програмата е наменета за тимови чии производи се во завршна фаза на подготовка за излез на пазарот, но им недостига поддршка за првите чекори кон пазарот.
Стартапот што ќе победи ќе добие вредна парична награда од 20.000 евра, додека второ- и треторангираните тимови ќе добијат по 5.000 евра.
Оваа година освен во Србија, Универзум се шири и во регионот, па вратите на стартап заедницата на Mozzart се отворени и за тимови од Хрватска, Република Српска, Федерацијата БиХ, Црна Гора и Македонија.
Избраните стартапи за време на програмата ќе имаат пристап до:
· Специјализирани и прилагодени едукации
· Работа со посветени ментори
· Бесплатно користење на coworking простор
· Разни активности и настани за поврзување со алумни членови, експерти и дел од стартап екосистемот.
Универзум ќе ги води тимовите низ процесот до лансирање на производот, собирање повратни информации од пазарот и стекнување на првите корисници. Средината на октомври е резервирана за Demo Day, каде што тимовите ќе ги претстават своите идеи пред стручно жири.
Досега, преку Универзум поминале 23 тима, кои продолжуваат да ги развиваат своите иновативни решенија. Од „Tinder за вработување“ во ИТ индустријата и платформи за соларна енергија, до решенија за оптимизација на веб-страници, дигитализација на градинки, инвестиции во земјоделство, online купување, поврзување брендови со
инфлуенсери и гејминг платформи – бројни иновативни идеи оживеале во рамки на Универзум.
Проектот се реализира со поддршка и покровителство на Министерството за наука, технолошки развој и иновации на Република Србија, во рамките на Програмата за промоција и популаризација на иновациската дејност. Ова е втора година по ред како Министерството го поддржува Универзум, што потврдува колку е значаен и кредибилен овој програм на национално ниво. Во соработка со ICT Hub, веќе трета година по ред Универзум се потврдува како единствен и релевантен програм за стартапи во оваа фаза на развој.
ПР
Соопштенија
Македонскиот политиколошки форум објавува повик за доставување трудови
Македонски Политиколошки Форум, објави интернационален повик за доставување на академски трудови од областа на политологијата, правото и економијата.
Трудовите кои ќе бидат одобрени ќе бидат објавени во електронскиот зборник на Македонски Политиколошки Форум.
Право на учество имаат сите студенти и автори од земјава или странство, а трудовите задолжително мора да бидат на македонски или англиски јазик, во една од наведените области во самиот повик.
Сите заинтересирани имаат можност да испратат свој труд (индивидуално или група автори) најдоцна до 15 ти Мај 2025 година. Трудовите треба да ги исполнуваат условите наведени во повикот.
Повеќе информации може да добиете на следниот линк.
Соопштенија
Постигнат милион – актуелната OPEL CORSA апсолутен бестселер
· Омилена помеѓу клиентите: Corsa е најпродаваниот мал автомобил во Германија четири пати по ред
· Успех ширум Европа: актуелната Corsa исто така е на врвот во Велика Британија и Грција
· Рецептот за успех: флексибилна, агилна, ултрамодерна и со широк опсег на погонски системи од електричен и хибриден до верзии со ефикасни мотори со внатрешно согорување
Вредности (комбинирано) за Opel Corsa Electric со 100 kW (136 КС) според WLTP: потрошувачка на енергија 15.7-16.2 kWh/100 km, емисија на CO2 0 g/km; CO2 ознака: A.
Вредности (комбинирано) за Opel Corsa Electric со 115 kW (156 КС) според WLTP: потрошувачка на енергија 14.2-14.4 kWh/100 km, емисија на CO2 0 g/km; CO2 ознака: A.
Вредности (комбинирано) за Opel Corsa Hybrid со 81 kW (110 КС) според WLTP: потрошувачка на гориво 4.6 l/100 km, емисија на CO2 103-104 g/km; CO2 ознака: C.
Вредности (комбинирано) за Opel Corsa Hybrid со 107 kW (145 КС) според WLTP: потрошувачка на гориво 4.6-4.7 l/100 km, емисија на CO2 105 g/km; CO2 ознака: C.
Вредности (комбинирано) за Opel Corsa 1.2 со 74 kW (100 КС) според WLTP: потрошувачка на гориво 5.3-5.7 l/100 km, емисија на CO2 120-128 g/km; CO2 ознака: D.
Opel Corsa продолжува со својот успех уште посилно
Бестселерот на мали автомобили на Opel отсекогаш бил омилен меѓу клиентите и експертите. Сега Opel и Corsa го слават следниот голем успех: од лансирањето на актуелната генерација на F во 2019 година, повеќе од еден милион модели – Corsa ги напуштија производните ленти во фабриката во Zaragoza во Шпанија.
А побарувачката исто така се зголеми во првиот квартал од 2025 година: бројот на нови регистрации во Европа (Е29) се зголеми за 18 % во споредба со претходниот квартал. Од лансирањето на првата Corsa во 1982 година, ширум светот се продадени околу 15 милиони единици.
„Нашата Corsa е апсолутен бестселер. Милионитата Corsa од сегашната генерација покажува дека клиентите навистина го сакаат нашиот мал автомобил. Со својот свеж дизајн, достапните врвни технологии и високата флексибилност спакувана во компактни димензии, ги привлекува најразновидните групи клиенти. Оваа уникатна комбинација е основна гаранција за успех во нашето портфолио“, изјави Florian Huettl, извршен директор на Opel & Vauxhall и управен директор на Stellantis Германија.
Нејзиниот голем успех се одразува и со други бројки: според статистиката за регистрација на германската федерална управа за моторен транспорт (KBA), сегашната Corsa е најпродаваниот мал автомобил во Германија во последните четири години. Тој исто така беше најпродаваниот автомобил во својот сегмент во Велика Британија три години по ред (2021 до 2023 година). На овие два важни пазари, Corsa повторно го предводеше сегментот B во првиот квартал од 2025 година. Од јануари до март 2025 година, популарниот мал автомобил, исто така, влезе во првите три во својот сегмент во земјите како Хрватска, Холандија, Норвешка и Словенија. А во Грција, Corsa беше дури и најпродаваниот патнички автомобил на пазарот во 2023 година. Бројните награди од јавноста и експертите, како што е наградата „најдобар автомобил во класата“ за 2025 година за Opel Corsa Electric и „најдобро електрично градско возило“, се исто така доказ за нејзиниот успех.
Формула за успех: континуираниот развој на флексибилниот мал автомобил
Постојат повеќе причини за нејзиниот успех: сегашната генерација на Corsa импресионира со својот карактеристичен дизајн, вклучувајќи го предниот дел Opel Vizor, просторот за до пет лица и достапноста на врвни технологии како што се приспособливите Intelli-Lux Matrix светла без сјај што ги прави патувањата порелаксирани и безбедни. Клиентите, исто така, имаат екстремно широк избор : од две електрични верзии до модерни хибриди со технологија од 48 волти и ефикасни мотори со внатрешно согорување. Кај Corsa можете да го изберете вистинскиот погон за речиси секој клиент и потреба.
Opel континуирано го развива својот мал автомобил, што го прави уште поатрактивен и посоодветен за секојдневна употреба за клиентите. Земете ја Corsa Electric на пример: со својата батерија од 51 kWh и моќност од 115 kW (156 КС) сега овозможува опсег без емисии до 429 km (WLTP), што е околу 6 % или до 24 km повеќе од претходно. Најдобро од двата света, клиентите можат да уживаат во проширениот опсег без да се соочат со дополнителни трошоци.
Како специјално издание Opel Corsa YES, бестселерот на мали автомобили станува исклучително шарен со што ќе ги привлече Вашите погледи, а достапен е и како електрична верзија. Сето ова ја прави најновата генерација на Corsa омилена кај клиентите, што ќе ја продолжи успешната приказна во иднина.
ПР
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
(Видео) Јанчев: Дискотеката без мака работела 13 години, Тошковски да сакал, ќе ја затворел
Работата на министерот за внатрешни работи, Панче Тошковски, кој на оваа функција е повеќе од една година, денес е на...
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност
„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“,...
Ристески не очекува поскапувања од четврток: Се надевам дека трговците ја научија лекцијата
Ако цените нагло почнат да скокаат од четврток, кога истекува сегашната мерка за ограничени маржи до 10 %, мерката може...
Македонија е тажна приказна, а Црна Гора е најблислку до членство во ЕУ, рече Марта Кос
Црна Гора останува најверојатната кандидатка од регионот на Западен Балкан, кој може да стане нова членка на Европската Унија за...
ОПМ: Треба алатка за споредување на цените на производите за граѓаните да знаат каде може да ги купат поевтино, објавените списоци не се доволни
По објавувањето на списоците со цени на сите производи во маркетите, неопходно е да се направи нова алатка, која на...
Зеленски: Путин сака примирје само за време на неговата парада
Украинскиот претседател Володимир Зеленски изјави дека светот не сака да чека до 8 мај за најавеното примирје на рускиот претседател...
ВМРО-ДПМНЕ до Бујар Османи: Единствениот свет во кој е ДУИ е светот на корупцијата
Дали Бујар Османи го презеде лидерското место во ДУИ, а Али Ахмети се повлече? Дали станува збор за внатрепартиски договор,...
СДСМ: Дали градоначалникот Стефковски се јавувал во МВР за ослободување на својот брат?
Додека јавноста реагира за скандалот со братот на градоначалникот Бобан Стефковски, кој дивееше на скопските улици, а беше ослободен од...
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
Прекинот на електричната енергија во Португалија и Шпанија предизвикан од редок атмосферски феномен
Португалскиот оператор на електричната мрежа – РЕН објави дека прекинот на електричната енергија што ги погоди Португалија и Шпанија е...
Обвинителството ги кани на средба семејствата на жртвите од Кочани пред протестот најавен за утре
Јавното обвинителство кани на средба претставници на семејствата на жртвите од пожарот во дискотеката „Пулс“ кои би сакале подетално да се...
Палевски вели дека не се пријавил во полицијата во Баликесир оти секако ќе го нашле, се видел на сите вести во пицеријата додека пиел еспресо
Обвинетиот за убиствата на Вања и Панче, Љупчо Палевски, во судот одговараше на прашањата на обвинителите. Тој беше прашан зошто...
Путин најавува тридневно примирје
Рускиот претседател Владимир Путин објави таканаречен хуманитарен прекин на огнот од 8 мај до полноќ на 11 мај по повод...
(Видео) Кузеска: Нов скандал, братот на градоначалникот Стефковски лета по улиците, за него не важат законите
Денеска објавуваме нов скандал. Граѓаните ќе видат она што одамна го знаат: функционерите на власта прават што сакаат, без никаква...
